hevulu 6:9 - buacou seiso no faeva esvʉtʉ

⁹ at'inghi, songohia ci maananghia, 'upena ho isieno pat'usna yaica, imzac'on'a asngʉcva ta'sansana taa'uzva tee asuhcu ʉmnʉ na a'a'ausnamu, asuhcu nocmu'u no noa to'usni.

hevulu 6:9 ပူးပေါင်းရင်းမြစ်များ

maluko 16:16

nate tmaa'uzo ho tiou no toonono, te asansana to'usni; nate bʉʉpsʉpsʉ, te topci no kuisi.

sitoo 11:18

ihecu talʉi 'e e'e eni, 'anaihe 'aoka ehcʉvha, cu acʉhʉ tohmomoengʉ to hamo ho mainca: <'o hamo isi yaeza fii note hia to'usnu 'emo ma'vovei ci couyafana ho poa elʉ no nsou!>

sitoo 20:21

'upena hoci mi'usnu to couyutaya ho couyafana, la'u acʉha bumemeala poucufna, poa ma'vovei ho miezuhu to hamo, a'vinano taa'uiva 'o nooe'ocamia ci iesu.

kolinto 1 10:14

ko'koeno, maananghia, temula totoefʉngʉ tola hi'hioa no m'ohkuyu to uacoua.

kolinto 2 12:19

hocieno, lamu ta'unano lamza conino ehcʉvheni 'e iachi, a'ʉmtʉsi o'amos'a maica; yono tuhcu to hamo leamzac'o e'e 'o isi poa e'eneni to kilisto. ngohia ci maananghia, i'e imza afu'a hioa uk'a ci isi o'te 'ucia p'eʉlʉlʉa muu.

kolinto 2 7:1

ngohia ci maananghia, ho mitocueno yaa maica ci teomneni, nteto poa cofkoya 'e iachi, toonva namo afu'u koa ca'i ta feango ho piepiya ci hi'hioa, yono einu to hamo ci h'oyunsova ho ohcʉ'ho no socofkoya.

kolinto 2 7:10

'o hamo isi titha 'e nac'o ho aezuha 'e 'tohʉngʉ ta cou, ho to'usni 'e cou; na eni o'ate namaci ta'susuaeza! at'inghi 'emo tma'usnu ta hpʉhpʉngʉ ci ma'tipvongʉ tesi poa mcoi 'e cou.

ngalatea 5:6

maica, hocitocu no'ayumonʉ no nsou to kilisto iesu, hoci tiou ho o'te tiou no s'e'honga uk'a citesi nama natʉ'ca, inac'o isi boemi no himngonghi ho peispa'teni na singkoo 'aeno eni nate sotva'esi.

hevulu 10:34

lamu i'upu 'atutumzo tola poekotva ci cou. cono holahe ti'einga 'o acʉcʉhʉ ci macucumamu, temuc'o uveica tiova; maica ho imu cohivi, panton'a imu songacva cimo afnaso ʉmnʉ ho noana'ohe ci ezoezoyʉ.

hevulu 10:39

o'amitos'a smase'u ho suhcʉhcʉ ci cou; mito yaa singkoo a'vinano elʉ no to'usni ci cou.

hevulu 2:3

homoeno maica, hocito peaezoni 'emo maica ci taunona'vʉ ci to'usnu, teenana meelʉ pkaako no patvovei? 'o nooe'oca isi ahoza iachia psoevaha 'e to'usnu eni; ohe yaeza mi'usneni a'to ho soomei to moso tmac'ʉhʉ ci cou.

hevulu 5:9

ho isieno poa peihcʉ'ho no a'sʉftonʉ to hamo, isicu peelʉi i'tohungvi no 'auesiesi to'usnu tomo afu'u meot'ʉt'ʉcʉ to hamo ci cou.

hevulu 6:10

la mouhmʉskʉ 'o hamo; o'atesi ahta ta'payo'a na ohmula hioaneni ci hi'hioa ho ina himngonghi, 'aeno i'mi to lamu hia o'te tosvo to'usnu to mocmo ci sinto.

petelo 1 2:11

songohia ci maananghia, ho mimu yonta hpʉhpʉngʉ moc'o nouchichipi, la covnʉ ci cou. te'o eucufna muu. teav'a poa 'aʉnpʉnpʉ no poc'ou si feangomu; 'emo maica ci poc'ou la conino ehtothomneni 'e piepiya.

petelo 2 3:1

songohia ci maananghia, 'e os'o tposi ci tengami maitan'e os'ocuc'o pa'ivaha. ta 'ayumona tamo yuso ci tengami, os'o conino poutʉs'ʉa muu 'emo ma'maica ci hi'hioa, poot'ova namo cofkoya ci lamu hia ma'to'tohʉngʉ.

yohane 1 2:7

ngohia ci maananghia, 'e os'o tposi ho faeni muu, o'as'a faeva ci mashʉyʉ, ma noana'o ci mashʉyʉ. 'a i'o imueno asonghoza tiova. 'e noana'o ci mashʉyʉ 'aeno 'o ohmucula talʉi ci e'e.

yuta 1:3

ngohia ci maananghia, la'u conino mici tengami muu ho yue'engha 'emo yaa natʉ'ca to to'usnu a'to ci a'a'ausna, at'inghi os'o yainca no koyu'u nte ʉmnʉ hoci'u aupcieva mi'usni muu ho eucufna, poa a'cʉ'cʉnʉ nomio to isic'o i'nʉska aucunva pa'cohivneni ta masisinto to hamo ci singkoo ho ehtothomʉ.