hevulu 6:20 - buacou seiso no faeva esvʉtʉ

²⁰ nomio a'to, mo papoevʉ 'o iesu, auyu sʉc'ʉhʉ ne'e; isicu yaito t'ʉcna to maicisito ho 'auesiesi taisaisi.

hevulu 6:20 ပူးပေါင်းရင်းမြစ်များ

looma 8:34

homo maica, siya naten'a topco no kuisihe? o'ai'os'a kilisto iesu! 'o iesu zou 'o mohcula mcoi, a'ʉmtʉsi, nte'o yainca i'o mohcu smoevovei, ho seolʉa no yonto vhona to hamo ho mi'usnu to hamo ho 'inolineni a'to!

'epeso 1:3

'aveoveoyʉ to amohamo to nooe'oca iesu kilisto. maica isi ieni to kilisto ho faeni a'to 'emo mav'ov'o cimo tma'usnu ne pepe ci ʉm'ʉmnʉ.

hevulu 1:3

isi psoevoveiya 'o tiskova to hamo, yaeza a'sʉftona psoe'ongka 'o atuhcusi feango to hamo; isi yomza to meoino tonʉ ci e'esi ho e'oca 'e aʉcʉcʉhʉ. ataveisi ne ohsicu ateop'ʉca 'e kuisi ta cou, cu yusuhngu to vhona tomo soyaatonʉa ne pepe.

hevulu 12:2

teto michʉmʉ to iesu, maica 'aeno iesu 'omo moteongfongfo ho moteoepʉngʉ ta singkooto. o'amo boevovei to tuhcu to zuuzika; apuyu, nomio tomo mooteo ci 'aveoveoyʉsi, o'aisi maka cumasa na aokoe'iya homo mcoi to zuuzika. maitan'e micu yusuhngu to vhona to suoca'ha to hamo.

hevulu 2:10

i'o moso mooyai ho asusuce ta acʉcʉhʉ ci hamo isi poa sucaefi to 'atutumzo 'o iesu, meelʉcu noemʉhʉ, tesi akoeva no poa meelʉ toehungu tma'upu no psoevohngʉsi na 'o'okosi; mo 'aseolʉ ho isi yaica to hamo. maica 'o iesu 'aeno anana'o papoevʉ no hafa 'e cou ho yʉmeʉmʉ no to'usnu.

hevulu 2:17

ko'koeno, te ahtuo'te yonta mo mav'ov'o ho totiski ta maanat'ohaesasi, yonto tuhcu to hamo ho ma'cocacni ho tae'oci ci saisi, te ko'ko peelʉi peteongasa 'e kuisi ta cou.

hevulu 3:1

noa epeiya ho eyoho'a to hamo ci sinto maananghia, ntemu ta'to'tohʉngva 'o iesu; 'aeno 'o ito ehohonga ta singkooto ci soskuskunu ho taisaisi.

hevulu 4:14

homo maica. nteto tʉyʉca 'e ito ehohonga ci singkoo. maica mito yaa cihi ci taunona'vʉ ci taisaisi, 'ai'oeno oko to hamo ci iesu; micu yʉmeʉmʉ to tuhcu to hamo.

hevulu 5:10

isi epeaska to hamo te ieni to t'ʉcna to maicisito ho taisaisi.

hevulu 5:6

isi i'vaha yainca tomo h'unasi: teko fiho to t'ʉcna to maicisito. 'auesiesi saisi.

hevulu 8:1

'e atuhcusi ta ito toʉsvʉsvʉtneni mo maica: mito yaa maicac'o cihi ci taisaisi; mo yusuhngu to vhona tomo soyaatonʉa ta sopepea.

hevulu 9:12

nemo yupaezumo to tohesa 'o kilisto, ne isi peisnʉski aepʉngʉ yʉmeʉmʉ to socofkoyana, o'amo titho no hmuyu to moatʉ'nʉ ho ito oko no 'uachumu ho teyai sʉ'ta, ma isi titheni to iachisi hmuyu ho nomio a'to ho aepʉnga 'e 'auesiesi to'usnu.

hevulu 9:24

'o kilisto ma'imo yʉmeʉmʉ to isi teyai ta cou ci socofkoyana; mac'o hu'ongka to a'ʉmtʉ socofkoyana. mo yʉmeʉmʉ ne pepe, yac'ʉneni to tuhcu to hamo a'to.

petelo 1 3:22

micu uhne pepe 'o iesu kilisto, maicutan'e mo yonto vhona to hamo, aʉt'ʉca na afu'u tensi ho inala aʉt'ʉcʉ ho yaa tonʉa ta mouhpʉhpʉngʉ.

yohane 1 2:12

mao'o'oko, mi'o tmopsʉ ta tengami ho faeni muu. maica ina kuisimu isicu ieni to kilisto ho noa peteongasa.