hevulu 5:1 - buacou seiso no faeva esvʉtʉ

¹ 'emo macicihi ci taisaisi la acʉha i'mi tamo botngonʉ ho epeiya, la asvʉta no fifiho to hamo ho yaahioaneni 'e yatatiskova, nomio to kuisihe ho mi'usnu to hamo ho mofi no teonghia ho ito sʉ'ta.

hevulu 5:1 ပူးပေါင်းရင်းမြစ်များ

looma 15:17

maicac'o, maica ho mi'o no'ayumonʉ to kilisto iesu, te'o i'mi ho mi'o fifiho to hamo ho taotofsi'i co os'o ta'usni.

kolinto 1 15:3

os'o psoecingha muu 'o os'o tiova ci sotva'esi ci e'e, 'aeno: maito isi engha to seiso, isi nomzi to kilisto na kuisito ho mcoi;

hevulu 10:11

'o saisi to yutaya la huhucmasi yac'ʉ ho fifiho to hamo, siho sʉ'teni 'omo totiski ci sʉ'ta; at'inghi 'emo maica ci sʉ'ta 'auesiesi o'atesi ahta peelʉi toononvi 'e kuisi ta cou.

hevulu 10:12

at'inghi. 'o kilisto isic'o i'nʉska sʉ'teni 'emo 'auesiesi yaa a'a'ausna ci meepoptoengaso kuisi. ataveisi micu yusuhngu to vhona to hamo.

hevulu 11:4

i'mi no singkoo, 'o yaapo mo sʉ'tʉ tomo asuhcuhe ʉmnʉ to sʉ'ta to kai'in ho sʉ'teni to hamo. isi ieni no singkoo, noa emomoengʉa to hamo, hocu noa yainca coumoulʉlʉ, maica ho isi iachia tiova to hamo 'o teonghiasi. moso e'vono mcoi, mioc'o asngʉcʉ boemi ta singkoo tan'e ho aomotʉ'ʉ.

hevulu 2:17

ko'koeno, te ahtuo'te yonta mo mav'ov'o ho totiski ta maanat'ohaesasi, yonto tuhcu to hamo ho ma'cocacni ho tae'oci ci saisi, te ko'ko peelʉi peteongasa 'e kuisi ta cou.

hevulu 7:27

o'amo totiski to mocmo ci taisaisi, o'ate nama huhucmasa auevan'a sʉ'teni 'e iachisi kuisi, hocu sʉ'teni 'e kuisi ta yatatiskova. mosoc'o i'nʉskʉ sʉ'tʉ; isi sʉ'ta 'o iachisi, isic'o peisnʉski aepʉnga.

hevulu 8:3

'emo macicihi ci taisaisi la noa skuna ho mi'usnu to hamo ho mofi to teonghia ho sʉ'ta; i'mi tan'e 'o taisaisito nte maezo panonte faeni.

hevulu 8:4

hocita yonta ceoa, asonʉ o'ateta meelʉ saisi, maica ho panto micu fiho to hoolicu to yutaya ho mofi to teonghia ci saisi.

hevulu 9:9

'e tohesa ta yafana isi epo'usa ta hie maitan'e. te yainca eni 'o isi faeni to hamo ci teonghia ho i'o sʉ'ta o'atesi ahta poa a'sʉftona na 'tohʉngʉ tamo m'ohkuyu ci cou.