hevulu 3:6 - buacou seiso no faeva esvʉtʉ

⁶ at'inghi, 'o kilisto mo boemi ta ongko nosi oko ho meot'ʉcʉ ho aʉt'ʉca 'e emoo to hamo. hocito tʉyʉca 'e ito taa'uzva ci mingeovi ho 'ʉteʉ, 'acueno 'oahngʉ to cono emoo to hamo.

hevulu 3:6 ပူးပေါင်းရင်းမြစ်များ

matai 10:22

nomio a'o, tehe sʉ'nova tamo botngonʉ na muu; at'inghi i'ote apaezumo buveici ci cou 'ate ahtuo'te elʉ no to'usni.

matai 16:18

te'o eʉsvʉta suu, zou petelo suu. zou yakivayʉ, ta yakivayʉ tan'e; te'o p'eyac'a 'o kiokai'u, ac'ʉhʉ no tonʉ no mcoi maezo o'a te atpʉtʉ.

matai 24:13

at'inghi, nate apaezumo bimahtʉicʉ buveici ci cou ahtuo'te elʉ no to'usni.

looma 11:22

i'mi tan'e tetocu honga, 'o hamo mo ma'cocacni. la maezo na'no mouyʉcʉ, mi'usnu tola m'evio ho smopcuku ci cou la mouyʉcʉ; mi'usnu suu, la ma'cocacni 'o hamo. hocikoc'o mako a'cʉ'cʉnʉ yunsou no himngonghisi; hoci o'te maica, tesi yaeza tibkoca suu.

looma 12:12

yono taico no ta'usni ho kokaekaebʉ, notaico no 'atutumzo la luaveica, la asno'zonʉ hola 'inoli.

looma 15:13

'o hamo, 'ai'oeno 'o esbobuka no ta'usni, tesi'sola i'mi no lamu singkoo ho poa nongcʉngcʉ na mav'ov'o ci kokaekaebʉ, soanono, inalamu ta'usni, ieni no tonʉ to seilei, ho o'te antʉhʉ apuhngua.

looma 5:2

ieni no tmaa'uzo, isicu poa yaansou no 'ayumona no mengumi to hamo na a'to, i'mi tan'e mito kokaekaebʉ ho yaa ta'usni no tma'upu no psoevohngʉ to hamo!

kolinto 1 3:16

'atemu ahtao'te cohivi, na muu zou seiten to hamo, na piepiya to hamo mo no'ayumonʉ muu.

kolinto 1 6:19

o'a imueno cohivi 'e feangomu zou emoo to seilei? 'e seilei eni mo yonta 'ayumonamu, isi pafeni to hamo. o'amimu tma'usnu ta iachi, mamo tma'usnu to hamo,

kolinto 2 6:16

'o seiten to hamo ho uacoua teeno meelʉ biepohʉ yac'ʉ? zou seiten to no'auesiesi ci hamo a'to. aʉlʉ mais'a 'o e'e to hamo: te'o no'upu ta 'o'oko'u, yuavovei ta 'ayumonahe. tehe hamo ta 'o'oko'u; te'o ta'okoa na hin'i.

ngalatea 6:10

i'mi tan'e, 'upena ho homna, hoci ake'i meemeelʉ la hioa nate koa ʉmnʉ tamo botngonʉ, mi'usnu tamo cono singkoo ci cou nte h'unano maica na te hioa.

ngalatea 6:9

ko'koeno, holato peis'ʉ'ʉmnʉ, o'te suhcʉhcʉ na 'tohʉngʉ; hoci o'te ma'sasmʉzʉ, hotac'u esmi na hiesi tena ahtuo'te yaa tov'oha.

'epeso 3:12

ieni to kilisto, ho tmanoe'ocʉ. teto meelʉ tobohtʉ o'te smoyo ho uhto tuhcu to hamo.

kolosai 1:23

temu asansana ayʉca na singkoo, bʉʉlʉlʉ ta mo mahtʉicʉ ci i'tohungva; teav'a teongasi na ohmu ta'usni ne mohmun'a ahoi tiou ta fukuin. maitan'e, 'e fukuin eni micu psoengabo ta mauhpʉhpʉngʉ; na a'o - poolo. 'aeno soskuskunu ta fukuin tan'e.

tesalonike 1 5:16

la asngʉcʉ kokaekaebʉ,

tesalonike 2 2:16

isi ngohia to hamo a'to, i'mi to mengumisi, isi pafi no 'auesiesi ci 'ʉteʉ ho yonghu ci ta'usni na a'to. 'e amohamo eni ho i'o nooe'oca iesu kilisto tesi'sio,

temote 1 3:15

hoci ma'i poha'o, 'e tengami eni tesi eʉsvʉta muu, ho lato yonta emoo to hamo ntee mainenu na teto h'oyunsova. 'e emoo eni 'aeno kiokai to no'auesiesi ci hamo, zou sʉesʉ ho totnguca ta so'emio.

hevulu 1:2

at'inghi to puesona ta hie, isi ieni to okosi ho mi'usnu a'to ho aomotʉ'ʉ. 'e oko eni, 'o hamo ohsila ieni ho teyai 'e mouhpʉhpʉngʉ, a'vinano epeiya ho poa tiuskeni 'e aʉcʉcʉhʉ.

hevulu 10:19

maicacu, maanat'ohaesa, ito ieni to mcoi to kilisto meelʉ o'te ma'sasmoyo ho yʉmeʉmʉ to socofkoyana.

hevulu 10:21

homitoeno yaa taunona'vʉ ci saisi ho tʉʉt'ʉca 'o emoo to hamo,

hevulu 10:23

teto poa mahtʉicʉ o'te aezuhu ho noyʉyʉci 'e ito ebobohnga ci ta'usni, maica 'o isi teomneni to hamo te peelʉi noe'oci.

hevulu 10:35

ko'koeno, teav'as'a payo'a na 'ʉteʉmu; 'e 'ʉteʉ eni tasi hafneni nomo someoisa ci hʉpeʉeza.

hevulu 11:1

homoeno maica, zou cuma na isi yainca singkoo? 'e singkoo la mi'usnu to isi afu'a mingeovi ci hi'hioa ho tʉyʉca, mi'usnu to o'amocu isi teolʉi ci hi'hioa ho ma'sansano.

hevulu 3:14

hocito peelʉi amamahtʉica na nia ahoi singkoo, o'te avaevoezuhu, 'amitocueno toehungu yaahioai 'o kilisto.

hevulu 4:11

ko'koeno, nteto asno'zonʉ yʉmeʉmʉ to soanono to ic'o; maicac'o, 'upena na siya o'ate mais'a 'omo yutasufku to mashʉyʉ ci cou ho smopcuku ho peispapayo'ʉ.

hevulu 4:14

homo maica. nteto tʉyʉca 'e ito ehohonga ci singkoo. maica mito yaa cihi ci taunona'vʉ ci taisaisi, 'ai'oeno oko to hamo ci iesu; micu yʉmeʉmʉ to tuhcu to hamo.

hevulu 4:16

ko'koeno, nteto smeesosonʉ ho uhto tuhcu to yaa mengumi ci suoca'ha to hamo, ko'ko tiou no angongohia ho ino mengumi, teyaineni note meelʉ osni to'usnu a'to.

hevulu 6:11

'olamza someoino no tata'zeni: 'e mimu macicihi la ahoi no ahoisi apaezumo cuveu ci 'tohʉngʉ, ko'ko poa meelʉ esmi na lamu afu'a mingeovi ci hi'hioa.

hevulu 6:18

'emo yuso ci a'a'ausna o'ate ahta aezuha, maica o'ate meknuyu 'o hamo. ko'koeno, i'mi tan'e. 'e mito biebimi no noa aʉt'ʉca to hamo ci cou a'ʉmtʉ tiou no meoino poucufnu, la tʉyʉca 'emo yonta ito mi'usni ci lato ta'usni.

hevulu 7:19

'o hoolicu to moose o'atesi peelʉi poa peihcʉ'ho no a'sʉftonʉ 'emo mav'ov'o ci hi'hioa. maitan'e mitocu yaa asuhcu ʉmnʉ ci ta'usni, ieni tan'e, teto meelʉ ohcum'u to hamo.

petelo 1 1:8

e'vono o'a ohmula aiti 'o iesu, at'inghi imu ngohia; e'vono o'aimu aiti maitan'e, at'inghi imu taa'uzva. mimu yaa o'ate peelʉi engha no e'e cimo uk'a noca'cʉ'hi ci kokaekaebʉ;

petelo 1 2:5

temula maezo mais'a yaansou ci fatu, titha m'eac'ʉ nomo tma'usnu no piepiya ci seiten, yonto ic'o ho socofkoya ci saisi, ieni to iesu kilisto ho sʉ'teni ci isi ʉmnʉa to hamo cimo no'usnu no piepiya ci sʉ'ta.

petelo 1 4:17

micu sʉc'ʉhʉ 'e hiesi no yʉsvʉtʉ, te aueva yʉsvʉta 'e 'o'oko ta emoo to hamo. hoci ahoi a'to na yʉsvʉta, i'omo o'te tmaa'uzo to fukuin to hamo ci cou ma tenaeno mainenu na tahe atotavei?

mokusi 2:18

mokusi 2:25

at'inghi, temula noyʉyʉci na panocu, ac'ʉhʉ ho ta'ucu cmʉ'ho.

mokusi 2:26

i'ocu 'omo atpʉtʉ, ho meelʉ ac'ʉhʉ no ataveisi ho meot'ʉcʉ ta h'omahsʉftʉ'u ci cou, te'o pafi no tonʉ, totiski to isi faeni a'o to amo'u; te'o fii no tonʉ ho aʉt'ʉca 'e mauhpʉhpʉngʉ, boemi no s'ofʉ no meemeno ho aʉt'ʉca, mais'a tmo'zo'zo'o no kavo'oe ho t'oz'oz'i. te'o yaeza pafeni tamo atpʉtʉ ci cou 'o tiskova ci congeoha no taseona.

mokusi 3:11

tena'ucu cmʉ'ho. teko noyʉyʉci na acʉcʉhʉsu, teav'a poa ti'eingneni no cou na tafange no atpʉtʉ.