hevulu 2:10 - buacou seiso no faeva esvʉtʉ

¹⁰ i'o moso mooyai ho asusuce ta acʉcʉhʉ ci hamo isi poa sucaefi to 'atutumzo 'o iesu, meelʉcu noemʉhʉ, tesi akoeva no poa meelʉ toehungu tma'upu no psoevohngʉsi na 'o'okosi; mo 'aseolʉ ho isi yaica to hamo. maica 'o iesu 'aeno anana'o papoevʉ no hafa 'e cou ho yʉmeʉmʉ no to'usnu.

hevulu 2:10 ပူးပေါင်းရင်းမြစ်များ

luka 13:32

isi yut'inga to iesu ho yainca: >

luka 2:14

na psoevohngʉ te ta'usna to sopepea ci hamo! na moususeomʉ te ta'usna ta isi ʉm'ʉmnʉa ci cou ta ceoa!

luka 24:26

'atees'aeno anana'o mita mo maica ci ceonʉ 'o kilisto niantec'u yʉmeʉmʉ no psoevohngʉ?>

luka 24:46

ivaha mi'usni ho yainca: <'e isi tposi ta seiso: te tikuzkuzoa 'o kilisto, ho tac'u miteuhi. te i'mi to mcoi ho smoevovei.

yohane 11:52

o'a tesis'a anova mcoineni 'e couyutaya, tesi yaeza eteuyuna namo nopeaski ta hpʉhpʉngʉ ci 'o'oko to hamo, poa tmucnia.

yohane 19:30

ataveisi ne isi soetothoma to iesu, yainca: mo tma'keucu 'o fnguusi, cu entʉha to nsou.

sitoo 3:15

maicac'o, imu opcoza 'o nooe'oca no nsou; at'inghi 'o homo isi i'mi to mcoi ho poa smoevovei. 'aeno a'mi 'ete 'akasi ta hi'hioa tan'e.

sitoo 5:31

isi hoepzeni to hamo. poa yonto iachisi vhona tee tmuoteuyuna. poa leto'usnu. akoeva no poa yaa hiesi no ma'vovei 'e cou'isolaelu. poa peteongasneni na kuisihe.

looma 11:36

maica 'e acʉcʉhʉ mo i'mi ta iachisi, ieni ta iachisi, noovei ta iachisi, na psoevohngʉ ta'usna'sio to hamo, ac'ʉhʉ no 'auesiesi! 'aamen.

looma 9:23

tesi yaeza epa'teni a'to na atngaso ci psoevohngʉsi. 'aeno a'to na tesi mi'usni ho coveoza, a'vinano zou isi ayoca no poa tiou no psoevohngʉsi ci cou.

kolinto 1 2:7

i'e os'o engha ci moutʉs'ʉ zou moutʉs'ʉ no moumsʉ'eonʉ to hamo, 'ai'oisieno efʉngan'a ta cou, at'inghi ohsicu ahoza ne auyusi no teyai 'e hpʉhpʉngʉ ho ta'eoyoca no poa elʉ no psoevohngʉ a'to ci moutʉs'ʉ.

kolinto 1 8:6

at'inghi hoci mi'usnu a'to moc'o cihi ci hamo, 'ai'oeno amopepe, mosola mooyai ta acʉcʉhʉ; mito nomio to hamo ho yaansoua. a'vinano, moc'o cihi ci nooe'oca, 'ai'oeno iesu kilisto; 'e acʉcʉhʉ ci macucuma isi ieni to kilisto ho teyai, ito ieni 'o kilisto ho yayo.

kolinto 2 3:18

teto acʉhʉ boemi no o'aisi feʉ'sa no yʉteʉ ci sapci ho psoevoveiya na psoevohngʉ to nooe'oca; i'omo i'mi to nooe'oca - i'o seilei - ci psoevohngʉ isi aezuha a'to, poa mi'u'usnu no mi'ausnasi na a'to ho poa yaa asuhcu tofsi'i ci psoevohngʉ.

kolinto 2 4:17

'e imza yupteilʉneni ci moc'o akameosʉ ci 'atutumio, tesi hafneni no o'ate peelʉi ta'cʉ'ha ci 'auesiesi psoevohngʉ.

kolinto 2 5:18

'e acʉcʉhʉ eni zouc'o acʉhʉ hi'hioa to hamo; isi ieni to kilisto ho poa naoveia na a'to ho i'o hamo, yaeza faeni a'mi 'e psoyaski no fukuin no naoveia.

kolinto 2 6:18

temu ta'amo a'o; te'o 'o'oko na muu. 'e e'e eni zou e'e'u - soyaa tonʉa ci nooe'oca.

ngalatea 3:26

mimu acʉhʉ i'mi to hocu tmucni 'o kilisto iesu, meelʉcu tma'oko to hamo.

'epeso 2:7

ho isi yaica te mi'usnu tate yutotavei ho pa'teni na meoino mengumisi, 'ai'oeno isi ieni to kilisto iesu ho epa'teni a'to ci himngonghi.

'epeso 3:10

na atuhcusi te yonta mauhpʉhpʉngʉ maitan'e. ieni ta kiokai. poa cohivneni tala yonta engʉca cila poʉt'ʉcʉ, tʉʉt'ʉcʉ na mav'ov'o ci moutʉs'ʉ to hamo.

kolosai 3:4

'o kilisto zou a'ʉmtʉmu nsou; ho tenala i'vaho aopa'to, tenamu maezo to kilisto ho i'upu aopa'to, tma'upu no psoevohngʉsi.

temote 2 2:10

i'mi tan'e, mi'o nomio to isi epeiya to hamo ci 'o'okosi ho uveica 'e acʉcʉhʉ, te ko'ko peelʉi poa maezo mayo tomo i'mi to kilisto iesu ci to'usnu ho 'auesiesi ci psoevohngʉ.

hevulu 12:2

teto michʉmʉ to iesu, maica 'aeno iesu 'omo moteongfongfo ho moteoepʉngʉ ta singkooto. o'amo boevovei to tuhcu to zuuzika; apuyu, nomio tomo mooteo ci 'aveoveoyʉsi, o'aisi maka cumasa na aokoe'iya homo mcoi to zuuzika. maitan'e micu yusuhngu to vhona to suoca'ha to hamo.

hevulu 6:20

nomio a'to, mo papoevʉ 'o iesu, auyu sʉc'ʉhʉ ne'e; isicu yaito t'ʉcna to maicisito ho 'auesiesi taisaisi.

hevulu 7:26

maicac'o, 'o iesu 'aeno 'o ito tata'ia ci teto noe'oci ci taisaisi. zou socofkoya, uk'a peis'epo, uk'a kuisi; isi i'mi tamo yaa kuisi ci cou ho ah'una, taspepza ho poa noepehe ta maepepe.

hevulu 7:28

'o hoolicu to moose isi p'eyac'a 'e o'amo a'sʉftonʉ ci cou ho poa taisaisi; at'inghi, 'o hamo mo yonta ataveisi to hoolicu ho esvʉtʉ ho teomneni, p'eac'acu 'o 'auesiesi ho a'sʉftonʉ ci okosi.

petelo 1 1:12

'o hamo isi poa cohivneni to eyongensa, na hiahe yaahioa o'a ihe hioaneni 'e iachi, ma ihe hioaneni muu. 'o ohela maeengha ci hi'hioa, maitan'e isicu ieni tola yaahioa to fukuin, noe'ocʉ to tonʉ tomo i'mi ne pepe ci seilei, hocu psoecʉ'ha muu; 'emo maica ci hi'hioa, ac'ʉhʉ to tensi ma ohe yaeza 'ucia asansana!

petelo 1 5:1

te'o ieni ta ongko no'u coolo ho mi'usnu ta mimu maezo coolo ci haah'o ho noa 'tohʉngʉ. na a'o la'u 'akasi 'o 'atutumzo to kilisto ci cou, tma'upu to tenala epa'teni ci psoevohngʉ ho noana'o. te'o m'em'ene muu,

petelo 1 5:10

at'inghi, ataveisi ho mimu tiou ta akameosʉ ci 'atutumio, i'ola mofi to afu'u mengumi ci hamo, 'ai'omoeno eyoho'ʉ muu ho ieni to kilisto iesu ho yuecnguhu ho toehungu tma'upu no psoevohngʉ ci hamo, 'atasi ahtao'te iachia p'eʉlʉlʉa. amamahtʉica, pafi no tonʉ ho ino tmaʉlʉlʉ ci totnguca na muu.

mokusi 4:11

nooe'ocamia, hamomia! teko 'aseolʉ no tiou no psoevohngʉ, so'einva, ho soyaatonʉa. ohsula teyai 'e acʉcʉhʉ; mo noa teyai 'e acʉcʉhʉ, ko'komo meelʉ yayo, isic'o acʉha ieni no 'tohʉngʉsu.

mokusi 7:9

atavei, os'o aiti, teolʉi 'omo botngonʉ ci cou, o'a isi peelʉi tasvʉta 'o hia botngonʉa. mo i'mi to mauhpʉhpʉngʉ, mayoyou, masusuezopʉ, maee'e ho cmʉ'ho, acʉhʉ yac'ʉ to tuhcu to suoca'ha ho ito okomoatʉ'nʉ, sifʉecʉ'za ho mʉpʉtʉ to ehʉngʉ no ehufu.