hevulu 13:22 - buacou seiso no faeva esvʉtʉ

²² maanat'ohaesa'u, temu'so uveica tiova 'e e'e no'u poucufnu; o'aos'o nama poa tacvoh'i 'e hia tmopsʉ ta tengami.

hevulu 13:22 ပူးပေါင်းရင်းမြစ်များ

sitoo 13:15

eepʉnga 'o hoolicu to moose ho i'o tposʉ to eyongensa, 'ola le'aʉt'ʉcʉ to kaitoo mo smuhnu to cou usa ho yainca: <'a'ahaeva, hoci pano temu 'ucia eucucufneni ci e'e tamo botngonʉ, temun'a aomotʉ'ʉ.>

kolinto 2 10:1

na a'o - poolo te'o aʉla iachia poucufna muu. hola'u no'upu muu lamu ta'unano mi'o na'no ma'cocacni, ho la o'te no'upu la na'no mouyʉcʉ; maitan'e te'o ieni to ma'cocacni ho moususeomʉ to kilisto ho m'ene muu:

kolinto 2 5:20

ko'koeno, mimza afnaso ci soskuskunu to kilisto. isi iachia ieni a'mi to hamo ho poucufna muu: temza mi'usnu muu ho p'enzeni 'o kilisto, poa naovei muu 'o hamo.

kolinto 2 6:1

lasi toehungneni yaahioa to hamo a'mi; temia poucufna muu: afu'u cueno tiou to mengumi to hamo, teav'as'a poa peis'afeungu 'e mengumi eni.

ngalatea 6:11

temu aiti, 'emo maica hia tmameoisi ci tposʉ os'o iachia tposi ho faeni muu!

'epeso 3:3

isi paavi a'o, poa cohivneni a'o na moumsʉ'eonʉsi. (o'ucula ake'a tposi 'e moumsʉ'eonʉ eni;

hevulu 12:5

imun'asi ta'payo'a 'o hamo mio mainenu na lasi hia mais'a eucufnu no oko ho eucufna muu? isi yainca: oko'u, la butataayaezoi 'o lasi hia mahsʉsʉftʉ to nooe'oca, 'ote i'mi ho lasi koica ho ma'papayo'ʉ;

hevulu 13:19

te'o afnaso m'ene muu ho 'inolineni a'o, eoho'neni to hamo te'o ko'ko meelʉ aupcio yuovei ta lamu yoni.

hevulu 2:1

i'mi tan'e, teto asansana asuhca noyʉci 'e ohto afu'a talʉi ci so'emio, tes'a noa meaapapayo'ʉ.

hevulu 3:1

noa epeiya ho eyoho'a to hamo ci sinto maananghia, ntemu ta'to'tohʉngva 'o iesu; 'aeno 'o ito ehohonga ta singkooto ci soskuskunu ho taisaisi.

hevulu 4:1

ho isieno teomneni to hamo ho teto tma'upu to isi pafeni ci soanono, manteto yaa ma'sasmoyo ci 'tohʉngʉ, citehes'ala ta'unano pano mimu peispapayo'ʉ, ho o'tena meelʉ tma'upu no soanonosi.

hevulu 4:11

ko'koeno, nteto asno'zonʉ yʉmeʉmʉ to soanono to ic'o; maicac'o, 'upena na siya o'ate mais'a 'omo yutasufku to mashʉyʉ ci cou ho smopcuku ho peispapayo'ʉ.

petelo 1 5:12

yonto hia to'usnu to meot'ʉt'ʉcʉ ci siila, mi'o tmopsʉ ta moc'o nanʉhtʉ ci tengami ho faeni muu. te'o poucufna muu, a'vinano 'akasi 'o mou'ʉmtʉ ci mengumi to hamo. temula yonta mengumi tan'e ho bʉʉlʉlʉ o'te aot'ou.