hevulu 13:18 - buacou seiso no faeva esvʉtʉ

¹⁸ teav'asola tosveni 'inolineni a'mi. imza iachia taa'uzva mo tʉs'ʉ ho ʉmnʉ 'e koyumza, smoekakaebʉ mino mo emio ci ceonʉ.

hevulu 13:18 ပူးပေါင်းရင်းမြစ်များ

sitoo 23:1

isi teochʉmi to poolo 'o cou to ngikai, yainca:

sitoo 24:16

ko'koeno, la'u conino eucucufna 'e iachi, yonto tuhcu to hamo ho ita cou, asngʉcva butʉtʉyʉca na acocofkoya ho tʉs'ʉ ci 'tohʉngʉ.

looma 12:17

'otela boemi no kuzo ho auski no kuzo; nala toehunga huyoyonghua ci hi'hioa, la soekaebeni ho hioa.

looma 13:13

na teto peipeis'ausna la poa peismomolʉ, totiski tola notaico to tiskova ho yaansou ci cou. 'otela 'aʉnpʉnpʉ ho momoyomo, 'otela peis'usnu no mseezo ho smoc'ou, 'otela aubut'u ho youbobai.

looma 15:30

maanat'ohaesa, ieni to nooe'ocato ci iesu kilisto, yaeza ieni to isi pafeni to seilei ci himngonghi, te'o m'ene muu, nomio a'o teto toehungu mi'usnu to hamo ho 'inoli.

kolinto 2 1:12

i'elamza etanveni zou: 'e ʉmnʉ ci 'tohʉngʉmza isi soomei na lamza hia mi'usnu ta cou ta hpʉhpʉngʉ, aavaho na natʉ'ca ta a'mi ho muu, acʉhʉ tiou to isi pafeni to hamo ci mo'esansano ho 'o'elʉlʉ. na eni moc'o acʉhʉ i'mi no tonʉ no mengumi to hamo. o'amos'a i'mi nomo tma'usnu ta hpʉhpʉngʉ ci moutʉs'ʉ.

pilipi 4:8

ataveisi, maanat'ohaesa, temula conino buyuyue'iya i'ola ʉmnʉ ho peelʉi tohmoengʉi ci hi'hioa. acʉcʉhʉ 'ola mou'ʉmtʉ, mitohʉngʉ, ahmʉskʉ, cofkoya, ʉm'ʉmnʉa, ho i'ola taotofsi'i ci hi'hioa ntemu la acʉha huecvʉhʉa.

kolosai 4:3

la yaeza 'inolineni a'mi, p'enzeni to hamo ho pafi no 'oc'ocic'o ci hie ho psoyaska 'e fukuin, ko'ko peelʉi psoecocoya 'e moumsʉ'eonʉ to kilisto. maitan'e mi'o nomio tan'e ho noekotu.

tesalonike 1 4:12

te peelʉi poa einveni to o'ala tmaa'uzo ci cou na muu, maezo o'ate nama noe'ocʉ no to'usni no mocmo ci cou.

tesalonike 1 5:25

maanat'ohaesa, temu 'inolineni a'mi.

tesalonike 2 3:1

atavei, maanat'ohaesa, temu'sola 'inolineni a'mi, ko'ko peelʉi aupcieva psoyaska 'e fukuin to nooe'oca, a'vinano noa einva, mais'a ne ohola psoyaska ta 'ayumonamu ho noa einva.

temote 1 1:5

na atuhcusi ta mashʉyʉ tan'e la cucufnu no himngonghi; 'e himngonghi eni, la i'mi no cofkoya ci 'tohʉngʉ. ʉmnʉ ci koyu, ho ino a'ʉmtʉ ci singkoo ho cmʉfeʉ.

petelo 1 2:12

ho lamu no'ayumonʉ ta couyafana, ntemula yaa peislʉlʉ ci peipeis'ausna, i'ola ekuzkuzo, ho maus'os'osʉ muu ci cou, i'mi ho lahe aiti na lamu hia popeislʉlʉ, yono hiesi no ivaho cmʉ'ho 'o nooe'oca, tehe ta'usna to hamo na psoevohngʉ.

petelo 1 3:16

at'inghi tela boemi no ma'cocacni ho ma'eaceaco ci koyu ho yut'ingi. la yaa cofkoya ho ʉmnʉ ci 'tohʉngʉ, poa iachi ma'kokoe'i 'ola aokoe'i muu, ho lamu tmaa'uzo to kilisto ho popeis'ʉ'ʉmnʉ.

petelo 1 3:21

'e chumu eni 'aisieno epo'usa no toonono. maitan'e 'e toonono eni isi to'usni muu, o'a isis'a yainca isi toonvi na ca'i ta feangomu, mamo boemi no cofkoya ci 'tohʉngʉ ho mi'usnu to hamo ho ekoyu; 'e toonono eni isi ieni to smoevovei to iesu kilisto hocu to'usni muu.