hevulu 12:25 - buacou seiso no faeva esvʉtʉ

²⁵ homo maica, temula bumemealʉ, 'ote bʉʉpsʉpsʉ tomo mi'usnu muu ho aomotʉ'ʉ. i'o moso bʉʉpsʉpsʉ to socofkoya ci e'e ne ohon'a psoevaha ta ceoa ci cou, ho o'amosoeno meelʉ momeesih'i no kuisi, namaeno hocito bʉʉpsʉpsʉ tomo i'mi ta pepe ho aomotʉ'ʉ, tec'u asuhcu o'tena meelʉ momeesih'i no kuisi!

hevulu 12:25 ပူးပေါင်းရင်းမြစ်များ

matai 17:5

ne mon'a seolʉa no aomotʉ'ʉ 'o petelo, yaa tofsi'i ci cmʉcmʉ isi tofeʉ'si 'omo tuyu; panto fihngau cimo i'mi to cmʉcmʉ, yainca:

matai 8:4

isicu mi'usni to iesu ho yainca:

sitoo 7:35

> ci cou ic'o. ieni to mo aopa'to to cʉcʉmʉ ci tensi, isi popeoskuna to hamo ho poa so'ehti ho leto'usnu.

tesalonike 1 5:15

la bumemealʉ, 'otes'ala boemi no kuzo ho auski no kuzo, la asngʉcʉ yupa smo'eʉt'ʉt'ʉcʉ, ta'to'tohʉngveni no te koa ʉmnʉ na mocmo ci cou.

temote 2 4:4

lahe tʉmʉta 'o koyu ho o'te tmalʉ ta so'emio ci e'e, namala toh'unuhe to e'ankʉ ci ehohamva.

hevulu 1:1

ne noana'o, 'o hamo la siho boemi tomo mav'ov'o ci ti'a'ausna, ieni to eyongensa ho mi'usnu to nia maameoito ho aomotʉ'ʉ;

hevulu 11:7

i'mi no singkoo, 'o noa mo yono o'amocu isi aiti ci hi'hioa ho taa'uzva 'o engaho to hamo, mooyai to conci 'apangʉ, to'usni 'o iachisi ho i'o conosi emoo. maicac'o, ohsi topci no kuisi 'o nia hpʉhpʉngʉ ne mio, mo maezo iachi i'mi to hamo ho tiou nomo i'mi no singkoo ci moulʉlʉ.

hevulu 12:19

panto fihngau no la'pa ho fihngau no ya'ei. ne ihe talʉi to yatatiskova 'e fihngau eni, cu m'eya o'tena ivaho tmalʉ no mocmo ci e'e;

hevulu 3:12

maanat'ohaesa'u, temula bumemealʉ, ta taicomu tees'ala yaa kokuzo ci 'tohʉngʉ, o'te mimho tmaa'uzo, pef'uhu to 'auesiesi yaansou ci hamo.

hevulu 3:17

to tomsʉptʉha ne mio, moso mi'usnu no siya ho sʉ'no 'o hamo? o'as'aeno 'o moso peiskuisi, e'puyu mcoi ne maepuepuhu ci yatatiskova?

hevulu 8:5

'e ihe hioa tamo maica ci saisi 'amac'o mi'ausna ho hu'ongka to toohesa ne pepe. aʉlʉ mais'a ne tesi p'eyac'a to moose 'o toohesa, isi mi'usni to hamo ho yainca: <'e teko p'eyac'a acʉha poa fiho to pas'a'auna ne moso yone hcuyu na tesi mi'a'ausna.>

petelo 1 1:22

maitan'e, maica ho mimu meo'uzo to so'emio, imucu poa acocofkoya si iachi, a'vinano lamu yaa mais'a cono feango to mocmo ci sinto, a'ʉmtʉ i'mi no taico no 'tohʉngʉ ho yupa himngonghi.

mokusi 19:10

mi'o m'ocnguyu to tuhcu to t'angosi, te'o p'ohkui, at'inghi isi mi'usni a'o ho yainca: <'otes'a maica! na suu ho a'o, ho i'o mocmo ci sinto, acʉcʉhʉ 'emo afu'u noʉt'ʉcʉ to isi paavneni to iesu ci so'emio, zouc'o acʉhʉ totiski soskuskunu. 'anteko m'ohkuyu to hamo!> maica 'o isi paavneni to iesu ci so'emio 'aeno maezo i'o mosola tmaot'ou to mayoyongensa ci so'emio.

mokusi 22:9

at'inghi isi mi'usni a'o ho yainca: <'otes'a maica! na a'o ho suu, ho i'o 'oahngʉsu. 'ai'oeno 'o eyongensa ho i'ola afu'u meot'ʉcʉ ta e'e ta tposʉ tan'e, zouc'o acʉhʉ soskuskunu, nteko m'ohkuyu to hamo!>