hevulu 12:24 - buacou seiso no faeva esvʉtʉ

²⁴ mimu esmi ta tuhcu ta coutaico ta faeva 'oesvʉtʉ ci iesu, 'aeno esmi to isi sahuneni ci hmuyu; 'e isi epa'teni ta hmuyu tan'e mo yonghuhe to hmuyu to yaapo.

hevulu 12:24 ပူးပေါင်းရင်းမြစ်များ

matai 23:35

maicac'o, acʉcʉhʉ na patvoveiya no opcoi no ʉmnʉ ci cou te cmʉ'ho ta feangomu - 'aeno ahoi to hmuyu to yaapo, ac'ʉhʉ to hmuyu to ohmu opcoza to pae'ohsa to seiten ho 'oyona sʉ'tʉ ci oko to palacia ci zakalia.

matai 26:28

zou hmuyu'u eni, zou hmuyu no to'honga hote yupa esvʉtʉ 'e cou ho hamo, mo nomio no peteongasa na kuisi ta botngonʉ ci cou ho mohtoesuyu.

maluko 14:24

yainca to iesu:

luka 11:51

'aeno ahoi ho oho opcoza 'o yaapo, ac'ʉhʉ to hmuyu to ohe pohtohva to taico to 'oyona sʉ'tʉ ho ito seiten ci hmuyu to zakalia, te acʉha peʉezi ta cou maitan'e. 'aeno a'ʉmtʉ, te'o eʉsvʉta muu, 'e cou maitan'e te nomio ta acʉcʉhʉ tan'e ho noa patvovei!

luka 22:20

cu oepʉngʉ, isi yaeza eepza 'o sooetohvʉ, yainca: <'e sooetohvʉ eni zou faeva esvʉtʉ to hamo, boemi tamo nomzo muu ho moheafo ci hmuyu'u ho p'eyac'a.

ngalatea 3:20

at'inghi, hocic'o noleongʉ ci hi'hioa, o'ate 'ahʉyʉ yaa notaico ci cou, 'o hamo ma moc'o i'leongʉ.

temote 1 2:5

'e so'emio eni 'aisieno yainca: moc'o cihi 'o hamo, ta pae'ohsa to hamo ho ita cou mo yaa cihi cimo notaico ci cou, 'ai'o moeno tmucou ci kilisto iesu;

hevulu 10:22

'antetoeno boemi no mou'ʉmtʉ ci 'tohʉngʉ ho mahtʉicʉ ci singkoo, boemi to isicu poa cofkoya, uk'a heo'tʉ ci 'tohʉngʉ, ho i'o ohcu toʉlʉi to chumu ci feango, ho ohcum'u to hamo.

hevulu 11:28

i'mi no singkoo. isi p'eyac'a 'o meem'esa'o. a'vinano eutotaveiya ho sahua to phingi 'o hmuyu. poa o'te opcozneni tote suapayo'ʉ ci tensi 'o pehoza ci oko to 'isolaelu.

hevulu 11:4

i'mi no singkoo, 'o yaapo mo sʉ'tʉ tomo asuhcuhe ʉmnʉ to sʉ'ta to kai'in ho sʉ'teni to hamo. isi ieni no singkoo, noa emomoengʉa to hamo, hocu noa yainca coumoulʉlʉ, maica ho isi iachia tiova to hamo 'o teonghiasi. moso e'vono mcoi, mioc'o asngʉcʉ boemi ta singkoo tan'e ho aomotʉ'ʉ.

hevulu 13:20

'o hamo isicu poa i'mi to mcoi ho smoevovei 'o nooe'ocato ci iesu. isi ieni tomo mohtoesuyu ci hmuyu to iesu ho to'hongi 'o 'auesiesi ci esvʉta, poa meelʉ meoino le'aʉt'ʉcʉ moatʉ'nʉ. i'ola mofi no soanono ci hamo tesi'sola poa yono lamu hioa cimo mav'ov'o ci peis'ʉ'ʉmnʉ ho poa a'sʉftonʉ muu, poa meelʉ peis'ofeihni no 'tohʉngʉsi, tesi'sola ieni to iesu kilisto yonta feangoto ho aepʉnga na lasi 'aveoveoneni ci hi'hioa! no'unu'sio to kilisto na psoevohngʉ, ac'ʉhʉ ho noana'o! 'aamen.

hevulu 7:22

'emo maica ci naskuca isi poa hosoo tomo asuhcu ʉmnʉ ci esvʉta 'o iesu.

hevulu 8:13

ho isieno engha to hamo na faeva ci esvʉta, isicu humzi ho uk'anaci a'a'ausna ta ahoi esvʉta; namo afu'u uk'ana a'a'ausna ho ausuhcu noana'o, ahtuo'te monmon'i aapayo'ʉ.

hevulu 8:6

at'inghi maitan'e, 'o isi tiova to kilisto ci hioa no saisi mo tosa'o ʉmnʉhe ta ihe hioa, aʉlʉ mais'a mo notaico ta cou ho hamo cimo asuhcuhe ʉmnʉ ci esvʉta, maica 'e esvʉta eni mo i'tohungu tomo asuhcu ʉmnʉ ci isi teomneni ho p'eyac'a.

hevulu 8:8

at'inghi isi koica to hamo 'o 'o'okosi, yainca: yainca to nooe'oca: tec'u mic'ʉhi 'e hiesi, na a'o ho i'e cou ta 'isolaelu ho i'o cou ta yutaya te eh'unu m'eac'ʉ to esvʉta.

hevulu 9:15

ko'koeno, 'o kilisto micu bitaico ci cou ta faeva esvʉta, akoeva no poa tiou no ohsi teomneni ci 'auesiesi ʉm'ʉmnʉ 'o ohsi afu'a eyoho'a to hamo. ho isi aepʉnga na eni isi ieni to mcoi; 'e mcoi eni isi yungvo'a 'o ohela hioa ci kuisi to nia ahoi 'oesvʉtʉ.

hevulu 9:19

to nia ahoisi, 'o moose isi fihi 'o hoolicu ho aueva psoecingha ta yatatiskova 'o 'oesvʉta, ataveisi mayo to hmuyu to oko no 'uachumu ho ito hmuyu to moatʉ'nʉ, atvoha to chumu. boemi tomo fʉhngoya ci yʉteʉ ho ito haengu ho tfʉi. epsʉpseni to tposno hoolicu ho ito feango to yatatiskova.

hevulu 9:21

totiski, 'o moose isi yaeza epsʉpseni to tohesa ho itola tititha ci macucuma hola m'ohkuyu 'o hmuyu.

petelo 1 1:2

ho mimu noa epeiya mo maino ohsi ta'eoyoca no 'tohʉngʉ to hamo, isi ieni to seilei ho meelʉ cofkoya, akoeva no te meo'uzo to iesu kilisto, a'vinano noa cofkoya to hmuyusi. tesi'sola at'otngasa pafi no mengumi, soanono to hamo na muu!