hevulu 12:23 - buacou seiso no faeva esvʉtʉ

²³ mimu esmi ta 'oyona yu'eteuyunu 'aveoveoyʉ to pehoza ci 'o'oko to hamo, 'o ongko tamo maica ci mapepehoza isicu acʉha tposi ne pepe. mimu esmi ta tuhcu tola yʉsvʉtʉ ta yatatiskova ci hamo, esmi to micu a'sʉftonʉ ehcʉ'ho to moulʉlʉ ci piepiya.

hevulu 12:23 ပူးပေါင်းရင်းမြစ်များ

luka 10:20

at'inghi, 'ote i'mi homo peteozu muu na h'aokuv'o ho kaebʉ, temu nomio ho isi tposi ne pepe na ongkomu ho kokaekaebʉ.>

yohane 5:27

tesi yaeza toveineni to oko na tonʉ no yʉsvʉtʉ, maica ho zou'so okocou.

sitoo 20:28

temula iachi bumemealʉ, maezo nomio to ohsila toveineni muu to seilei ho aʉt'ʉca 'e kiokai ho bumemealʉ. la aʉt'ʉca 'o kiokai to hamo - 'aeno 'o isi ieni no mcoi to iachisi oko ho peʉezeni.

kolinto 1 13:12

'e ito aiti maitan'e mo mais'ac'on'a ongko ta huo'ongka, o'a isi husansana, ho noana'o tenala yupa mimi'usnu hocu husansana. maitan'e o'amocu mo a'sʉftonʉ na hia'u bohngʉ to hamo, ho noana'o tenala a'sʉftonʉ, aʉlʉ mais'a 'o hamo ho lasi a'sʉftona honga a'o.

kolinto 1 15:49

mitocu yaa no'usnu ta ceoa ci mi'a'ausna, ho noana'o tato maezo yaa mi'u'usnu to mo i'mi ne pepe ci mi'a'ausna.

kolinto 1 15:54

ho tenac'u aezuhu ho o'te kuzo 'ote kuzo, aezuhu o'te mcoi 'ote mcoi, tec'u esmi 'o e'e to seiso: isicu suapayo'i 'o mcoi; isicu peihcʉ'hi na atpʉtʉ!

kolinto 2 5:8

mimza yaa a'sʉftonʉ ci 'ʉteʉ, kaebʉhe hoci mongoi ta feango ta ceoa, ho no'upu to nooe'oca.

'epeso 1:22

'o hamo isi yaeza poa peteozu to kilisto 'e macucuma ta mouhpʉhpʉngʉ, te papoevʉ ta kiokai. eʉt'ʉca 'e acʉcʉhʉ.

pilipi 4:3

'o meot'ʉcʉ ci 'oahngʉ'u, te'o maezo m'ene suu ho to'usni 'emo yoso; maica'sio mihin'i yontala hi'hioa ta fukuin ho fiho a'o, ho i'e kolimen, ho ito mocmo cila toetoehungu yaahioa ho i'upu ngoseo; 'o ongko tamo maica ci cou isicu acʉha tposi to tposʉ no nsou to hamo.

kolosai 1:12

'aveoveoyʉ to amopepe, maica ho isi poa yaa ongko no tma'upu no ohsila songacveni no sinto cimo ʉm'ʉmnʉ to 'ayumona to tiskova ci hpʉhpʉngʉ na muu.

kolosai 1:24

maitan'e ho la'u 'atutumzeni muu mo ma'kakaebʉ ci hi'hioa; maica homo 'atutumzo 'e feango'u, mais'a os'o ticngiha 'o nia 'atutumzo to kilisto ho ohsila 'atutumzeni 'e feangosi - 'ai'o ohsieno uveica ho o'temocu aepʉnga ci 'atutumzo ta kiokaisi.

temote 1 3:5

'emo cihi ci cou hoci o'te cohivi na asusuce ta iachi emoo, nteeno meelʉ smo'eʉt'ʉcʉ ta kiokai to hamo?

hevulu 11:4

i'mi no singkoo, 'o yaapo mo sʉ'tʉ tomo asuhcuhe ʉmnʉ to sʉ'ta to kai'in ho sʉ'teni to hamo. isi ieni no singkoo, noa emomoengʉa to hamo, hocu noa yainca coumoulʉlʉ, maica ho isi iachia tiova to hamo 'o teonghiasi. moso e'vono mcoi, mioc'o asngʉcʉ boemi ta singkoo tan'e ho aomotʉ'ʉ.

hevulu 11:40

maica 'o hamo tesin'a teyaineni note asuhcu yonghu ci ceonʉ a'to. na 'tohʉngʉsi zou: tehin'i asansano to'upu a'to niante meelʉ sʉc'ʉhʉ no a'sʉftonʉ.

hevulu 2:12

isi yainca: hamo, te'o mi'usnu to maanat'ohaesa'u ho psoecocoya 'e ongkosu; te'o yonta tuhcu tamo botngonʉ ci cou ho tohmomoengʉ suu.

hevulu 9:27

ho tac'u mic'ʉhi, 'e yatatiskova te ahtuo'te acʉhʉ i'nʉskʉ mcoi, ataveisi no mcoi tasi yʉsvʉta to hamo.

yakovu 1:18

la maino iachisi 'tohʉngʉ, ieni no so'emio ci e'e ho teyai a'to, poa notmoyaevonʉ ta ohsila afu'a teyai ci acʉcʉhʉ na a'to.

petelo 1 2:23

o'ala mahsuski ho isi ekvo'i, o'amo maosmoyo ho isi tikuzkuzoa, lac'o mingeou nola moulʉlʉ ci leyʉsvʉtʉ.

mokusi 13:8

'e afu'u yatatiskova ta ceoa, to auyusi no teyai 'e hpʉhpʉngʉ, 'o ongko to afu'u o'a oho tposi to tposʉ no nsou to oho opcoza ci okomoatʉ'nʉ, te acʉhʉ m'ohkuyu ta yuansou.

mokusi 14:4

'emo maica ci cou acʉhʉ o'amocu mosola aaso no mamespingi ci oko no hahocngʉ. hoci uhnenu 'o okomoatʉ'nʉ, te maezo sʉc'ʉhʉ nenu. 'e cou eni isi i'mi ta yatatiskova ho psuovei, ahoza titha ho sʉ'teni to hamo ho ito okomoatʉ'nʉ.

mokusi 20:15

na afu'a o'a isi tposi ta tposʉ no nsou ci ongko, te acʉha to'seni tomo puzu ci etʉpʉ.

mokusi 6:11

'omo macicihi micu tiou tomo fʉecʉ'ia ci yʉsʉ, yaeza talʉi 'o e'e cimo mi'usnu ho eucufnu, poan'a ake'i to'si'ʉyʉ, totea 'o moso toehungu fifiho to nooe'oca ho i'o masisinto ho tac'u totiski yaeza opcoza, ho tenac'u ohmamso 'o hia botngonʉ.

mokusi 6:9

isi paavi to okomoatʉ'nʉ 'o eimo ci toopca, os'o aiti 'o f'uf'u to 'oyona sʉ'tʉ. panto piepiya to mosola nomio no psoyaski to e'e to hamo, meot'ʉcʉ ho 'akasi ho noa opcoza ci cou.