hevulu 12:16 - buacou seiso no faeva esvʉtʉ

¹⁶ la bumemealʉ, tees'a yaa smoc'ou ci cou, hocieno mais'a 'o 'isau ho 'oha einu, nomio no moc'o aseou ci 'oanʉ ho phieni 'o ongko nosi pehoza.

hevulu 12:16 ပူးပေါင်းရင်းမြစ်များ

maluko 7:21

maica namo i'mi ta 'ayumona, 'aeno namo i'mi no 'tohʉngʉ ta cou ci mav'ov'o ci kuici koyu; 'e kuici koyu eni lasi skuna ho poa peismi no yup'ouso, meo'eoi, opcoi,

sitoo 15:20

nteto tmopsʉ no tengami, eutotaveiya ho o'te bonʉ to ohcu titha sʉ'tʉ to uacoua ho 'oha cofkoya ci 'oanʉ, 'otela yaa smoc'ou ci peipeis'ausna, 'ote bonʉ to ohoc'o seoubcikia ci yuansou ho ito hmuyu.

sitoo 15:29

o'atemu ana 'o ohcu titha sʉ'tʉ to uacoua ci 'oanʉ; o'te bonʉ to hmuyu ho ito oho seoubcikza ci snoecavʉ; maezo o'ate yaa smoc'ou cila peipeis'ausna. hocimu peelʉi peihcʉ'hi 'emo piyo ci h'oesvʉta tec'u ʉmnʉ. temu'sola soanono!>

kolinto 1 10:8

o'ate ʉmnʉ hoci mais'a tomo piyo to taicohe ho a'ʉmtʉ peisnou no smoc'ou ho o'te koe'i: mosola i'mi no kuisi no smoc'ou, to cono hie mo tunsohʉ 'omo posimpusku positoteuhu.

kolinto 2 12:21

os'o yaeza smoyoa ho tena'u vohvaho, 'o hamo'u tasi poa yonta tuhcumu a'o ho koe'i, ta'ueno ahtuo'te nomzo tamo botngonʉ ci mosola peiskuisi, smoc'ou, 'aʉnpʉnpʉ ci cou, ac'ʉhʉ maitan'e ho o'te mimho ma'vovei ci cou ho ma'nanac'o.

'epeso 5:3

i'ocu 'ola smoc'ou, ca'i, ho i'ola ma'konvosʉ ci hi'hioa. teav'as'a maka pateafa ta taicomu, maica zou'so 'o'oko to hamo na muu.

'epeso 5:5

o'ate ta'pepecvaza, i'ola smoc'ou, ca'i, ho i'ola ma'konvosʉ ci cou (ma'konvosʉ mo totiski no m'ohkuyu to uacoua) o'ate ahtu meelʉ tma'upu no 'o'oko to hpʉhpʉngʉ to hamo ho ito kilisto.

kolosai 3:5

ko'koeno, temu asansana timcoza namo 'afeo'fu'u ta feangomu cimo tma'usnu ta hpʉhpʉngʉ ci ma'konvosʉ, mais'a 'oeno smoc'ou, ma'caca'i, ma'cac'ou, kokuzo, ho i'o makonvosʉ ('e makonvosʉ zou 'oahngʉ to m'ohkuyu no uacoua).

temote 1 1:9

'aeno a'ʉmtʉ, teto cohivi na eni: 'e hoolicu. o'aisis'a teyaineni tomo ʉmnʉ ci cou, maisi teyaineni tola kokuzo, o'te tiou no atʉkca, 'oha einu, peiskuisi, potfʉngʉ ta kiokai, ma'konvosʉ ta hpʉhpʉngʉ, opcoi no maameoi, opcoi no cou,

hevulu 13:4

'e macicihi la huecvʉhʉa 'e natʉ'ca no navconga; la asansano ma'ʉ'ʉmtʉ yu'tat'ʉcʉ 'e navconga. tesi yʉsvʉta to hamo 'ola 'aʉnpʉnpʉ ho smoc'ou ci cou.

mokusi 21:8

at'inghi i'ola t'oe'ʉya, tmaakoknuyu, tokuzo, opcoi, smoc'ou, buoyoifo, m'ohkuyu to uacoua, ho i'ola afu'u lolekoknuyu ci cou, panto puzu ho i'o yunzou ci etʉpʉ no liukoo isi totea 'emo maica ci cou; 'aeno ic'o 'ote tupusku mcoi.>

mokusi 22:15

at'inghi i'omo mais'a av'u, peiseoyoifo, smoc'ou, opcoi, m'ohkuyu to uacoua, lolekoknuyu, me'ʉ'ʉmnʉ ci cou, te acʉha poyafa ta hosa.