hevulu 12:15 - buacou seiso no faeva esvʉtʉ

¹⁵ la bumemealʉ, tees'a yaa payo'ʉ no mengumi to hamo. la bumemealʉ, tees'a yaa mais'a mahiz'o ci cacʉfea, holac'u yʉepʉngi, cu koakuzo tamo botngonʉ.

hevulu 12:15 ပူးပေါင်းရင်းမြစ်များ

luka 22:32

at'inghi os'ocu 'inolineni suu, poa o'te payo'neni suu na singkoo. ataveisi ho takocu miovei ho bi'usnu a'o, teko amamahtʉica 'o maanat'ohaesasu.>

kolinto 1 10:12

ko'koeno, siya namo ma'unano mo iachi bʉʉlʉlʉ, siya nate afnaso bumemealʉ. ci tes'a smopcuku.

kolinto 1 13:8

zou 'auesiesi 'e himngonghi. 'e tonʉ no eʉsvʉsvʉtʉ lac'o akameosʉ; 'e mengumi no epiepiya tena yaa hiesi no aepʉngʉ; 'e mau'to'tohʉngʉ te maezo sucaefi.

kolinto 1 15:33

'ote noa tololoʉngʉi. <'emo kuici nanghia la eteo'hoi to kokuzo ci peipeis'ausna!>

kolinto 1 5:6

o'amo emio ho mimu etano! imu cohivi pantomo maica ci e'e: <'omo okosi ci smoof'o tasi aucunva poa smoesuhcu 'o tungva.>

kolinto 2 13:5

temu hʉsvʉta 'e iachi. huovei 'e iachi, aiti mimunana mino h'oyunsova no singkoo. mac'ocimu asansana o'te pasvo'ha na hʉsvʉta, ntemu cohivi 'o iesu kilisto mo yonta nsoumu.

kolinto 2 6:1

lasi toehungneni yaahioa to hamo a'mi; temia poucufna muu: afu'u cueno tiou to mengumi to hamo, teav'as'a poa peis'afeungu 'e mengumi eni.

ngalatea 2:13

'o mocmo ci sinto to couyutaya mo maezo yu'ofeihni to petelo, totiski no uk'a h'ofiha ci cou; ac'ʉhʉ to panapa ho yaeza poezuhi.

ngalatea 5:4

namo mici biftongʉ no mee'ofeihni to hoolicu ho bikoyu no mici toseolʉ na natʉ'ca to hamo ci cou, tec'u hintʉha 'o natʉ'ca to kilisto, iachia antʉha na mengumi to hamo.

'epeso 5:3

i'ocu 'ola smoc'ou, ca'i, ho i'ola ma'konvosʉ ci hi'hioa. teav'as'a maka pateafa ta taicomu, maica zou'so 'o'oko to hamo na muu.

kolosai 3:5

ko'koeno, temu asansana timcoza namo 'afeo'fu'u ta feangomu cimo tma'usnu ta hpʉhpʉngʉ ci ma'konvosʉ, mais'a 'oeno smoc'ou, ma'caca'i, ma'cac'ou, kokuzo, ho i'o makonvosʉ ('e makonvosʉ zou 'oahngʉ to m'ohkuyu no uacoua).

tito 1:15

hoci e'usna tola acocofkoya ci cou, la acʉhʉ cofkoya 'e acʉcʉhʉ; at'inghi hoci e'usna tola coca'i ho o'te tmaa'uzo ci cou, uk'a ci mo conci cofkoya ci macucuma, maica 'o ʉmnʉ ci 'tohʉngʉhe micu acʉhʉ kuici ca'i.

hevulu 3:12

maanat'ohaesa'u, temula bumemealʉ, ta taicomu tees'ala yaa kokuzo ci 'tohʉngʉ, o'te mimho tmaa'uzo, pef'uhu to 'auesiesi yaansou ci hamo.

hevulu 4:1

ho isieno teomneni to hamo ho teto tma'upu to isi pafeni ci soanono, manteto yaa ma'sasmoyo ci 'tohʉngʉ, citehes'ala ta'unano pano mimu peispapayo'ʉ, ho o'tena meelʉ tma'upu no soanonosi.

hevulu 4:11

ko'koeno, nteto asno'zonʉ yʉmeʉmʉ to soanono to ic'o; maicac'o, 'upena na siya o'ate mais'a 'omo yutasufku to mashʉyʉ ci cou ho smopcuku ho peispapayo'ʉ.

hevulu 6:11

'olamza someoino no tata'zeni: 'e mimu macicihi la ahoi no ahoisi apaezumo cuveu ci 'tohʉngʉ, ko'ko poa meelʉ esmi na lamu afu'a mingeovi ci hi'hioa.

petelo 2 1:10

ko'koeno, maanat'ohaesa, temula h'unano asno'zonʉ, temu 'auesia ta'hongi ho ohsila eyoho'a ho epeiya to hamo; hocimucu ta'hongi eni, 'anatemu 'aoko suhcʉhcʉ.

petelo 2 2:18

la mo'engho tomo bitano ho eloʉngʉ ci e'e, la boemi to boevovoyo ci koyu ho topani 'o lan'a aʉlʉ momeesih'i to kokuzo ci h'oyunsova ci cou.

petelo 2 3:11

ho teeno maica na tesi hia aapapayo'ʉ ta acʉcʉhʉ, ntemu no'usnu nomo mainenu ci cou? ntemu mino mo cofkoya, ho einu ci h'oyunsova,

petelo 2 3:14

ko'koeno, songohia ci maananghia, ho mimueno mooteo no hiesi ho mio, nte asno'zonʉ yonto tuhcu to hamo ho acocofkoya, uk'a e'omamzi no koica ci h'oyunsova, naovei to hamo.

yohane 2 1:8

temu bumemealʉ niantemu o'te payo'a na ohmucula peihcʉ'hi, mate acʉcʉha nate anana'va yaa ci hnoo.