hevulu 12:14 - buacou seiso no faeva esvʉtʉ

¹⁴ la asno'zonʉ nananghinghia to cou, mino mo socofkoya ci h'oyunsova; hoci uk'a socofkoya ci h'oyunsova uk'ana ci cou cite teolʉ to nooe'oca.

hevulu 12:14 ပူးပေါင်းရင်းမြစ်များ

maluko 9:50

mo ʉmnʉ ci macucuma 'e sieu, at'inghi hoci payo'a na maskisi, ten'a ti'vona niante i'vaho maski? temula mais'a a'a'ausna to sieu, yupa nananghinghia ho noteuyunu.>

looma 12:18

la pnanfi na tonʉsu ho bunananghiya to botngonʉ.

looma 14:19

ko'koeno, tetola cucufnu no nananghinghia, yupa m'eac'ʉ note cono feango ci h'oyunsova.

looma 6:22

maitan'e, isicu i'mi no kuisi ho poesih'a muu, noa soskuskunu to hamo; imucu a'sʉftona sʉ'teni to hamo isi nsoumu, na temu tov'oha 'aeno 'auesiesi ci nsou.

kolinto 1 1:10

maanat'ohaesa, te'o boemi to ongko to nooe'oca iesu kilisto ho eucufna muu, la poa hmʉskʉ 'ola e'e, 'ote bipopaevai, la tmuteuyunu, yaa hmʉskʉ ci ta'to'tohʉngva, yaa totiski cite mituhci.

kolinto 1 13:12

'e ito aiti maitan'e mo mais'ac'on'a ongko ta huo'ongka, o'a isi husansana, ho noana'o tenala yupa mimi'usnu hocu husansana. maitan'e o'amocu mo a'sʉftonʉ na hia'u bohngʉ to hamo, ho noana'o tenala a'sʉftonʉ, aʉlʉ mais'a 'o hamo ho lasi a'sʉftona honga a'o.

kolinto 2 6:17

i'mi tan'e isi yainca to nooe'oca: temu mongoi ta ihe yoni, i'mi ta taicohe ho apaevai. 'ote aaso tomo 'oha cofkoya ci macucuma, te'ocueno tiova muu.

kolinto 2 7:1

ngohia ci maananghia, ho mitocueno yaa maica ci teomneni, nteto poa cofkoya 'e iachi, toonva namo afu'u koa ca'i ta feango ho piepiya ci hi'hioa, yono einu to hamo ci h'oyunsova ho ohcʉ'ho no socofkoya.

ngalatea 3:21

ho isi yaica ci engha, mionana yupa mʉcʉvho 'e hoolicu ho i'o isi teomneni to hamo? o'amo ahtu maica! hocisi peelʉi fii no nsou ta isi epeaska ci hoolicu 'e cou, 'e cou ntec'u meelʉ noe'ocʉ to hoolicu ho yaa toseolʉ ci natʉ'ca 'o hamo.

'epeso 5:5

o'ate ta'pepecvaza, i'ola smoc'ou, ca'i, ho i'ola ma'konvosʉ ci cou (ma'konvosʉ mo totiski no m'ohkuyu to uacoua) o'ate ahtu meelʉ tma'upu no 'o'oko to hpʉhpʉngʉ to hamo ho ito kilisto.

pilipi 3:12

o'aos'o yainca mi'ocus'a peihcʉ'ho, hocieno yainca cu a'sʉftonʉ. la'u a'cʉ'cʉnʉ peayofʉ, conino 'ucia elʉa 'o hnoo ic'o; a'ʉmtʉsi, akoeva no poa ehcʉ'ho ta oso'o mituhci. 'o kilisto iesu isicu auevahe elʉa a'o.

tesalonike 1 3:13

maicac'o, tesi poa ma'mahtʉicʉ muu, ho tenac'u cmʉ'ho 'o nooe'oca iesu ho i'o masisintosi, meelʉ yonto tuhcu to hamo ho cofkoya ho uk'a heo'tʉ.

tesalonike 1 4:7

ho isi epeiya to hamo a'to, o'atesi poa yunsou no 'ayumona no ca'i, ma tesi poa socofkoya a'to.

tesalonike 1 5:15

la bumemealʉ, 'otes'ala boemi no kuzo ho auski no kuzo, la asngʉcʉ yupa smo'eʉt'ʉt'ʉcʉ, ta'to'tohʉngveni no te koa ʉmnʉ na mocmo ci cou.

temote 1 6:11

inacu suu, lasi atuhca titha to hamo ci cou, la totoefʉngʉ ta acʉcʉhʉ tan'e. e'ofeihni no moulʉlʉ, einu, singkoo, himngonghi, luaveica, ho ma'cocacni.

temote 2 2:22

'ote mais'a 'o yu'fafoinana ho maemayahe ci koyu; la fihohe tola cofkoya ci 'tohʉngʉ, conino noa to'usnu to nooe'oca ho toehungu biebimi no moulʉlʉ, singkoo, himngonghi, ho moususeomʉ.

hevulu 12:10

'o amo ta feango la maino iachi 'tohʉngʉ ho akameosa pahsʉsʉfti a'to; at'inghi, 'o mahsʉsʉftʉ to hamo la nomio note koa ʉmnʉ a'to, akoevano poa tma'upu no socofkoyasi a'to.

hevulu 9:28

totiski, 'o kilisto yaeza i'nʉska sʉ'teni, peuonvacu 'e kuisi tamo botngonʉ ci cou. tena maezo i'nʉskʉ aopa'to, o'ate cmʉ'ho ho mi'usni 'e kuisi, mate cmʉ'ho ho to'usni 'emo mingsoyʉ mooteo ci cou.

petelo 1 3:11

nte totoefʉngʉ no kuzo ho peis'ʉ'ʉmnʉ, conci 'tohʉngʉ ho biebimi no moususeomʉ.

petelo 1 3:13

hocimu asno'zonʉ peis'ʉ'ʉmnʉ, siya nate akuzkuzo muu?

petelo 2 3:11

ho teeno maica na tesi hia aapapayo'ʉ ta acʉcʉhʉ, ntemu no'usnu nomo mainenu ci cou? ntemu mino mo cofkoya, ho einu ci h'oyunsova,

petelo 2 3:18

temula yonto 'ayumona to nooe'oca - to mengumi to nooe'oca iesu kilisto ho ino hiato honga, a'cʉ'cʉnʉ ohsuhcu, no'usnu'sio to nooe'oca na psoevohngʉ, ahoi maitan'e ac'ʉhʉ no 'auesiesi! 'aamen.

yohane 3 1:11

ngohia ci nanghia, 'ote maezo tomo kuzo, la maezo tomo ʉmnʉ. siya namo yaa ʉmnʉ ci peipeis'ausna, 'aeno siya namo tma'usnu to hamo, siya namo peiskuzkuzo, 'aeno siya na o'a mo bohngʉ to hamo.