hevulu 11:7 - buacou seiso no faeva esvʉtʉ

⁷ i'mi no singkoo, 'o noa mo yono o'amocu isi aiti ci hi'hioa ho taa'uzva 'o engaho to hamo, mooyai to conci 'apangʉ, to'usni 'o iachisi ho i'o conosi emoo. maicac'o, ohsi topci no kuisi 'o nia hpʉhpʉngʉ ne mio, mo maezo iachi i'mi to hamo ho tiou nomo i'mi no singkoo ci moulʉlʉ.

hevulu 11:7 ပူးပေါင်းရင်းမြစ်များ

matai 2:12

mo mito ceihe 'o hamo ho eʉsvʉta ho o'tena poa yuovei baito to helote, micu mito h'unasi ci ceonʉ ho emomaine'e.

matai 24:15

> mo yac'ʉ to cofkoya ci hpʉhpʉngʉ (i'ote mo'engho tan'e te asansana ta'hongi na e'ausnasi ta e'e tan'e),

matai 24:25

atatalʉa! os'ocu ayoca engahva muu.

matai 24:38

auyusi ho o'amocu moso cmʉ'ho na fozu ci chumu, mosola 'atatotovcongʉ ho eabobonʉ 'e cou, ac'ʉhʉ to hiesi ne mohcu yʉmeʉmʉ to 'apangʉ 'o noa;

matai 3:7

isi aiti to yohane mo 'enepio ci coufalisai ho cousatukai mo maezo esmi ho noa toonono, isi mi'usni ho yainca: <'e 'oahngʉ no mahiz'o ci fkoi! tec'u mon'i esmi na yʉsvʉtʉ to hamo, mimun'asi ma'unano temu meelʉ toekameosʉ totoefʉngʉ?

luka 17:26

aʉlʉ mais'a 'o nia hiesi to noa, na hiesi no cmʉ'ho to okocou tena totiski.

looma 1:17

maica 'e fukuin eni isi paavi 'o hamo tesi yainenu 'e cou nate hia meelʉ yupa toseolʉ na natʉ'ca: mo i'hoi no tmaa'uzo, ac'ʉhʉ no tmaa'uzo. aʉlʉ mais'a 'o isi yainca to seiso: <'omo i'mi no tmaa'uzo ho yupa toseolʉ na natʉ'ca to hamo te elʉ no nsou.>

looma 10:6

at'inghi, na hi'hioa no i'mi no tmaa'uzo ho meelʉ coumoʉlʉlʉ, mo maica 'o e'e to seiso: <'ote invonvo tuocosʉ: siya nate uhne pepe? (tee yaeza yainca. usa ho hafa ohpueho 'o kilisto.)

looma 3:22

ho isi poa yaa yupa toseolʉ ci natʉ'ca to hamo 'e cou. mo i'tohungu ho ihe taa'uzva 'o iesu kilisto. ho isi yaica ci hia mi'usni to hamo 'emo afu'u tmaa'uzo to kilisto ci cou, uk'a ci ake'isi naskuca:

looma 4:11

moso atavei tiou no s'e'honga; mac'o huomza eni, soomei na auyusi no tiou no s'e'honga. mohcu i'mi no tmaa'uzo hocu tamza no coumoʉlʉlʉ. ko'koeno, mi'usnu to afu'u o'amo tiou no s'e'honga, at'inghi i'mi no tmaa'uzo hocu yainca to hamo zou coumoʉlʉlʉ ci cou. 'o 'avulahamu zou amo tomo tma'usnu no piepiya.

looma 4:13

'o hamo ohsila teomneni to 'avulahamu ho ito mʉntʉ'casi, yainca tasila tiuska 'e hpʉhpʉngʉ. 'e teomneni eni o'amo i'mi no meot'ʉcʉ to hoolicu 'o 'avulahamu, mamo i'mi homo tmaa'uzo hocu yainca coumoʉlʉlʉ.

looma 9:30

matemzacu av'a? i'o o'amo anana'o biebimi no moulʉlʉ to hamo ci couyafana, mo apuyu i'mi no tmaa'uzo ho meelʉ coumoʉlʉlʉ;

ngalatea 5:5

i'o ito atva'esa mingeovi, 'aeno ina teto hia meelʉ yupa toseolʉ na natʉ'ca to hamo; na eni zou tonʉ to seilei ieni no singkooto ho peihcʉ'hi.

pilipi 3:9

a'sʉftonʉ yuecnguhu to kilisto. 'anami'o 'aoko mais'a mo yaa moulʉlʉ homo meot'ʉcʉ to hoolicu. 'e moulʉlʉ'u maitan'e mo i'mi ho mi'o tmaa'uzo to kilisto. isi pafeni to hamo eni. mo i'tohungu no tmaa'uzo.

hevulu 11:1

homoeno maica, zou cuma na isi yainca singkoo? 'e singkoo la mi'usnu to isi afu'a mingeovi ci hi'hioa ho tʉyʉca, mi'usnu to o'amocu isi teolʉi ci hi'hioa ho ma'sansano.

hevulu 12:25

homo maica, temula bumemealʉ, 'ote bʉʉpsʉpsʉ tomo mi'usnu muu ho aomotʉ'ʉ. i'o moso bʉʉpsʉpsʉ to socofkoya ci e'e ne ohon'a psoevaha ta ceoa ci cou, ho o'amosoeno meelʉ momeesih'i no kuisi, namaeno hocito bʉʉpsʉpsʉ tomo i'mi ta pepe ho aomotʉ'ʉ, tec'u asuhcu o'tena meelʉ momeesih'i no kuisi!

hevulu 5:7

ne moson'a yonta hpʉhpʉngʉ 'o iesu, mosola mi'usnu tote meelʉ to'usnu ho poa momeesih'i no mcoi ci hamo ho tmunoi 'inoli, yʉesʉ ho eyoho'ʉ. maica homo ma'ceaco, isi talʉi to hamo 'o hiasi eyoho'ʉ.

hevulu 8:5

'e ihe hioa tamo maica ci saisi 'amac'o mi'ausna ho hu'ongka to toohesa ne pepe. aʉlʉ mais'a ne tesi p'eyac'a to moose 'o toohesa, isi mi'usni to hamo ho yainca: <'e teko p'eyac'a acʉha poa fiho to pas'a'auna ne moso yone hcuyu na tesi mi'a'ausna.>

petelo 1 3:20

'emo maica ci piepiya o'amo tmaa'uzo to hamo - 'e piepiya eni 'aeno 'o ohsila uveica totea to hamo ci piepiya ne ohsin'a ayoca 'o 'apangʉ to noa. ne mio o'amo botngonʉ 'o moso yʉmeʉmʉ to 'apangʉ, mosoc'o voyu ci cou, oho i'mi to chumu ho to'usni;

petelo 2 1:1

na a'o - saimong petelo zou sitoo ho soskuskunu to iesu kilisto. te'o tmopsʉ ta tengami ho faeni tamo boemi to moulʉlʉ to hamo ho ito leto'usnu ci iesu kilisto, ho maezo a'mi ho tma'upu no sopepea ci singkoo ci cou:

petelo 2 2:5

yaeza o'aohsi h'unano peteongasa to hamo na nia noana'o, a'vinano boemi to fozu ci chumu ho epʉna na moso uk'a hamo na 'tohʉngʉ ci cou, ohsic'o to'usni 'omoso psoyaski to moulʉlʉ ci noa ho i'omo pitu ci cou.

petelo 2 3:6

'emo noana'o ci hpʉhpʉngʉ mo maezo i'mi to chumu, 'ai'o ohsieno aapayo'a to fozu ci chumu.