hevulu 10:38 - buacou seiso no faeva esvʉtʉ

³⁸ 'e coumoʉlʉlʉ'u te i'mi no tmaa'uzo ho elʉ no nsou. at'inghi, hoci panonte smase'u ci cou, o'ana te'o ʉmnʉa.

hevulu 10:38 ပူးပေါင်းရင်းမြစ်များ

matai 12:18

aiti, na taini zou os'o epeiya ci soskuskunu; la'u ngohia ho ʉm'ʉmnʉa. te'o pafeni taini 'o piepiya'u; teta mi'usnu ta yatatiskova ho psoecʉ'ha 'o yʉsvʉtʉ'u.

matai 13:21

at'inghi o'amo bimsʉ'eonʉ 'o emisisi, o'ala meelʉ bina'o, hoci nomio ta e'e ho elʉ no ngoveo hocieno pohtutumza, la osnia teongasi.

looma 1:17

maica 'e fukuin eni isi paavi 'o hamo tesi yainenu 'e cou nate hia meelʉ yupa toseolʉ na natʉ'ca: mo i'hoi no tmaa'uzo, ac'ʉhʉ no tmaa'uzo. aʉlʉ mais'a 'o isi yainca to seiso: <'omo i'mi no tmaa'uzo ho yupa toseolʉ na natʉ'ca to hamo te elʉ no nsou.>

ngalatea 3:11

tec'u aiti uk'a cite meelʉ biftongʉ no mee'ofeihni to hoolicu ho yaa toseolʉ ci natʉ'ca to hamo; maica ho isi yainca to seiso:

tesalonike 1 2:15

i'o couyutaya ohe opcoza 'o iesu ho i'o mayoyongensa, ihen'a peobanga a'mi. mo yu'hango to hamo, maezo mihango ta yatatiskova!

hevulu 10:39

o'amitos'a smase'u ho suhcʉhcʉ ci cou; mito yaa singkoo a'vinano elʉ no to'usni ci cou.

yakovu 5:6

lamu to'anki topci no kuisi 'o uk'acila nama hioa ci cou, ho opcoza; o'ala mako yu'hango.

yohane 1 2:19

'emo maica ci cou o'amo tma'usnu a'to, ko'ko mo mongoi a'to; hoci mio tma'usnu a'to, 'ate ahtuo'te no'upu a'to. at'inghi, mo emose'u, cu humzi ho o'a mo a'ʉmtʉ tma'usnu a'to.