hevulu 10:29 - buacou seiso no faeva esvʉtʉ

²⁹ homoeno maica, mi'usnu tola potfʉngʉ to oko to hamo, hukoacumai 'o hmuyu to esvʉta to hamo - 'ai'oeno 'omo poa cofkoya to kuisisi ci hmuyu, a'vinano aokoe'iya 'o piepiya no mengumi, teeno yainenu 'emo maica ci cou? ta'to'tohʉngva. o'ates'aeno anana'o tiou note so'ecvʉha ci patvovei?

hevulu 10:29 ပူးပေါင်းရင်းမြစ်များ

matai 26:28

zou hmuyu'u eni, zou hmuyu no to'honga hote yupa esvʉtʉ 'e cou ho hamo, mo nomio no peteongasa na kuisi ta botngonʉ ci cou ho mohtoesuyu.

matai 7:6

maluko 7:2

ihe aiti 'o 'oahngʉ to tesi to iesu panto mo boemi to o'amo cofkoya ci emucu ho bonʉ. 'aeno o'te maezo to coufalisai ho auyun'a yoemucu hote bonʉ.

luka 12:10

yohane 10:36

inacu a'o, isi epeiya to amo'u a'vinano popeoskuna poa uhta hpʉhpʉngʉ. os'o yainca zou oko to hamo a'o, mainci imu aac'o yainca os'o aokoe'iya 'o hamo?

yohane 17:19

nomio hin'i, os'o sʉ'teni suu 'e iachi, akoeva no yaeza a'ʉmta poa sʉ'teni suu 'e iachihe.

sitoo 7:51

<'e lamu yameomʉ ci cou, mo tmʉmʉtʉ na 'tohʉngʉmu, meoo'te talʉi na e'e to hamo! mimu aʉlʉ totiski to nia maameoimu, conino yutasufku to seilei!

looma 16:20

'ola mofi no soanono ci hamo tesicu suapayo'i 'o satan, poa peteozu ta caphʉmu. tesi'sola pafeni muu to nooe'oca iesu na mengumisi!

kolinto 1 11:27

ko'koeno, 'upena na siya, hoci o'te boemi no einu ci 'tohʉngʉ ho bonʉ ta pang to nooe'oca, ima 'e sooetohvʉ to nooe'oca, isicu yutasufka 'o feango ho hmuyu to nooe'oca.

kolinto 1 11:29

hocisi o'te ta'hongi homo yaa natʉ'ca to feango to nooe'oca 'e isi ana ho ima. ho tesi ana 'e pang ho ima 'e sooetohvʉ tec'o at'inghi iachi noa yʉsvʉta.

kolinto 1 15:25

maica 'o kilisto tesi ahtao'te aʉt'ʉca, ac'ʉhʉ ho tasicu atpʉta to hamo na afu'u hangʉ, acʉha poa peteozu to caphʉsi.

kolinto 1 15:27

maica ho isi yainca to seiso: <'o hamo tesi acʉha poa peteozu to caphʉsi 'e acʉcʉhʉ.> na'na husansana, 'e isi yaica tan'e o'aisi pai'upi 'o iachisi feango to hamo, maica 'aeno 'e iachisi namo himhohioa ho poa peteozu to caphʉsi to kilisto 'e acʉcʉhʉ.

kolinto 1 6:11

ta taicomu, piyo 'omosola maica ne auyusi. at'inghi. isicu tocofkoyai na muu, isicu poa cofkoya ho tma'usnu to hamo, isicu ieni to ongko to nooe'oca iesu kilisto ho ito piepiya to hamo ho meelʉcu yaa yupa toseolʉ ci natʉ'ca 'o hamo.

'epeso 4:30

teav'a poa nac'o na seilei to hamo; maica 'e seilei zou to'honga no tanua to hamo na muu. hosoo ho tena cmʉ'ho na hiesi no psoevoyunga to hamo.

'epeso 5:26

ho isi yaica isi ieni to e'esi, boemi to chumu ho poa cofkoya 'e kiokai,

hevulu 10:10

isicu pee'ofeihni to iesu kilisto 'o 'tohʉngʉ to hamo, sʉ'teni 'o iachisi feango, peisnʉski hocu aepʉnga, poa cofkoya a'to ho tmaovei to nooe'oca.

hevulu 12:25

homo maica, temula bumemealʉ, 'ote bʉʉpsʉpsʉ tomo mi'usnu muu ho aomotʉ'ʉ. i'o moso bʉʉpsʉpsʉ to socofkoya ci e'e ne ohon'a psoevaha ta ceoa ci cou, ho o'amosoeno meelʉ momeesih'i no kuisi, namaeno hocito bʉʉpsʉpsʉ tomo i'mi ta pepe ho aomotʉ'ʉ, tec'u asuhcu o'tena meelʉ momeesih'i no kuisi!

hevulu 13:20

'o hamo isicu poa i'mi to mcoi ho smoevovei 'o nooe'ocato ci iesu. isi ieni tomo mohtoesuyu ci hmuyu to iesu ho to'hongi 'o 'auesiesi ci esvʉta, poa meelʉ meoino le'aʉt'ʉcʉ moatʉ'nʉ. i'ola mofi no soanono ci hamo tesi'sola poa yono lamu hioa cimo mav'ov'o ci peis'ʉ'ʉmnʉ ho poa a'sʉftonʉ muu, poa meelʉ peis'ofeihni no 'tohʉngʉsi, tesi'sola ieni to iesu kilisto yonta feangoto ho aepʉnga na lasi 'aveoveoneni ci hi'hioa! no'unu'sio to kilisto na psoevohngʉ, ac'ʉhʉ ho noana'o! 'aamen.

hevulu 2:11

isi toʉlʉi 'e kuisi ta cou; te toehungu 'o mohcu cofkoya ci cou ho tma'usnu tomo cihi ci amo. ko'koeno, o'aisi h'oinveni to iesu hoci ta'upa no conoemoo.

hevulu 2:3

homoeno maica, hocito peaezoni 'emo maica ci taunona'vʉ ci to'usnu, teenana meelʉ pkaako no patvovei? 'o nooe'oca isi ahoza iachia psoevaha 'e to'usnu eni; ohe yaeza mi'usneni a'to ho soomei to moso tmac'ʉhʉ ci cou.

hevulu 4:14

homo maica. nteto tʉyʉca 'e ito ehohonga ci singkoo. maica mito yaa cihi ci taunona'vʉ ci taisaisi, 'ai'oeno oko to hamo ci iesu; micu yʉmeʉmʉ to tuhcu to hamo.

hevulu 6:4

i'ocu 'omo mongoi tomo emzo ci ceonʉ ci cou, tee mainenu hoci poa i'momhomʉ i'vaho ma'vovei? panoniacula hiasi psoetiskovi to hamo, olʉa na na'ausna no tma'usnu ne pepe ci mengumi, mohcula maezocu tma'upu to seilei,

hevulu 6:6

mioc'on'a mongoi ta emzo ci ceonʉ. 'emo maica ci cou 'anate peelʉi poa miovei, i'momhomʉ ma'vovei; maica ho ihe i'vaha spica to zuuzika 'o oko to hamo, apa'ta aokoe'iya.

hevulu 9:13

'o hmuyu to moatʉ'nʉ ho hmuyu to hahocngʉ ci 'uachumu, ho i'o fuu to isi hmoi ci inhe 'uachumu, hoisi yapneni to feango to mo i'upu meesi cimo ca'i ci cou, ho peelʉi toonvi na ca'ihe ho poa cofkoya,

hevulu 9:20

isi yainca: <'e hmuyu eni zou to'honga no temu pee'ofeihni 'o mashʉyʉ to hamo.>