'epeso 6:23 - buacou seiso no faeva esvʉtʉ

²³ tesi'sola faeni ta acʉcʉhʉ ci sinto to amohamo ho ito nooe'oca iesu kilisto na soanono, himngonghi, ho singkoo.

'epeso 6:23 ပူးပေါင်းရင်းမြစ်များ

yohane 14:27

looma 1:7

te'o tuayokeo ta mimu afu'u yonta looma ci isi ngohia, ho epeiya to hamo ho teyai 'o'oko ci cou. faeni'sio muu to hamo ho ito nooe'oca iesu kilisto na mengumi ho soanonosi!

looma 15:33

inala mofi no soanono ci hamo, tesi'sola asngʉcva no'upi muu! 'aamen.

kolinto 1 1:3

faeni'sio muu to amohamo ho ito nooe'oca iesu kilisto na mengumi ho soanono!

kolinto 2 13:11

atavei, maanat'ohaesa, huvahi'sio. temula asno'zonʉ yʉepʉngi ci cou. tiova 'e hia'u poucufnu; la acʉhʉ conci 'tohʉngʉ, nananghinghia noteuyunu. tesi'sola asngʉcva no'upi tola mofi to himngonghi ho soanono ci hamo na muu!

ngalatea 5:6

maica, hocitocu no'ayumonʉ no nsou to kilisto iesu, hoci tiou ho o'te tiou no s'e'honga uk'a citesi nama natʉ'ca, inac'o isi boemi no himngonghi ho peispa'teni na singkoo 'aeno eni nate sotva'esi.

ngalatea 6:16

namo afu'u mee'ofeihni tamo maica ci h'oceona ci cou, ho ina afu'u 'o'oko to hamo, te'sola acʉhʉ totiski mayo no soanono ho coveoza!

'epeso 6:24

tesi'sola fii no mengumi to hamo 'ola ma'hʉhʉyʉ himngonghi to nooe'oca iesu kilisto ci cou!

tesalonike 1 5:8

ho mitoeno no'usnu no hie, 'anteeno anana'o etngou. teto teyai pihci na tmaa'uzo ho himngonghi, teto ceopngu na lato ta'usni ci to'usnu.

tesalonike 2 1:3

maanat'ohaesa, mantemza asngʉcva 'aveoveoneni to hamo na muu. 'aeno a'ʉmtʉ; maica homo meoino asuhcu na singkoomu, na yupa himngonghi ci 'tohʉngʉ mo maezo meoino apuhngu.

tesalonike 2 3:16

i'ola mofi no soanono ci nooe'oca tesi'sola boemi no mav'ov'o ci peipeis'ausna ho pafi no soanono muu! asngʉcva'so la no'upi to nooe'oca muu!

temote 1 1:14

'o nooe'ocato isi pafi to afnaso ci mengumi a'o, poa yaa singkoo ho himngonghi a'o, na eni mo i'mi ho mo yuecnguhu to kilisto iesu ho cmʉfeʉ.

temote 1 1:3

os'o tata'za ho ciko nochʉmʉ ne 'epeso; ne te'o emo'usnu ne makitong o'ucu eutotaveiya suu. panto piyo ci cou la yone'e ho psoyaski to o'amo emzo ci mahsʉsʉftʉ, teko asansana pashʉi ho potani.

temote 1 5:8

hoci panola o'te aʉt'ʉcʉ no 'oahngʉ, aavaho ina yano iachi emoo, micu pef'uhu no singkoo, kuzohe to o'amo tmaa'uzo ci cou.

petelo 1 5:14

temu boemi no cofkoya ci kisu ho yupa tuayokeo. 'e mimu tma'usnu to kilisto ci macicihi acʉhʉ'sola elʉ no soanono!

yohane 3 1:14

os'o tata'za o'ate noana'o ta'ucu aiti suu, aʉlʉ yupa mi'usnu ho eʉsvʉsvʉta.

mokusi 1:4

na a'o - yohane, te'o pa'i'usni ta tengami ho faeni tamo pitu ci kiokai ta 'aziasoo: i'o mo ahoi ne noana'o, maitan'e, ac'ʉhʉ ho 'auesiesi yayo ci hamo, ho i'omo pitu ci piepiya to tuhcu to suoca'hasi, ho i'o mo meot'ʉt'ʉcʉ cila 'akasi, ahoi i'mi to mcoi ho smoevovei ho atʉkcʉ ta mahohonte ta ceoa ci iesu kilisto, tesi'so pafi no mengumi ho soanono na muu! isi ngohia a'to. nomio a'to ho yuhmuyu. i'mi to kuisi ho poesih'a a'to.