'epeso 6:19 - buacou seiso no faeva esvʉtʉ

¹⁹ temula yaeza 'inolineni a'o, p'enzeni to hamo note'o suseolʉ ci e'e, ho ta'u eseolʉ aomotʉ'ʉ, meelʉ 'ʉteʉ ho paavi 'e ngayo'u epeaska 'e moumsʉ'eonʉ ta fukuin.

'epeso 6:19 ပူးပေါင်းရင်းမြစ်များ

sitoo 13:46

at'inghi, 'o poolo ho panapa nama mo asuhcu e'ʉ'ʉteʉ ho yainca: <'o e'e to hamo te ahtao'te aueva psoecʉ'ha muu. at'inghi, o'a imu tiova, iachi ma'unano o'amo 'aseolʉ no mayo no 'auesiesi nsou. ko'koeno, temia mongoi muu, uhto 'ayumona to couyafana;

sitoo 14:3

mo aʉlʉ mipiyohi to ic'o 'omo yoso; e'ʉ'ʉteʉ ho engha 'o nooe'oca. isi fii to tonʉ no peispopo'e to nooe'oca, ieni tan'e ho soomei na mou'ʉmtʉsi ta ihe epeaska cimo yaa mengumi ci e'e.

sitoo 18:26

cu ahoi yonto kaitoo 'o 'apolo ho e'ʉ'ʉteʉ eʉsvʉsvʉtʉ; ihe talʉi to paicila ho 'acila, cu eyoho'a ho poa uhto emoohe, asuhca etuhca ho esansana 'o e'e to hamo.

sitoo 19:8

acngucnguhu tuyu no feohʉ, maito lasi hioa 'o poolo ho uhto kaitoo, e'ʉ'ʉteʉ eʉsvʉsvʉtʉ, mi'usnu to mocmo ho yupa eehcʉvho no hi'hioa to hpʉhpʉngʉ to hamo. poucufnu to cou ho poa tmaa'uzoa.

sitoo 2:4

isi acʉha nongcʉngci to seilei, maito isi pafeni to seilei ci tonʉ ho ahoi mo'engho to e'e no mocmo ci hpʉhpʉngʉ.

sitoo 28:31

mo aʉ'ʉteʉ ho epeaska 'o fukuin to hpʉhpʉngʉ to hamo, po'pa'cohivi tomo natʉ'ca 'o nooe'oca iesu kilisto ci hioa, uk'a cimo ake'i koa nomʉtʉ.

sitoo 4:13

ihe aiti ta ngi'in 'o petelo ho yohane homo maica 'o hia 'ʉteʉ, ihe yaeza cohivi ho o'amoso nama tmopsʉ ci cou, ihe a'sʉftona taunona'vʉ, ihecu ta'hongi 'emo yoso ho mosola to'ofeihni to iesu.

sitoo 4:29

nooe'oca, i'o maosmoyohe, teko'so hʉsvʉta, a'vinano poa yaa 'ʉteʉ a'mi, 'aeno 'e soskuskunusu, ho peelʉi psoyaska 'e e'esu.

sitoo 4:31

cu aepʉngʉ 'inoli, mo tmaot'ou 'o ihe yoni noteuyunu. isi acʉha nongcʉngci to seilei, ahoicu 'ʉteʉ ho psoyaski to e'e to hamo.

sitoo 9:27

i'oc'o panapa 'omo uso ho to'usnu to saulo, hafa ho aopa'to to sitoo, eʉsvʉsvʉta 'o saulo mo mainenu na hia isi lʉa ne ceonʉ 'o nooe'oca, mainenu ho isi mi'usni ho aomotʉ'a to nooe'oca. e'upa mo mainenu na hiasi 'ʉteʉ ho yone tamasuko ho biftongʉ to ongko to nooe'oca ho psoyaski to e'e.

sitoo 9:29

mo maezo mi'usnu tola buangilisia ci couyutaya ho esansana, ehcʉvho, nama ihe 'ucia opcoza 'o saulo.

looma 15:30

maanat'ohaesa, ieni to nooe'ocato ci iesu kilisto, yaeza ieni to isi pafeni to seilei ci himngonghi, te'o m'ene muu, nomio a'o teto toehungu mi'usnu to hamo ho 'inoli.

looma 16:25

no'unu'sio to hamo na psoevohngʉ! lasi peelʉi ieni to os'o psoyaska ci fukuin ho amamahtʉica na singkoomu. 'e fukuin eni mo e'usnu to e'e to iesu kilisto, cu paavi 'omo ahoi ne noana'o ho nootoefʉngʉ ci moumsʉ'eonʉ.

kolinto 1 1:5

poa no'ayumonʉ to kilisto na muu ho aa'pucu atngaso, noemʉhʉ na mau'to'tohʉngʉ ho meemealʉ ya'ei.

kolinto 1 2:7

i'e os'o engha ci moutʉs'ʉ zou moutʉs'ʉ no moumsʉ'eonʉ to hamo, 'ai'oisieno efʉngan'a ta cou, at'inghi ohsicu ahoza ne auyusi no teyai 'e hpʉhpʉngʉ ho ta'eoyoca no poa elʉ no psoevohngʉ a'to ci moutʉs'ʉ.

kolinto 1 4:1

ntemula hu'u'usna no soskuskunu to kilisto na a'mi, tiou no leaʉt'ʉcʉ to moumsʉ'eonʉ ci emoo to hamo.

kolinto 2 3:12

maica ho mimza yaa maica ci ta'usni, mimza yaa uk'a noc'ʉhi ci 'ʉteʉ.

kolinto 2 6:11

maananghia ta kolinto, la i'mʉs'onʉ ta 'tohʉngʉ ho esansano ya'ei ho lamza mi'usnu muu.

kolinto 2 7:4

os'o asansana taa'uzva muu, a'sʉftona emomoengʉa muu. yontomo mav'ov'o ci 'atutumzo, mi'o a'sʉftonʉ noa ao'pou, nongcʉngci no kokaekaebʉ.

kolinto 2 8:7

'upena na singkoo, hia aomotʉ'ʉ, mau'to'tohʉngʉ, smoekaebʉ to'usnu no mocmo, ho ina hia mi'usnu a'mi ci himngonghi, mimu a'ʉmtʉ na'no atngaso, os'o tata'ia no temula yonta mo maica ci ʉmnʉ ci hi'hioa ho afnaso mealʉ.

'epeso 1:9

aepʉngacu na 'tohʉngʉsi, a'vinano poa cohivneni a'to isicu esvʉta no ieni to kilisto ho peiseʉpngi 'e moumsʉ'eonʉ.

'epeso 3:9

poa cohivneni ta yatatiskova tesi yainenu to hamo na tesi hia peiseafi 'e ohsila ta'koeva ci moumsʉ'eonʉsi. yono nia auyusi ta hpʉhpʉngʉ, 'o moso mooyai ta mauhpʉhpʉngʉ ci nooe'oca - 'o hamo isi efʉnga 'e moumsʉ'eonʉ eni.

kolosai 2:2

te'o poa elʉ no poucufnu, meelʉ boemi no himngonghi ho tmuteuyunu, i'mi nomo bocbochio bohbohngʉ ho cmʉfeʉ ci singkoo ho honga na moumsʉ'eonʉ to hamo; 'e moumsʉ'eonʉ eni. 'ai'oeno feango to kilisto.

kolosai 4:3

la yaeza 'inolineni a'mi, p'enzeni to hamo ho pafi no 'oc'ocic'o ci hie ho psoyaska 'e fukuin, ko'ko peelʉi psoecocoya 'e moumsʉ'eonʉ to kilisto. maitan'e mi'o nomio tan'e ho noekotu.

tesalonike 1 2:2

imu cohivi, to auyusi ne momza uso muu, yone fuilipi momzacu elʉ to 'atutumzo, noa aokoe'iya. at'inghi isi fii to 'ʉteʉ to hamo a'mi, yontomo meoino yutasufka. imza peelʉi psoecʉ'ha muu 'e fukuin.

tesalonike 1 5:25

maanat'ohaesa, temu 'inolineni a'mi.

tesalonike 2 3:1

atavei, maanat'ohaesa, temu'sola 'inolineni a'mi, ko'ko peelʉi aupcieva psoyaska 'e fukuin to nooe'oca, a'vinano noa einva, mais'a ne ohola psoyaska ta 'ayumonamu ho noa einva.

temote 1 3:16

la toehunga esansana, 'e moumsʉ'eonʉ ta singkooto mo mainenu na hia pepe ho mʉ'eona: isi ieni ta feango ta cou ho aopa'to, soomei to seilei zou moulʉlʉ, noa aiti to matetensi. noa psoyaska ta mauhpʉhpʉngʉ, noa taa'uzva ta yatatiskova, noa esifova ne pepe.

fuilimong 1:22

conosi tan'e, takon'a ayocneni no ta'ula yoni; os'o tata'za hocisi yut'inga to hamo na 'inolimu, poa yuovei ta lamu yoni a'o.

hevulu 13:18

teav'asola tosveni 'inolineni a'mi. imza iachia taa'uzva mo tʉs'ʉ ho ʉmnʉ 'e koyumza, smoekakaebʉ mino mo emio ci ceonʉ.