'epeso 6:13 - buacou seiso no faeva esvʉtʉ

¹³ i'mi tan'e, temula boemi to isi faeni to hamo ci soanothʉ ho seu'heni 'e iachi, ko'ko meelʉ yono sokoeva ci hie ho poengomʉ no lahe hia suyumo no hangʉ, teespaezumo ho noyʉyʉci 'e hupato.

'epeso 6:13 ပူးပေါင်းရင်းမြစ်များ

luka 21:36

temula aʉtʉs'ʉ, o'te tosvo 'inoli, poa yaa tonʉa no buveici tate esmi ci afu'u hi'hioa, ko'ko meelʉ yac'ʉ to tuhcu to okocou.>

luka 8:13

i'omo su'to yuyu'eo ci tutu, isi pas'usna ta cou ho micu tmac'ʉhʉ no e'e la tmakaebʉ ho tiova, at'inghi 'e e'e o'a mo bimsʉ'eonʉ biemisi ta 'tohʉngʉhe; lac'o akameosʉ tmaa'uzo, hoci yupteilʉ no hʉsvʉta cu o'tena biv'ohʉ.

looma 13:12

tec'u mon'i sucaefi 'e voecʉvcʉ, tec'u cmʉ'ho 'o tiskova. 'anateto 'aoko peis'usnu nomo voecʉvcʉ ci hi'hioa; la meua soanothʉ, ae'ayocʉ ehtothomʉ ho tenac'u tiskova.

kolinto 2 10:4

'e soanothʉ ho lamza ehtothomʉ o'a mo tma'usnu ta hpʉhpʉngʉ, ma soanothʉ no meoino tonʉ to hamo, te peelʉi popsupapayo'a na mahtʉicʉ ci peochipa. temza toemʉema na acʉcʉhʉ cila e'ankʉ ci eehcʉvho,

'epeso 5:16

la tiʉlʉlʉa 'emo macoconi ci 'oc'ocic'o, maica mo na'no kuzo ho sokoeva 'e hie maitan'e.

'epeso 5:6

'ote noa peknui to lac'o e'ankʉ ci cou. 'amoeno aʉlʉ i'mi tamo maica ci hi'hioa; te cmʉ'ho to feango tola yutasufku ci cou na sʉ'no to hamo.

kolosai 4:12

'omo i'mi ta lamu yoni ci 'ipafu mo tuayokeo muu; zou maezo soskuskunu to kilisto iesu. lasi asngʉcva asno'zona 'inolineni muu, mi'usnu to hamo ho p'enzeni no mahtʉicʉ ci singkoo na muu, meelʉcu yʉepʉngi ci kilistoto, a'sʉftonʉ meot'ʉt'ʉcʉ no 'tohʉngʉsi.

yakovu 4:7

ko'koeno. temula meo'uzo to hamo; la bʉʉpsʉpsʉ to 'akuma. 'o 'akuma 'ate ahtuo'te toekameosʉ.

petelo 1 4:1

homoeno tiou no 'atutumzo 'o feangosi to kilisto, ntemu maezo boemi no totiski ci koyu ho seu'heni 'e iachi, maica ina mohcula mino 'atutumio ci cou micu ateno no kuisi.

mokusi 3:10

maica oskocu fihi 'o mashʉyʉ'u, apaezumo buveici, ko'koeno ho tena cmʉ'ho ta hpʉhpʉngʉ, tiou no hʉsvʉta 'e yatatiskova, te'o noʉt'ʉci suu.

mokusi 6:17

maica micu esmi 'o hiesi no meoino sʉ'no; siya na ten'a biv'ohʉ?>