'epeso 6:10 - buacou seiso no faeva esvʉtʉ

¹⁰ atavei, temula noe'ocʉ to meoino tonʉ to nooe'oca ho yutataso ci cou.

'epeso 6:10 ပူးပေါင်းရင်းမြစ်များ

kolinto 1 16:13

temula aʉtʉs'ʉ, la bʉʉlʉlʉ na singkoo, la 'ʉteʉ. la butotaso.

kolinto 2 13:11

atavei, maanat'ohaesa, huvahi'sio. temula asno'zonʉ yʉepʉngi ci cou. tiova 'e hia'u poucufnu; la acʉhʉ conci 'tohʉngʉ, nananghinghia noteuyunu. tesi'sola asngʉcva no'upi tola mofi to himngonghi ho soanono ci hamo na muu!

'epeso 1:19

mio mainenu na hia taso no tonʉsi homo no'ayumonʉ ta mito tmaa'uzo ci cou. 'e meoino tonʉ eni mo aʉlʉ totiski na tonʉ ho ohsi poa i'mi no mcoi ho smoevovei 'o kilisto poa yone pepe ho yusuhngu to vhonasi.

'epeso 3:16

te'o 'inoli to hamo, fiho no atngaso ci psoevohngʉsi, ieni to seilei ho pafi no taso na muu, poa yutataso na nsou no 'ayumonamu.

pilipi 3:1

maanat'ohaesa, panto te'on'a e'e. temu'sola no'ayumonʉ to nooe'oca ho kokaekaebʉ! te'o patvaha 'e o'ucula mi'usneni muu ho engha ci e'e ne auyusi, uk'acite nama koa ma'pap'ʉcʉ a'o, nama te apuyu koa ʉmnʉ muu.

pilipi 4:13

ieni to isi pafeni to kilisto ci tonʉ, te'o peelʉi noseolʉi 'emo mav'ov'o ci a'a'ausna.

pilipi 4:8

ataveisi, maanat'ohaesa, temula conino buyuyue'iya i'ola ʉmnʉ ho peelʉi tohmoengʉi ci hi'hioa. acʉcʉhʉ 'ola mou'ʉmtʉ, mitohʉngʉ, ahmʉskʉ, cofkoya, ʉm'ʉmnʉa, ho i'ola taotofsi'i ci hi'hioa ntemu la acʉha huecvʉhʉa.

kolosai 1:11

temusola i'mi to psoevohngʉ ci tonʉsi ho mayo no mahtʉicʉ ci tonʉ, yaa luaveica ci 'tohʉngʉ ho tiova 'e acʉcʉhʉ. la boemi no kokaekaebʉ ci 'tohʉngʉ ho

temote 2 2:1

oko'u, teko ieni to isi faeni to kilisto iesu ci mengumi ho yumamahtʉicʉ.

temote 2 4:17

la bichipi to nooe'oca ho e'oca a'o, fii to tonʉ a'o, ho a'sʉftona psoecʉ'ha to couyafana 'e fukuin; mo'u maezo i'mi to ngayo to e'uho ho noa to'usni.

petelo 1 3:8

hoci ensoha: temu aa'pucu tohmʉskʉ. yupa ma'cocoveoyi, himngonghi mais'a nat'ohaesa, boemi no ma'cocacni ho ma'einu ho yu'tat'ʉcʉ.

petelo 1 4:11

siya nala eʉsvʉsvʉtʉ, te eʉsvʉsvʉta 'o e'e to hamo; siya nala fifiho, te i'tohungu no isi faeni to hamo ci tonʉ ho fifiho, te ko'ko meelʉ i'mi to iesu kilisto ho psoevohngʉ to hamo 'e acʉcʉhʉ ci hi'hioa. na psoevohngʉ ho tonʉ acʉhʉ'so no'usnu to hamo, ac'ʉhʉ no 'auesiesi! 'aamen.

petelo 1 5:10

at'inghi, ataveisi ho mimu tiou ta akameosʉ ci 'atutumio, i'ola mofi to afu'u mengumi ci hamo, 'ai'omoeno eyoho'ʉ muu ho ieni to kilisto iesu ho yuecnguhu ho toehungu tma'upu no psoevohngʉ ci hamo, 'atasi ahtao'te iachia p'eʉlʉlʉa. amamahtʉica, pafi no tonʉ ho ino tmaʉlʉlʉ ci totnguca na muu.

yohane 1 2:14

mao'o'oko, mi'o tmopsʉ ta tengami ho faeni muu, maica imu honga 'o amopepe. maameoi, mi'o tmopsʉ ta tengami ho faeni muu, maica imu honga 'omo asonghoicu yayo. yu'fafoinana, mi'o tmopsʉ ta tengami ho faeni muu, maica ho mimu yutataso; mo yunsou ta nsoumu na e'e to hamo, a'vinano mimucu tosa'ohe tola kokuzo.