'epeso 5:19 - buacou seiso no faeva esvʉtʉ

¹⁹ boemi no pasunaenva, tohmomoengʉ, topiepiya ho yupa yut'ingi; la i'mi no 'tohʉngʉ ho muni, tohmomoengʉ to nooe'oca, mi'usnu ho pasunaeno.

'epeso 5:19 ပူးပေါင်းရင်းမြစ်များ

matai 15:8

'e yatatiskova lac'o boemi ta sumsu ho einu a'o, 'o 'tohʉngʉhe mo emomcovhi a'o.

matai 26:30

mo toehungu pasunaeno tomo conci pasunaenva, cu yuyafo ho uhto hcuyu'olivu.

sitoo 16:25

cu asonʉ mia'usnu no taico feʉngna, mo 'inoli 'o poolo ho siila, pasunaeno ho tohmomoengʉ to hamo, 'o mocmo ci isi poekotva mo acʉhʉ tmaayaezoyʉ.

kolinto 1 14:15

teeno mainenu homo maica? te'o boemi no epiepiya ho 'inoli, maezo boemi no toutʉs'ʉ ho 'inoli; te'o boemi no epiepiya ho pasunaeno, te'o maezo boemi no toutʉs'ʉ ho pasunaeno.

kolinto 1 14:26

maanat'ohaesa, zou cuma na 'tohʉngʉ? ho lamu yu'eteuyunu ho m'ohkuyu, pantola pasunaeno ci cou, pontola mo'ma'cohio, pantola elʉ no paavi to hamo, panola epiepiya, panola mahcinghi ta epiepiya. la cohivi, nala afu'a hioa nte acʉhʉ koa ec'ʉ ta kiokai niante emio.

kolosai 3:16

'o e'e to kilisto temula at'otngasa poa no'ayumonʉ ta 'tohʉngʉmu. la boemi no mav'ov'o ci moutʉs'ʉ ho yupa mo'ma'cohio, eucufnu, boemi no tohmomoengʉ, pasunaeno, pasupiepiya ho i'mʉs'onʉ no 'tohʉngʉ ho tayafi namo 'aveoveoyʉ ci fihngau ho tohmomoengʉ to hamo.

yakovu 5:13

ta taicomu pano mo nana esmi no 'atutumzo? ntela 'inoli; pano mo nana kokaekaebʉ? ntela tohmomoengʉ;

mokusi 5:9

mo pasunaeno tomo conci faeva ci pasunaenva: zouc'o suu nate 'aseolʉ no tiou ta tposʉ, paavi 'o toopcasi; maica ohola opcoza suu! i'mi ho mosula yuhmuyu ho ciha 'e nsou. osko i'mi ta mayoyou. maee'e. masusuezopʉ. mauhpʉhpʉngʉ. psuovei 'e cou, poa tmaovei to hamo.