'epeso 5:17 - buacou seiso no faeva esvʉtʉ

¹⁷ i'mi tan'e, 'otela moma'payo'ʉ ci cou, la cohivi zou cuma na 'tohʉngʉ to nooe'oca.

'epeso 5:17 ပူးပေါင်းရင်းမြစ်များ

yohane 7:17

'emo cihi ci cou hoci ma'po'ʉ'ʉmtʉ peis'ofeihni no 'tohʉngʉ to hamo tesicu cohivi, 'e hia'u mo'ma'cohio nenusino mo i'mi to hamo hocieno c'o iachia'u e'e.

looma 12:2

'ote noa uv'oha ta hpʉhpʉngʉ, la poa teovahneni to hamo na muu, teofafaevai na 'tohʉngʉ ho koyumu, teeno peelʉi husansana zou cuma na 'tohʉngʉsi, cohivi zou cuma na mou'ʉmnʉ, a'sʉftonʉ ho peelʉi ʉm'ʉmnʉa.

'epeso 5:15

ko'koeno, la bumemealʉ na lamu peipeis'ausna. 'ote mais'a nongonongo ci cou, la mais'a 'ola moutʉs'ʉ ci cou.

kolosai 1:9

i'mi tan'e, ahoi ne omzacu tac'ʉhi na a'a'ausnamu, lamza o'te tosveni 'inolineni muu, m'eya tonʉ to hamo poa'so i'mi no seilei ho mayo no mav'ov'o ci moutʉs'ʉ ho bocbochio, peelʉi a'sʉftona honga na 'tohʉngʉsi.

kolosai 4:5

ho lamu noteuyunu to o'ala tmaa'uzo ci cou la bumomoʉtʉs'ʉ, la tiuseoseolʉa na 'oc'ocic'o.

tesalonike 1 5:18

yono mav'ov'o ci a'a'ausna la aa'pucu 'aveoveoyʉ. na eni isi asvʉtneni ta mimu tma'usnu to kilisto iesu ci 'tohʉngʉ to hamo.

petelo 1 4:2

ahoi maitan'e, na ang'osʉsi no temun'a mia ci hie ta hpʉhpʉngʉ temu poa aʉt'ʉcneni no 'tohʉngʉ to hamo, teav'ana i'vaha poa atʉkceni no ma'konvosʉ ci 'tohʉngʉ ta cou.