'epeso 4:31 - buacou seiso no faeva esvʉtʉ

³¹ temu aapayo'a na afu'u ma'bubut'u, pak'i, ma'sʉsʉ'no; 'otenala i'vaho 'afeo'fu'u hocieno eayaezoyʉ; 'otenala i'vaho yaa mihango ci koyu.

'epeso 4:31 ပူးပေါင်းရင်းမြစ်များ

sitoo 21:30

ta tan'e, mo yuot'ou 'e cono hosa, uso 'omo botngonʉ ho tʉtpʉta 'o poolo, e'eafi to seiten; micu osni acʉhʉ amʉtʉ 'o phingi to seiten.

looma 3:14

la cono ngayo 'o ekvo'ʉ ho tokuzkuzo.

kolinto 1 14:20

maanat'ohaesa, ta 'to'tohʉngʉmu 'ote mais'a oko; tamo kuzo ci hi'hioa temula mais'a foinana. tela poa yʉepʉngi na 'tohʉngʉmu.

kolinto 1 5:8

ko'koeno, ho teto noyʉci 'e meesi eni, o'ate titho nomo noana'o ci smoof'o, 'ai'oeno mo yaa smoof'o no kokuzo, te tithohe to o'amo yaa smoof'o ci pang, 'ai'o moeno yaa cofkoya ho so'emio ci pang.

kolinto 2 12:20

os'o sokoeva ho ta'u uso muu, aiti hocimu o'te toseolʉ no o'ula 'ucia totea, ho tamu aiti a'o maezo o'amo toseolʉ no ohmula totea, os'o yaeza smoyoa ho ci'u baito no youbobai, smo'eubut'u, ma'sʉsʉ'no, ma'konvosʉ, eayaezoyʉ, buusumsu, bobitano, ho 'afeo'fu'u.

ngalatea 5:20

m'ohkuyu to uacoua, buoyoifo, mihango, youbobai, yʉchʉmʉ, ma'bubut'u, mayʉhcʉvho, boepaevai, bivahvoh'unu,

'epeso 4:22

temula yungvo'a 'ola conino koa yunsou tote meaapayo'ʉ ci ; i'o noana'o ci a'o isi ieni to eepecvai to ma'konvosʉ hocu toapayo'ʉ.

'epeso 4:25

ko'koeno, 'atemu i'vaho meknuyu! 'e macicihi tela mi'usnu to nanat'ot'ohaesa ho mo'engho no eʉlʉ ci e'e, maica 'e mito macicihi zou acʉhʉ maesoesou to feango to kilisto.

'epeso 4:26

hocimula ma'sosohpoi, 'ote i'mi ta sohpoi tan'e ho peiskuisi; maezo 'otela conohie ma'sʉsʉ'no,

kolosai 3:19

'e hahocngʉ temu ngohia 'e vcongʉ, teav'a akuzkuzoa.

kolosai 3:8

at'inghi, temu asansana antʉha 'emo maica ci hi'hioa: 'otena i'vaho yaa ma'sʉsʉ'no, pak'i, ho mihango; 'ote mo'engho nola ekuzkuzo ho ca'i ci e'e.

temote 1 3:11

na vcongʉhe te maezo yaa ʉmnʉ ci peipeis'ausna, o'te buusumsu. la ayʉyʉcʉ. aa'pucu eʉlʉ ho tae'oci.

temote 1 3:3

o'ala voemi, o'ala eyobai, ma'cocacni ci yu'ausna, o'ala ma'konvosʉ no yupasʉ.

temote 1 5:13

a'vinano la at'ocʉ lue'amamza, smaicacni to maemoemoo ho ne'neisu. 'omo asuhcuhe kuzo, la buusumsu, enou to o'ante pateafa ci e'e.

temote 2 2:23

la bʉʉpsʉpsʉ tola enongonongo ci eehcʉvho; teko cohivi, 'emo maica ci eehcʉvho la lua i'mizi no koa youbobai.

temote 2 3:3

uk'a na'oahnga, peispapak'i, kaebʉ buusumsu, moezʉezʉhʉ. pak'i, himsʉ'no no mou'ʉmnʉ.

tito 1:7

ho teeno so'ehti ta kiokai, leaʉt'ʉcʉ ta emoo to hamo, nte uk'a 'o'emamzi no koica, o'ate ʉmnʉ hoci bobitano, pak'i, voemi, youbobai, makonvosʉ no yupasʉ;

tito 2:3

teko yaeza eucufna 'o mameoi ci maamespingi, la bumemealʉ na peipeis'ausna. 'otela buusumsu, 'ote noa tolei no emi. la yaa ʉmnʉ cila hu'ofeihni,

yakovu 1:19

songohia ci maanat'ohaesa'u, 'e mimu macicihi ci cou ntela aa'pucu tmalʉ no 'tohʉngʉ no mocmo ci cou, 'ote 'aumeumeusu ya'ei, 'otela angu luesasʉ'no.

yakovu 3:14

ho mimueno yaa ma'konvosʉ mahiz'o ci smo'eubut'u ho ma'cachi ta 'tohʉngʉmu, o'a na temu meelʉ iachi etano, 'ote lolekoknuyu ho mihango to so'emio.

yakovu 4:11

maanat'ohaesa, 'otela yupa etfʉngʉ. siya namo etfʉngʉ hocieno eayaezoyʉ no nanat'ot'ohaesa, 'aisieno etfʉnga ho eayaezoya 'o hoolicu to moose. hociko etfʉnga ho eayaezoya 'o hoolicu, o'ana miko meo'uzo to hoolicu, ma isi eayaezoya 'o hoolicu.

petelo 1 2:1

ko'koeno, temula yuse'va na afu'u kuzo ci hi'hioa, 'ote i'vaho meknuyu, me'ʉ'ʉmnʉ, smo'eubot'u, hocieno eayaezoyʉ no cou ci e'e;

yohane 1 3:12

o'ateto mais'a 'o kai'in. mo tma'usnu to kokuzo; ohsi opcoza 'o iachisi ohaesa. mo mainci isi opcoza 'o ohaesasi? 'amoeno maica homo kokuzo 'o peipeis'ausnasi, 'o ohaesasi mo mousʉngcʉ 'o lasi peipeis'ausna.

yohane 1 3:15

nala afu'u himsʉ'no no nanat'ot'ohaesa, 'amoeno opcoi no cou; imu cohivi, nala afu'u opcoi no cou, cu uk'ana 'auesiesi nsou.

mokusi 12:10

mi'o i'vaho tmalʉ to meoino no fihngau ta pepe mo mainca: