'epeso 4:25 - buacou seiso no faeva esvʉtʉ

²⁵ ko'koeno, 'atemu i'vaho meknuyu! 'e macicihi tela mi'usnu to nanat'ot'ohaesa ho mo'engho no eʉlʉ ci e'e, maica 'e mito macicihi zou acʉhʉ maesoesou to feango to kilisto.

'epeso 4:25 ပူးပေါင်းရင်းမြစ်များ

yohane 8:44

zou anana'o oko to 'akuma na muu, ko'ko mimuc'o peis'ofeihni to ma'konvosʉ to amomu. mosola ahoi to ahoisi ho le'opcoi, asonghoi o'amo bi'upu ta so'emio, maica ho asansano uk'a ci so'emiosi. hola lolekoknuyu mo i'mi to yu'ausnasi; maica 'aeno anana'o lolekoknuyu, maezo 'oi'miza no afu'u lolekoknuyu.

looma 12:5

totiski, mito e'vono botngonʉ ci cou, mito no'ayumonʉ to kilisto ho cono feango, macoconi yupa yuecnguhu, hocu mav'ov'o ci maesoesou ta feango.

kolinto 1 10:17

maica mitoc'o coni ci pang, mito acʉhʉ tma'upu ta mo totiski coni ci pang; ko'koeno, mito e'vono botngonʉ. mioc'o cono feango.

kolinto 2 7:14

o'ula mi'usneni to tito ho emomoengʉa muu, o'a imu poa ma'kokoe'i a'o. lamza conino eʉlʉ ho lamza mi'usnu muu; totiski, 'o imza mi'usneni to tito ho emomoengʉa muu ci e'e. yaeza asansana ho mio emzo.

'epeso 4:15

apuyu, teto boemi no himngonghi ci 'tohʉngʉ ho mo'engho no eʉlʉ ci e'e, yono mo mav'ov'o ho mi'usnu to kilisto ho a'cʉ'cʉnʉ yusuhci. zou fnguu 'o kilisto;

'epeso 4:22

temula yungvo'a 'ola conino koa yunsou tote meaapayo'ʉ ci ; i'o noana'o ci a'o isi ieni to eepecvai to ma'konvosʉ hocu toapayo'ʉ.

'epeso 4:31

temu aapayo'a na afu'u ma'bubut'u, pak'i, ma'sʉsʉ'no; 'otenala i'vaho 'afeo'fu'u hocieno eayaezoyʉ; 'otenala i'vaho yaa mihango ci koyu.

'epeso 5:30

maica zou maesoesou to feangosi a'to.

kolosai 3:8

at'inghi, temu asansana antʉha 'emo maica ci hi'hioa: 'otena i'vaho yaa ma'sʉsʉ'no, pak'i, ho mihango; 'ote mo'engho nola ekuzkuzo ho ca'i ci e'e.

kolosai 3:9

'otela yupa memeknuyu, maica imucu yunga na noana'o ci a'o ho noana'o ci h'oyunsova.

temote 1 1:10

smoc'ou, vohahocngʉ, topano, meknuyu, ebohtʉ, yutasufku to yuayayokeo ci 'omahsʉfta ci cou.

temote 1 4:2

'emo maica ci e'e mo i'mi to lasi ti'a'ausna to totpiei; i'o nia ʉmnʉ ci 'tohʉngʉhe mais'a isicu tomcozi no fkʉngeo ci meemeno.

tito 1:12

'e coukolitho mo iachi yaa cihi ci eyongensa panto e'esi isi yainca:

tito 1:2

'e so'emio eni mo i'tohungu to isi ieni to mingeou no 'auesiesi nsou. i'o o'ala meknuyu ci hamo, ne auyusi ta mauhpʉhpʉngʉ, ohsicula teomneni ho pafeni a'to 'e 'auesiesi nsou,

hevulu 12:1

ho mitoeno yaa maica botngonʉ cimo 'akasi ci cou, mais'a 'o cmʉcmʉ ho nokuyungu a'to, mantetocu yupsʉpsa 'emo afu'u tmamʉtʉ ho koa paepop'ʉcʉ a'to ci kuisi, tomamahtʉicʉ ho smai'usnu ta ito mi'usni ci ceonʉ.

yakovu 1:21

ko'koeno, temula momeesih'i no afu'u 'oha ʉmnʉ ci h'oyunsova ho i'ola kokuzo ci peipeis'ausna, boemi no meo'uzo ci 'tohʉngʉ ho tiova na isi emʉ'a ta 'tohʉngʉmu ci e'e to hamo, 'ai'o teeno meelʉ to'usnu ta nsoumu ci e'e.

petelo 1 2:1

ko'koeno, temula yuse'va na afu'u kuzo ci hi'hioa, 'ote i'vaho meknuyu, me'ʉ'ʉmnʉ, smo'eubot'u, hocieno eayaezoyʉ no cou ci e'e;

mokusi 21:8

at'inghi i'ola t'oe'ʉya, tmaakoknuyu, tokuzo, opcoi, smoc'ou, buoyoifo, m'ohkuyu to uacoua, ho i'ola afu'u lolekoknuyu ci cou, panto puzu ho i'o yunzou ci etʉpʉ no liukoo isi totea 'emo maica ci cou; 'aeno ic'o 'ote tupusku mcoi.>

mokusi 22:15

at'inghi i'omo mais'a av'u, peiseoyoifo, smoc'ou, opcoi, m'ohkuyu to uacoua, lolekoknuyu, me'ʉ'ʉmnʉ ci cou, te acʉha poyafa ta hosa.