'epeso 4:21 - buacou seiso no faeva esvʉtʉ

²¹ o'ate ta'pepecvaza ho ohmucula talʉi 'o ohsila hi'hioa, hocu tesi to kilisto, yoyayaeza i'omoc'o no'ayumonʉ to iesu ci so'emio.

'epeso 4:21 ပူးပေါင်းရင်းမြစ်များ

matai 17:5

ne mon'a seolʉa no aomotʉ'ʉ 'o petelo, yaa tofsi'i ci cmʉcmʉ isi tofeʉ'si 'omo tuyu; panto fihngau cimo i'mi to cmʉcmʉ, yainca:

luka 10:16

isi ivaha mi'usni to iesu 'o tesi ho yainca:

yohane 1:17

'o hamo isi ieni to moose ho epeaska 'o hoolicu. at'inghi 'o mengumi ho i'o so'emio, isi ieni to iesu kilisto ho cmʉ'ho.

yohane 10:27

'o moatʉ'nʉ'u lahe talʉi 'e fihngau'u, os'o yaeza honga; la to'ofeihni a'o.

yohane 14:17

na ic'o 'aeno piepiya no so'emio. o'a ihe tiova ta yatatiskova; maica ho o'a ihe teolʉi, yaeza o'a ihe honga. at'inghi imu honga; maica homo yonta 'ayumona ta nsoumu, asngʉcva no'upi muu.

yohane 14:6

yainca to iesu: <'aeno ceonʉ, so'emio, nsou na a'o; hoci o'te ieni a'o, uk'aci te meelʉ uhto lasi yoni to amo.

looma 10:14

at'inghi, ho o'aihe taa'uzva, te mainenu hoci eyoho'ʉ to hamo? ho o'amo tmalʉ, te mainenu hoci tmaa'uzo? ho o'aisi psoyaska, te mainenu nate hia tmalʉ?

kolinto 2 1:20

na ohsila teomneni to hamo homo yonto feango to kilisto 'acueno acʉhʉ . ko'koeno temzacu ieni ho mainca <'aamen> ho psoevohngʉ to hamo.

kolinto 2 11:10

te'o smeecʉ'ho mas'osʉ tomo yonta 'tohʉngʉ'u ci so'emio to kilisto ho mainca, i'e os'o afu'a etanveni tena psoengabo ta mia'usnu ta 'akaiya.

'epeso 1:13

'amimueno maezo maica: ne ohmucu tac'ʉhi 'o e'e ta so'emio, 'aeno ne ohmucu tac'ʉhi 'ete to'usnu ci fukuin, mimucu tmaa'uzo to kilisto, i'o ohsila teomneni to hamo ci seilei isicu faeni muu, teyai huomza ho mimu tma'usnu to kilisto.

'epeso 2:17

maicac'o, na atuhcusi homo cmʉ'ho 'o kilisto tesi psoyaska 'e koa suseomʉ ci fukuin ho faeni ta afu'u cou, a'upa 'e mohmu la emomcovhi to hamo ne auyusi ci couyafana. ho i'omo smacmu'u to hamo ci couyutaya.

kolosai 1:5

to ahoisi, ne ohcu psoecʉ'ha muu 'e fukuin, imucu talʉi 'e isi hafa ta fukuin ci ta'usni. maicac'o, ina singkoo ho himngonghimu mo acʉhʉ i'tohungu ta isi songacveni muu ne pepe ci ta'usni.

kolosai 1:6

'e fukuin eni o'aisi anova psoecʉ'ha muu, isi yaeza psoengaboa ta mauhpʉhpʉngʉ, asngʉcʉ yusuhci ho beahci, aʉlʉ mais'a ne ohmun'a ahoza tac'ʉhi hocu a'ʉmta honga 'o mengumi to hamo, mo totiski yusuhci ho beahci.

kolosai 2:7

yonto 'ayumonasi ho biemisi, yusuhci. p'eyac'a na singkoo, 'amoeno maica na lamu tiova ci mo'ma'cohio; temu yaeza poa ngangcʉngcʉ na 'aveoveoyʉ ci 'tohʉngʉ.

yohane 1 5:20

ito cohivi, micu cmʉ'ho 'o oko to hamo, a'vinano pafi no toutʉs'ʉ na a'to, ko'ko poa bohngʉ to a'ʉmtʉ hamo na a'to. mito no'ayumonʉ no nsou to a'ʉmtʉ hamo. 'aeno 'ayumona to nsou to okosi iesu kilisto. zou a'ʉmtʉ hamo, 'aeno 'auesiesi ci nsou.