'epeso 4:14 - buacou seiso no faeva esvʉtʉ

¹⁴ maicac'o, nianteto o'te i'vaho mais'a foinana, mumzo to moezʉezʉhʉ ho meknuyu ci la buoyoifo ta cou, fiho tomo mav'ov'o ci motposʉ ho meavaevoezuhu.

'epeso 4:14 ပူးပေါင်းရင်းမြစ်များ

matai 11:7

ataveisi ne micu e'ohʉ 'o tesi to yohane. micu mi'usnu to botngonʉ 'o iesu ho engha 'o yohane. yainca:

matai 24:11

botngonʉ ci meyoyongensa te yuyafo, ho maspepecvai ta 'tohʉngʉ ta cou.

matai 24:24

maica tec'u yuyafo 'o mekikilisto ho meyoyongensa, tahe hioa na meoino peispopo'e ho poa ma'pepecvai 'e cou; hoci peelʉi, ac'ʉha no paspepecvazi 'e ohsila epeiya to hamo ci mao'o'okosi.

sitoo 23:21

teav'as'a teomneni, maica mo msʉptʉhʉ ci cou tehe akoeva no nothi. mo acʉhʉ esvʉtʉ, honci o'te opcoza 'o poolo o'ate bonʉ ho mimo. micu acʉhʉ ae'ayocʉ, cuc'o totea na teko hia yut'ingi.>

kolinto 1 12:2

ne mohmun'a tmaa'uzo to lahe peepeeseni to couyafana, la conino noa e'usna tomo emopeu ci ceonʉ, noa skotpʉta to o'amo yaansoua ci uacoua.

kolinto 1 14:20

maanat'ohaesa, ta 'to'tohʉngʉmu 'ote mais'a oko; tamo kuzo ci hi'hioa temula mais'a foinana. tela poa yʉepʉngi na 'tohʉngʉmu.

kolinto 1 3:19

maica 'ela ma'unano mo yaa moutʉs'ʉ ta hpʉhpʉngʉ, ho lasi aiti to hamo. mo nongonongo. aʉlʉ maito isi yainca to seiso: <'o hamo isi poa mumzo to iachihe kuici koyu 'omo moutʉs'ʉ ci cou.>

kolinto 2 2:17

o'a mimza mais'a 'o botngonʉ ci cou, titha 'amamhimhino 'e e'e to hamo; maica isi skuna to hamo a'mi, poa yonto tuhcusi a'mi ho boemi no ongko no soskuskunu to kilisto ho aʉ'ʉmta psoyaska 'e e'e.

kolinto 2 4:2

imza acʉha hopsʉpseni 'ola afu'u nootoefʉngʉ ho h'oinveni ci hi'hioa, o'ala hioa 'omo moezʉezʉhʉ ci hi'hioa, yaeza o'ala eknon'a 'o e'e to hamo. yonto tuhcu to hamo. lamza epopayoa 'e so'emio, ieni ta iachi peipeis'ausna ho paavi na ʉmnʉ ci 'tohʉngʉ ta macicihi.

ngalatea 3:1

nongonongo ci coungalatea, siya namo i'vaho maspepecvai muu? 'o hi'hioa ho isi spica to zuuzika 'o iesu kilisto, ta tuhcu ta mcoomu o'a mos'aeno yaa husansana ci ongko?

'epeso 6:11

temula paceofa 'o isi faeni to hamo ci yʉsʉno heetai, temu ko'ko meelʉ bʉʉlʉlʉ, poengomʉ no koknuyu no 'akuma.

temote 1 3:6

inate so'ehti ta kiokai o'ante ina mon'a ahoi uhta kiokai ci cou, sokoeva no cmʉfeʉ na bitano ci 'tohʉngʉ. su'ayumonʉ no h'oepona no 'akuma ho noa topci no kuisi.

temote 2 1:15

osko cohivi, 'omo yone 'aziasoo ci cou mo acʉhʉ mongoi a'o, a'upu 'o fuicilu ho i'o heimocini.

temote 2 3:13

i'ola kokuzo ci cou ho i'ola lolekoknuyu te huhucmasi ausuhcu kuzo; la meknuyu to mocmo, lea maezo noa peknui.

temote 2 4:3

ho tac'u cmʉ'ho na hiesi, ho mio 'e cou tahe hose'veni 'emo yutataso ci mahsʉsʉftʉ, mee'ofeihni to iachi ma'konvosʉ, 'akikieingi biebimi no lema'cohio, ko'ko poa ma'mamso 'omo soe'os'o ci koyuhe.

hevulu 13:9

teav'a poa e'ep'epveni tola mav'ov'o ci eʉsvʉsvʉtʉ. nte noe'ocʉ to mengumi to hamo, ho poa yutataso na 'tohʉngʉmu. 'ote noe'ocʉ to 'ofiha no 'oanʉ; i'ola noe'ocʉ tomo maica ci 'ofiha ma'imo elʉ no koa ʉmnʉ.

yakovu 1:6

at'inghi, temula boemi no singkoo ho m'ene, 'otes'a ake'i ma'pepecvai; i'ola ma'pepecvai ci cou, la mais'a 'o smahu to etʉpʉ. noa peaot'ovneni to poepe, ho conino tmau'fu.

yakovu 3:4

ivaha aiti, 'omo coni ci 'apangʉ mo e'vono maica 'o hiasi meoisi, yonto mo taso ci poepe, lac'o boemi tomo okosi ci pulopela ho poʉt'ʉca, tac'u meelʉ fiho to 'tohʉngʉ tola poʉt'ʉcʉ ho emo'usnu tote atuhca usa.

petelo 2 2:18

la mo'engho tomo bitano ho eloʉngʉ ci e'e, la boemi to boevovoyo ci koyu ho topani 'o lan'a aʉlʉ momeesih'i to kokuzo ci h'oyunsova ci cou.

yohane 1 2:19

'emo maica ci cou o'amo tma'usnu a'to, ko'ko mo mongoi a'to; hoci mio tma'usnu a'to, 'ate ahtuo'te no'upu a'to. at'inghi, mo emose'u, cu humzi ho o'a mo a'ʉmtʉ tma'usnu a'to.

yohane 1 2:26

ho os'o tposi 'emo maica ci hi'hioa. os'o pas'usna tola mici meknuyu muu ci cou ho engha.

yohane 1 4:1

songohia ci maananghia, mi'usnu tola invonvo mainca mio yaa seilei, o'atemu acʉha taa'uzva, conino hʉsvtana'a na piepiyahe mio nana i'mi to hamo, maica micu yaa botngonʉ ci meyoyongensa mo nongabo yuyafo.

yuta 1:12

'emo maica ci cou la no'upu ho lamu eabobonʉ la o'te koe'i ho peaknuesu, poa ca'i 'o iachi, mais'a 'o lepocengi moatʉ'nʉ inac'o iachia poa yoseʉ na bʉyohe na lahe cohivi. mais'a 'o cmʉcmʉ ho lasi peaemo'neni to poepe, ho o'te smuv'ohʉ mʉchʉ, maezo mais'a 'o o'ala mimho beahci ci evi homo hobeahcia, te tum'um'i ho poa a'sʉftonʉ oemi'mi.

mokusi 19:20

isi holeo 'o yuansou; i'o mosola yonto tuhcusi ho peispopo'e ci meyoyongensa isi yaeza holeo. ('e meyoyongensa eni mosola boemi to peispopo'ehe ho maspepecvai to isi topci to yuansou ho i'ola m'ohkuyu to uayuansoua ci cou.) 'o yuansou ho i'o meyoyongensa isi tobohteni to'seni tomo yunzou ci etʉpʉ no liukoo.