'epeso 3:17 - buacou seiso no faeva esvʉtʉ

¹⁷ te'o maezo 'inoli to kilisto, ieni ta singkoomu, no'ayumonʉ ta 'tohʉngʉmu, yono himngonghisi ho poa biemisi ho yaa i'tohungvi na muu.

'epeso 3:17 ပူးပေါင်းရင်းမြစ်များ

matai 13:6

at'inghi ne micu hie, cu hikeololva 'o cʉfeʉsi; maica ho o'a mo bimsʉ'eonʉ 'o emisisi, micu oemi'mi.

luka 6:48

te mais'a 'ola mooyai emoo ci cou, peimsʉ'eona 'o ceoa, p'eyac'a to yakivayʉ 'o totngucasi. hocisi toemiza no fozu ci chumu 'e emoo, 'e emoo eni o'ate aot'ou, maica ho isi'so p'eʉlʉlʉa.

yohane 14:17

na ic'o 'aeno piepiya no so'emio. o'a ihe tiova ta yatatiskova; maica ho o'a ihe teolʉi, yaeza o'a ihe honga. at'inghi imu honga; maica homo yonta 'ayumona ta nsoumu, asngʉcva no'upi muu.

yohane 14:23

yut'inga to iesu:

yohane 17:23

mi'o no'ayumonʉ ta nsouhe, na suu miko no'ayumonʉ ta nsou'u, akoeva no poa a'sʉftonʉ tmucni hin'i, ko'ko poa cohivneni ta yatatiskova ho osko popeoskuna a'o, yaeza cohivi ho osko ngohia hin'i, mais'a ho lako ngohia a'o.

yohane 6:56

ina la bonʉ ta feango'u, ho mimo ta hmuyu'u, te asngʉcʉ no'ayumonʉ ta nsou'u, na a'o te maezo asngʉcʉ no'ayumonʉ ta nsousi.

looma 5:5

'e ta'usni eni o'ate ahtu 'afeungu; maica 'o hamo isi ieni to isi pafeni a'to ci seilei, isicu cohmeni ta 'tohʉngʉto na himngonghisi.

kolinto 1 3:6

os'o emʉ'a, isi cohmi to 'apolo, at'inghi inamo poa yusuhci 'ai'oeno hamo.

kolinto 1 8:1

e'usnu to ohcu titha sʉ'tʉ to uacoua ci 'oanʉ, imza ta'unano . a'ʉmtʉsi, 'emo maica ci mau'to'tohʉngʉ lac'o i'hozi no iachi biepe bobitano 'e cou, inac'o himngonghi nate meelʉ koa ohsuhcu ta cou.

kolinto 2 13:5

temu hʉsvʉta 'e iachi. huovei 'e iachi, aiti mimunana mino h'oyunsova no singkoo. mac'ocimu asansana o'te pasvo'ha na hʉsvʉta, ntemu cohivi 'o iesu kilisto mo yonta nsoumu.

kolinto 2 6:16

'o seiten to hamo ho uacoua teeno meelʉ biepohʉ yac'ʉ? zou seiten to no'auesiesi ci hamo a'to. aʉlʉ mais'a 'o e'e to hamo: te'o no'upu ta 'o'oko'u, yuavovei ta 'ayumonahe. tehe hamo ta 'o'oko'u; te'o ta'okoa na hin'i.

ngalatea 2:20

maicac'o, 'e mo yaansou maitan'e o'a nas'a a'o, mo yonta 'ayumona ta nsou'u 'o kilisto ho yaansoua. ho mi'o yaansou maitan'e, mo i'mi no tmaa'uzo to oko to hamo ho yaansoua; isi ngohia a'o, nomio a'o ho ciha 'o nsousi.

ngalatea 5:6

maica, hocitocu no'ayumonʉ no nsou to kilisto iesu, hoci tiou ho o'te tiou no s'e'honga uk'a citesi nama natʉ'ca, inac'o isi boemi no himngonghi ho peispa'teni na singkoo 'aeno eni nate sotva'esi.

kolosai 1:23

temu asansana ayʉca na singkoo, bʉʉlʉlʉ ta mo mahtʉicʉ ci i'tohungva; teav'a teongasi na ohmu ta'usni ne mohmun'a ahoi tiou ta fukuin. maitan'e, 'e fukuin eni micu psoengabo ta mauhpʉhpʉngʉ; na a'o - poolo. 'aeno soskuskunu ta fukuin tan'e.

kolosai 1:27

'e isi ta'kokoeva to hamo tesi poa cohivneni ta 'o'okosi, 'emo at'otngaso ho psoevohngʉ ci moumsʉ'eonʉ 'ateeno epa'teni ta yatatiskova. 'e moumsʉ'eonʉ eni 'aeno: mo yonta nsoumu 'o kilisto. tee yainca, mimu tma'upu no psoevohngʉ to hamo.

kolosai 2:7

yonto 'ayumonasi ho biemisi, yusuhci. p'eyac'a na singkoo, 'amoeno maica na lamu tiova ci mo'ma'cohio; temu yaeza poa ngangcʉngcʉ na 'aveoveoyʉ ci 'tohʉngʉ.

yohane 1 4:16

ko'koeno, ito cohivi, a'vinano taa'uzva 'o hamo isi ngohia a'to. zou himngonghi 'o hamo. na micu yaa himngonghi na nsousi ci cou 'amicueno yayo ta nsousi 'o hamo. 'o hamo mo no'ayumonʉ to nsousi.

yohane 1 4:4

at'inghi, mao'o'oko, mimu tma'usnu to hamo, a'vinano mimucu atpʉtʉ to meyoyongensa, maica i'omo no'ayumonʉ muu ci piepiya mo tasohe tamo no'ayumonʉ ta yata hpʉhpʉngʉ ci piepiya.

mokusi 3:20

talʉi, mi'o yac'ʉ ta yafana ta phingi ho tmo'totokʉ; hoci panomo tmalʉ ta fihngau'u ci cou ho maavo ta phingi, te'o toehungneni bonʉ. tesi yaeza toehungneni bonʉ a'o.