'epeso 2:20 - buacou seiso no faeva esvʉtʉ

²⁰ totiski to couyutaya, isi yaeza p'eyac'a to isi io'tohungvi to sitoo ho eyongensa, 'o kilisto iesu 'aeno totnguca ta emoo tan'e.

'epeso 2:20 ပူးပေါင်းရင်းမြစ်များ

matai 16:18

te'o eʉsvʉta suu, zou petelo suu. zou yakivayʉ, ta yakivayʉ tan'e; te'o p'eyac'a 'o kiokai'u, ac'ʉhʉ no tonʉ no mcoi maezo o'a te atpʉtʉ.

matai 21:42

isi mi'usni to iesu ho yainca: <'o e'e to seiso o'a ohmulaeno ahta engha? 'o nia caciha ci fatu tola lemooyai emoo. isicu teyai atuhcu totnguca. zou peipeis'ausna to nooe'oca na eni, a'ʉmtas'a taunona'vʉ!>

kolinto 1 12:28

ta 'ayumona ta kiokai, isi acʉha poa elʉ note hioa 'emo macicihi; i'o isi sotoyangza: 'emo coni zou sitoo, 'emo yuso zou eyongensa, 'emo tuyu zou lema'cohio; acnguhusi zou la meelʉ peispopo'e, acnguhusi, la yaa tonʉ no aotothomʉ. i'olac'u meemealʉ to'usnu to mocmo ci cou; 'ola meemealʉ tmasusuce to hi'hioa, i'ola meelʉ epiepiya.

ngalatea 2:9

'o yakovu, petelo, yohane 'emo tuyu cimo yaa ongko ci sʉesʉ ta kiokai, ho iheeno cohivi ho isi faeni a'o to hamo 'emo afnaso ci hi'hioa, cu yu'ti'eopʉneni a'o ho i'e panapa; ho micueno toehungu yaahioa, imzacu esvʉta: na a'o ho i'e panapa temza iepoepohʉ uhta couyafana ho yaahioa. tehin'i yaahioa to 'ayumona to couyutaya.

'epeso 3:5

ne auyusi, 'o hamo o'a mocu ohsila ahta mi'usneni no mocmo ci cou ho pa'teni 'e moumsʉ'eonʉ eni, maitan'e isicu ieni to seilei ho mi'usnu ta sitoo ho ito eyongensa hocu paavi.

kolosai 2:7

yonto 'ayumonasi ho biemisi, yusuhci. p'eyac'a na singkoo, 'amoeno maica na lamu tiova ci mo'ma'cohio; temu yaeza poa ngangcʉngcʉ na 'aveoveoyʉ ci 'tohʉngʉ.

petelo 1 2:6

maica isi yainca to seiso: mi'o epei tamo sopepea ci fatu totnguca ta cuculili ta tonghifa ta sii'an; namo afu'u tmaa'uzo ho noe'ocʉ ci cou, o'ate ahtu ma'papayo'ʉ.

mokusi 21:14

'o tonghifa ta hosa isi p'eyac'a tomo maskʉ ueso ci totnguca, 'o totnguca isi tposi to ongko to maskʉ ueso ci sitoo to okomoatʉ'nʉ.