'epeso 1:19 - buacou seiso no faeva esvʉtʉ

^19-20 mio mainenu na hia taso no tonʉsi homo no'ayumonʉ ta mito tmaa'uzo ci cou. 'e meoino tonʉ eni mo aʉlʉ totiski na tonʉ ho ohsi poa i'mi no mcoi ho smoevovei 'o kilisto poa yone pepe ho yusuhngu to vhonasi.

'epeso 1:19 ပူးပေါင်းရင်းမြစ်များ

yohane 3:6

'e feango ta cou isi peyafa to maameoi, na piepiyasi isi peyafa to seilei.

sitoo 26:18

teko paavi 'o mcoohe, poa i'mi no voecʉvcʉ ho miezuhu no tiskova, momeesih'i no tonʉ to satan ho miezuhu to hamo, ko'ko meelʉ i'mi homo tmaa'uzo a'o ho noa peteongasa na kuisihe, a'vinano yaa ca'hʉa to 'ayumona to 'o'oko to hamo.>> >

looma 1:16

o'ate'o h'oinveni 'e fukuin; 'e fukuin zou meoino tonʉ to hamo. tesi to'usni namo afu'u tmaa'uzo ci cou. aueva 'e couyutaya. atavei 'o couyafana.

kolinto 2 4:7

at'inghi, 'emo yaa h'onunua no tma'usnu no piepiya ci a'to. mamoc'o mais'a ko'cacuma ci kavo'oe, te akoeva no 'akasi na uk'a noca'cʉ'hi ci tonʉ mo tma'usnu to hamo, o'amo tma'usnu a'mi;

kolinto 2 5:17

'upena na siya, hocic'u afu'u yayo na nsou to kilisto; zoucu faeva ci cou. micu sucaefi 'omo noana'o. micu esmi 'emo faeva.

'epeso 2:10

zou hamo na moso mooyai a'to; isi ieni to kilisto iesu ho teoezuhi a'to, poa peislʉlʉ a'to; na eni ohsicu noana'va ta'eoyoca ho poa hioaneni a'to.

'epeso 3:20

'o hamo tesi peelʉi yomza nola yonta taicoto ci tonʉsi ho aepʉnga 'e acʉcʉhʉ, na'nohe nosa'o no lato p'enza ho ta'to'tohʉngva.

'epeso 3:7

i'mi no afnaso ci mengumi to hamo, mi'o meelʉ noa soskuskunu ta fukuin tan'e; na eni mo fiho no meoino tonʉsi ho faeni a'o.

'epeso 6:10

atavei, temula noe'ocʉ to meoino tonʉ to nooe'oca ho yutataso ci cou.

pilipi 2:13

maica la asngʉcʉ yonta 'tohʉngʉmu 'o hamo ho yaahioa, poa smoekaebʉ muu ho a'ʉmta peiseafi na yonghu ci 'tohʉngʉsi.

pilipi 3:21

te boemi to tonʉ nosi poa meo'uzo 'e acʉcʉhʉ, ho poa aezuhu 'emo yoz'u ho ahtuo'te mcoi ci feangoto, poa totiski to kilisto na a'to, yaa psoevohngʉ ci feango.

kolosai 1:29

nomio ta isi mituhci tan'e, os'o titha 'e isi pafeni a'o to kilisto ci meoino no tonʉ, o'te bʉʉpsʉpsʉ no ngoseo, 'aanana'o yaahioai.

kolosai 2:12

maica, ne mohmu tiou to toonono, ohcu su'upa efo'a to kilisto na muu; ne mohmucu tiou to toonono, yaeza ieni no tmaa'uzo tomo poa smoevovei to kilisto ci hi'hioa to hamo ho maezo to kilisto ho smoevovei.

tesalonike 1 1:5

ho imza psoecʉ'ha muu 'e fukuin eni, o'atec'o anou boemi no e'e, la maezo noe'ocʉ to tonʉ to seilei, a'vinano i'tohungu no a'sʉftonʉ tmaa'uzo to fukuin. mimu acʉhʉ bochio, mo mainenu na h'oyunsovamia ne momza la no'upu muu; acʉcʉhʉ coninoc'o inate koa ʉmnʉ muu na imza hioa.

tesalonike 2 1:11

nomio ta isi mituhci tan'e, lamza conino 'inolineni muu, eyoho'ʉ to hamo ho o'te poa yuszozʉ no koa ohsi eyoho'a na muu. tesi'sola boemi no taso ci tonʉsi ho to'usni muu, acʉha'so peiseafi namo mi'usnu no ʉmnʉ ci 'tohʉngʉsi, peihcʉ'hi na ohmu boemi no singkoo ho hioa ci hi'hioa.

yakovu 1:18

la maino iachisi 'tohʉngʉ, ieni no so'emio ci e'e ho teyai a'to, poa notmoyaevonʉ ta ohsila afu'a teyai ci acʉcʉhʉ na a'to.

petelo 1 4:11

siya nala eʉsvʉsvʉtʉ, te eʉsvʉsvʉta 'o e'e to hamo; siya nala fifiho, te i'tohungu no isi faeni to hamo ci tonʉ ho fifiho, te ko'ko meelʉ i'mi to iesu kilisto ho psoevohngʉ to hamo 'e acʉcʉhʉ ci hi'hioa. na psoevohngʉ ho tonʉ acʉhʉ'so no'usnu to hamo, ac'ʉhʉ no 'auesiesi! 'aamen.