Zozye 7:25 - Labib An Kreol Seselwa

²⁵ Zozye ti dir, “Akoz ou'n anmenn maler lo nou? La ozordi, SENYER in anmenn maler lo ou!” Izrael antye ti saboul li. Lepep ti bril zot e saboul zot avek ros.

Zozye 7:25 ပူးပေါင်းရင်းမြစ်များ

Zenez 34:30

Zakob ti dir Simeon ek Levi, “Zot in anmenn problenm lo mwan par sa aksyon avek bann Kananeen, ek bann Perizit. Napa bokou nou, e si zot rasanble kont mwan e atak mwan, mon pou ganny detri avek tou mon fanmir.”

Zenez 38:24

Anviron trwa mwan plitar, Zida ti ganny dir, “Tamar ou belfiy, in vin en prostitye e i ansent.” Zida ti dir, “Anmenn li isi e i ava ganny brile.”

1 Kronik 2:7

Bann garson Karmi: Akar, sa enn ki ti anmenn maler lo Izrael; i ti komet en fot ler i ti gard pour li menm bann keksoz ki ti'n rezerve pour Bondye.

Proverb 1:19

Konmsa ki lavi tou dimoun ki pran sa ki pa pour li i fini; i pran lavi son met.

Proverb 15:27

Sa enn ki tay deryer larzan, i anmenn maler dan son fanmir. Me sa enn ki deteste pran gous ava viv lontan.

Levitik 20:14

I imoral pour en zonm, marye avek en fanm e osi avek son manman. Sa zonm ek sa de fanm ava ganny brile anmor. Konmsa, sa aksyon ki fer onte, ava disparet parmi zot.

Levitik 20:2

Dir bann Izraelit: Sa enn parmi pep Izrael oubyen parmi bann etranze ki reste Izrael ki ofer bondye Molek enn zot bann zanfan an sakrifis, ava ganny touye. Lepep ava saboul zot avek ros.

Levitik 21:9

Ler fiy en pret i dezonor li dan prostitisyon, i pe dezonor son papa. I ava ganny brile vivan.

Levitik 24:14

Fer sa enn ki'n blasfenmen sorti an deor kan. Sa bann ki'n antann li ensilte mon non, ava poz zot lanmen lo son latet. Apre, kominote ava saboul li avek ros.

Galat 5:12

Mon demande ki sa bann dimoun ki pe trouble zot, zot sizle zot prop lekor!

Deterononm 13:10

Saboul li ziska ki i mor, akoz in esey antrenn ou lwen avek SENYER, ou Bondye ki ti tir ou dan pei Lezip e dan lesklavaz.

Deterononm 13:11

Alor, pep Izrael ava tande e zot ava per. Zanmen zot ava komet en aksyon osi degoutan parmi zot.

Deterononm 17:5

ou ava konvok sa zonm oubyen sa fanm ki'n komet sa krim devan laport lavil. La, sa zonm oubyen sa fanm ava ganny saboule avek ros ziska i mor.

Deterononm 21:21

Alor, tou bann zonm sa lavil ava saboul li avek ros ziska i mor. Konmsa, ou ava fer disparet lemal parmi zot. Izrael antye ava antann sa ki'n arive e zot ava per.

2 Tesalonisyen 1:6

Annefe, Bondye i zis. I pou fer soufer bann ki'n fer zot soufer.

Ebre 12:15

Fer atansyon ki personn pa mepriz lagras Bondye. Pa les okenn rasin anmer pouse e koz problenm ki afekte kominote.

Zozye 6:18

Selman, fer atansyon zot pa pran nanryen ki devre ganny detri pour SENYER. Si zot fer sa, maler ek destriksyon pou tonm lo kan Izrael.

Zozye 7:15

Sa enn ki ganny trouve an posesyon bann lobze vole, pou ganny brile, li, avek tou sa ki i posede. I pa'n montre respe pour lalyans SENYER, e i'n komet en fot terib dan Izrael.”

1 Samyel 14:29

Zonatan ti dir, “Mon papa in anmenn maler dan pei. Gete ki mannyer mon lizye i kler akoz mon'n gout en pti gin sa dimyel.