Zozye 6:26 - Labib An Kreol Seselwa

²⁶ Zozye, ti fer pronons sa serman: Sa enn ki esey rekonstri lavil Zeriko, pou ganny malediksyon SENYER. I pou met fondasyon kont lavi son premye garson; i pou konstri bann laport kont lavi son dernyen garson.

Zozye 6:26 ပူးပေါင်းရင်းမြစ်များ

1 Rwa 16:34

Dan son lepok, Hiel, en zabitan Betel, ti konstri Zeriko. I ti poz fondasyon sa lavil, ki ti kout lavi son lene garson, Abiranm, e i ti enstal bann laport lavil ki ti kout li lavi Segoub, son dezyenm garson, dapre parol ki SENYER ti'n dir par lentermedyer Zozye, garson Noun.

1 Rwa 22:16

Me lerwa ti dir li, “Konbyen fwa mon pou bezwen fer ou fer serman pour dir mwan zis laverite devan SENYER?”

2 Rwa 2:4

Eli ti dir li, “Elize! Mon demann ou reste isi, akoz SENYER in anvoy mwan Zeriko.” Me Elize ti dir, “Par lavi SENYER, e par ou lavi, mon pa pou kit ou.” Alor, zot ti ariv Zeriko.

Malasi 1:4

Si Edonm i dir: Nou landrwa in ganny detri, me nou pou rekonstri li, la sa ki SENYER liniver i deklare: Zot kapab rekonstri li, me mon pou kraz li ankor. Dimoun pou apel li pei modi e en pep ki toultan fer SENYER ankoler.

Matye 26:63

Me Zezi ti gard silans. Alor, Gran-Pret ti dir li, “Lo non Bondye vivan, mon demann ou, dir nou si ou menm Mesi, Garson Bondye.”

Akt de Zapot 19:13

Ti annan detrwa Zwif ki ti pe pas partou pour sas bann move lespri an servan non Senyer Zezi. Zot ti dir avek bann move lespri, “Mon donn ou lord lo non sa Zezi ki Pol i prese: Sorti!”

Zozye 16:7

Sorti Yanoa, i ti desann Atarot ek Naara, pas Zeriko e ariv ziska larivyer Zourden.