Zozye 4:6 - Labib An Kreol Seselwa

⁶ Sa bann ros ava vin en siny parmi zot. Dan lavenir, kan zot bann zanfan ava demann zot: Ki savedir sa bann ros pour zot?

Zozye 4:6 ပူးပေါင်းရင်းမြစ်များ

Psonm 44:1

Mon Bondye! Nou'n antann avek nou prop zorey. Nou zanset in rakont nou tou bann gran keksoz ki ou ti fer a lepok:

Psonm 71:18

Mon Bondye! Aprezan ki mon'n vye avek seve blan, pa abandonn mwan. Les mwan proklanm ou lafors avek sa zenerasyon e ou pwisans avek zenerasyon fitir.

Egzod 12:14

Sa zour ava pour zot en memoryal. Zot ava selebre sa zour koman en lafet pour SENYER. Zot ava obzerv li koman en zour lafet pour touzour, pour tou zot bann zenerasyon.

Egzod 13:14

Alavenir, kan ou garson ava demann ou: Ki savedir sa? Ou ava reponn li: Par son pwisans, SENYER ti delivre nou dan lesklavaz Lezip.

Egzod 13:9

I ava vin en siny lo ou lanmen e en mark lo ou fron, pour ki lalwa SENYER i dan ou labous. Annefe, par son pwisans, SENYER ti fer ou sorti Lezip.

Egzod 31:13

Ou menm, koz avek pep Izrael: Sirtou zot devre obzerv mon bann saba, akoz sa i en siny ant mwan ek zot, zenerasyon apre zenerasyon, pour zot konnen ki mwan, SENYER, ki konsakre zot.

Ezai 38:19

Zis dimoun vivan, sa ki vreman vivan, ki kapab loue ou parey mon pe fer. Se bann paran ki fer zot zanfan konn ou fidelite.

Ezai 55:13

Pye sipre pou pous dan plas brousay; dan plas bann plant pikan, bann plant odoran pou pouse. Sa ava en loner pour SENYER, en siny pour touzour. I pa pou zanmen ganny detri.

Ezekyel 20:12

Mon ti osi donn zot mon bann saba koman en siny ant mwan ek zot, pour ki zot konnen ki mwan SENYER ki rann zot sen.

Ezekyel 20:20

Gard mon bann saba koman sakre, pour ki i ava vin en siny ant mwan ek zot, par lekel zot ava rapel ki mwan SENYER, zot Bondye.

Nonm 16:38

Lansanswar sa bann dimoun ki'n pey zot pese avek zot lavi, in vin sen. Fer en plak pour kouver lotel avek; zot in ganny konsakre ler zot ti ganny ofer devan SENYER. Sa i ava servi koman en lavertisman pour pep Izrael antye.

Akt de Zapot 2:39

Annefe, promes Bondye in ganny fer pour zot tou, pour zot bann zanfan, e tou bann ki lwen, ki Senyer nou Bondye ava apele.”

Deterononm 11:19

Ou ava ansenny zot ou bann zanfan; ou ava koz lo zot ler ou dan lakour, ler ou pe marse lo semen, ler ou pe al dormi e ler ou leve.

Zozye 22:27

me pour servi temwen ant nou ek zot, e ant nou bann desandan. Par sa, zot ava konnen ki nou osi, nou pe servi SENYER, par nou bann sakrifis konplet, lezot sakrifis, bann sakrifis lape. Konmsa, demen, zot bann zanfan pa pou dir avek nou bann zanfan ki zot napa okenn par avek SENYER.

Zozye 4:21

I ti dir avek bann Izraelit, “Plitar, kan bann zanfan ava demann zot paran: Ki savedir sa bann ros?

Zozye 4:5

Zozye ti dir zot: Pas devan Kof Lalyans SENYER, zot Bondye dan milye larivyer Zourden, e pran sakenn en ros lo zot zepol, enn pour sak tribi Izrael.