Zozye 3:4 - Labib An Kreol Seselwa

⁴ Zanmen zot in pas isi avan; konmsa zot ava konn semen. Selman, pa aprose; zot ava gard en distans anviron en kilomet deryer.

Zozye 3:4 ပူးပေါင်းရင်းမြစ်များ

Zenez 31:2

Zakob ti remarke ki latitid Laban anver li, ti nepli parey avan.

1 Kronik 11:2

Dan lepase, menm kan Sail ki ti lerwa, ou ki ti nou sef e ki ti diriz Izrael dan lager e retourn avek zot. SENYER ou Bondye ti dir ou: Se ou ki berze mon pep, Izrael; e ou ava vin sef mon pep, Izrael.

Psonm 25:12

SENYER pour montre sa enn ki annan respe pour li, ki semen pou pran.

Psonm 89:7

Bondye i ganny respekte dan konsey bann lanz; i gran e formidab dan son lantouraz.

Egzod 19:12

Ou ava demark bann limit otour montanny e ou ava dir zot fer atansyon ki zot pa tous montanny. Sa enn ki tous montanny pour ganny touye.

Egzod 3:5

Bondye ti dir li, “Pa vin pli pre. Tir ou sandal dan ou lipye, akoz landrwa kot ou pe debout i en later sen.”

Egzod 4:10

Moiz ti dir, “SENYER! Mon pa en dimoun ki annan parol fasil. Sa i pa dat depi yer, ni depi ki ou pe koz avek mwan, ou serviter: Mon lalang ek mon labous i lour.”

Ezai 30:33

Sa dife in ganny prepare depi lontan; in ganny prepare pour lerwa. Dan en trou larz e profon, zot in met bokou dibwa an ron. Lalenn SENYER pou alim sa dife, konmsi souf ki pe brile.

Ezai 48:17

La sa ki SENYER ou Sover, Bondye Sen Izrael i deklare: Mwan SENYER, ou Bondye. Mon ansenny ou pour ou prop dibyen; mon kondwir ou lo semen ki ou devre swiv.

Zozye 3:3

e donn lepep sa lord: Kan zot ava war bann pret-levit pe anmenn Kof Lalyans SENYER, zot Bondye, zot ava kit sa landrwa e swiv zot.

Zozye 3:5

Alor, Zozye ti dir lepep, “Pirifye zot, akoz demen, SENYER pou fer bann mervey parmi zot.”