Zozye 23:7 - Labib An Kreol Seselwa

⁷ Pa bezwen al melanz zot avek sa bann nasyon ki ankor reste obor zot. Zot pa pou servi non zot bann bondye e zot pa pou fer serman lo zot non; zot pa pou servi sa bann bondye, e zot pa pou prosternen devan zot.

Zozye 23:7 ပူးပေါင်းရင်းမြစ်များ

2 Rwa 17:12

Zot ti'n ador bann zidol ki SENYER ti'n dir: Fodre pa zot fer sa.

2 Rwa 5:18

Sepandan, mon demann SENYER pardon pour en keksoz: Ler mon met ava apiy lo mon lebra pour li al prosternen dan tanp Rimonn, e ler mwan osi, mon pou bezwen prosternen, SENYER ava pardonn mwan pour sa.”

2 Kronik 7:19

Me si ou tourn ou ledo avek mwan, e si ou abandonn mon bann regleman ek mon bann komannman ki mon'n plas devan zot, pour zot al servi lezot bondye e ador zot,

Psonm 16:4

Dimoun ki swazir en lot bondye pou konn en kantite soufrans. Mon pa pou pran par dan zot bann sakrifis disan. Zot non pa pou sorti dan mon labous.

Egzod 20:5

Ou pa pou azenou devan zot e ou pa pou ador zot. Annefe, mwan SENYER ou Bondye, mon en Bondye zalou. Mon pini bann zanfan pour pese zot papa ziska trwazyenm ek katriyenm zenerasyon bann ki ay mwan.

Egzod 23:13

Ekout byen tou sa ki mon'n dir zot. Pa zanmen envok non okenn lezot bondye; pa ni menm mansyonn zot non.

Egzod 23:33

Zot pa pou reste dan ou pei, pangar zot ava fer ou fer pese kont mwan. Annefe, ou riske ador zot bann bondye, e sa pou en latrap pour ou.

Proverb 4:14

Pa antre dan semen bann ki pratik lemal, pa pran semen bann malfeter.

Zeremi 12:16

Si zot senserman aksepte pour viv parey mon pep, si zot pret serman lo non SENYER ki vivan parey zot ti ansenny mon pep fer an loner Baal, alor zot osi, zot ava fer parti mon pep.

Zeremi 5:7

Akfer mon bezwen pardonn pese mon pep? Zot in abandonn mwan, zot in al ador bann fo bondye. Mon'n nouri mon pep ziska zot rasazye. Me zot in komet adilter; zot al pas zot letan kot bann prostitye.

Oze 2:17

Mon pou fer disparet non Baal dan son labous. Zot pa pou mansyonn sa non ankor.

Sofoni 1:5

Mon pou fer disparet bann ki mont lo twa zot lakaz pour ador bann zetwal; bann ki prostern devan mwan, me ki anmenmtan pe pret serman lo non Molek.

Nonm 32:38

Nebo e Baal-Meonn e Sibma. Zot ti donn nouvo non bann lavil ki zot ti konstri.

Nonm 33:55

Me si zot pa sas bann zabitan sa pei, alor, sa bann ki reste deryer pou vin en zegwir dan zot lizye e en pikan dan zot ledo. Zot pou trakas ou dan sa pei kot ou pe al reste.

1 Korentyen 15:33

Pa les zot ganny tronpe: Move frekantasyon, i gat repitasyon.

Efezyen 5:11

Pa asosye zot avek bann aksyon initil, ki ganny fer zis dan fernwanr. Plito, ekspoz zot dan lalimyer.

Deterononm 10:20

Zot ava annan respe pour SENYER, zot Bondye; zot ava ador zis li. Reste atase avek li, e zot ava fer serman lo son non.

Deterononm 6:13

Ou ava annan respe pour SENYER, ou Bondye e ou ava servi li; ou ava pret serman zis lo son non.

Deterononm 6:14

Zot pa pou swiv lezot bondye ki parmi sa bann pep ki viv otour zot,

Zozye 23:12

Akoz si zot vir zot ledo kont li, si zot atas zot avek sa bann nasyon ki reste avek zot, si zot al fer lalyans maryaz avek zot, e si zot melanz avek zot,

Zozye 23:8

Zot ava atas zot selman avek SENYER, zot Bondye parey zot in fer ziska ozordi.