Zozye 23:3 - Labib An Kreol Seselwa

³ Zot menm, zot in war tou sa ki SENYER, zot Bondye in fer avek tou sa bann nasyon akoz zot. SENYER, zot Bondye ki'n konbat pour zot.

Zozye 23:3 ပူးပေါင်းရင်းမြစ်များ

Egzod 14:14

SENYER pou lager pour zot. Zot, zis reste trankil.”

Egzod 19:4

Zot in war sa ki mon ti fer avek Lezip: Mon ti anmenn zot, parey en leg i anmenn son piti lo son lezel, e mon'n fer zot retourn kot mwan.

Ezekyel 20:28

Mon'n anmenn zot dan sa pei ki mon ti promet par en serman pour donn zot. Me zot in les zot ganny atire par sak kolin ek sak touf feyaz. La, zot in ofer zot bann sakrifis, prezant bann don ki ti fer mwan ankoler par bann lofrann avek loder ki ti fer plezir ek lofrann labwason. Zot in fer tousala zis pour fer monte mon lakoler.

Malasi 1:5

Zot pou war tousala arive avek zot prop lizye e zot pou dir: SENYER i gran, menm an deor pei Izrael.

Deterononm 1:30

SENYER, zot Bondye ki pe mars devan zot. Li menm ki pou konbat dan zot plas, parey i ti fer devan zot, Lezip.

Deterononm 20:4

akoz SENYER, zot Bondye i avek zot pour konbat bann lennmi e donn zot laviktwar.

Deterononm 4:9

Selman, fer atansyon! Vey byen lo ou menm tou le zour ou lavi, pour ki ou pa oubliy sa ki ou lizye in war; gard zot dan ou leker. Ansenny tousala ou bann zanfan ek ou bann pti zanfan.

Deterononm 7:17

Si ou dir dan ou menm: Sa bann nasyon i pli nonbre ki nou; ki mannyer mon pou kapab sas zot?

Deterononm 7:24

I pou livre zot bann lerwa; ou ava efas zot non lo later. Personn pa pou reziste devan ou, ziska ki ou'n detri zot tou.

Zozye 10:14

Zanmen avan, ni apre, in deza annan en zour parey sa, kot SENYER in ekout en zonm. Annefe, SENYER ti pe lager pour Izrael.

Zozye 10:42

Zozye ti kaptir tou sa bann lerwa e pran posesyon tou zot teritwar en sel kou, akoz SENYER Bondye Izrael ti pe lager pour Izrael.

Zozye 23:10

En sel parmi zot ti fer taye mil, akoz se SENYER, zot Bondye ki ti pe konbat pour zot, parey i ti'n dir zot.