Zozye 23:10 - Labib An Kreol Seselwa

¹⁰ En sel parmi zot ti fer taye mil, akoz se SENYER, zot Bondye ki ti pe konbat pour zot, parey i ti'n dir zot.

Zozye 23:10 ပူးပေါင်းရင်းမြစ်များ

2 Samyel 23:8

La non bann vayan zonm David: Yoseb-ba-Sebet, en Takemonit ki ti fer parti elit lagard. Li menm Adino, en Esnit, ki ti atak 800 zonm e transpers zot en sel kou.

1 Kronik 5:20

Zot ti ganny led kont bann Hagarit e tou bann ki ti avek zot, ti ganny livre dan zot lanmen. Pandan konba, zot ti priy Bondye ki ti ekout zot, akoz zot ti annan konfyans dan li.

1 Kronik 5:22

Bokou ti tonbe akoz Bondye ki ti fer sa lager. Zot ti reste la dan zot plas ziska zot ti al annegzil.

Psonm 35:1

SENYER! Akiz sa bann ki akiz mwan. Atak sa bann ki atak mwan.

Psonm 46:7

SENYER liniver i avek nou; Bondye Zakob i nou labri.

Egzod 14:14

SENYER pou lager pour zot. Zot, zis reste trankil.”

Ezai 30:17

Anba menas en sel zonm, 1,000 pou sove. Anba senk zonm, zot tou zot pou sove ziska ler zot ava parey en ma lo montanny, parey en bannyer lo latet montanny.

Levitik 26:7

Zot ava pourswiv zot bann lennmi ki ava tonm anba zot lepe.

Levitik 26:8

Senk parmi zot ava pourswiv 100 lennmi, e 100 parmi zot ava pourswiv 10,000 lennmi. Zot lennmi ava tonbe devan zot, anba zot lepe.

Zakari 12:8

Sa zour, SENYER pou protez bann zabitan Zerizalenm. Konmsa, sa enn ki pli feb parmi zot, ava parey David e desandan David pou vin parey Bondye pour zot, parey lanz SENYER ki mars devan zot.

Romen 8:31

Ki nou kapab dir ankor? Si Bondye i pour nou, lekel ki pou kapab kont nou?

Deterononm 20:3

I ava dir zot: Izrael! Ekoute. Ozordi, zot pe al konbat zot bann lennmi. Pa perdi kouraz, pa per, ni tranble, ni angwase devan zot,

Deterononm 20:4

akoz SENYER, zot Bondye i avek zot pour konbat bann lennmi e donn zot laviktwar.

Deterononm 28:7

SENYER ava donn ou laviktwar ler ou bann lennmi ava atak ou. Zot ava atak ou par en semen, me zot ava sove dan tou direksyon.

Deterononm 3:22

Pa bezwen per zot, akoz SENYER, zot Bondye pou konbat pour zot.

Deterononm 32:20

I ti dir: Mon pou deles zot. Mon pou gete sa ki zot pou devenir, akoz zot en zenerasyon dezenere, en bann zanfan san fidelite.

Deterononm 32:30

Ki mannyer en zonm tousel i kapab atak mil, de zonm pa kapab fer taye dis mil, si zot Ros protekter pa ti'n vann zot e SENYER pa ti'n livre zot dan pouvwar lennmi?

Zozye 10:42

Zozye ti kaptir tou sa bann lerwa e pran posesyon tou zot teritwar en sel kou, akoz SENYER Bondye Izrael ti pe lager pour Izrael.

Zozye 23:11

Fer atansyon! Kontan SENYER, zot Bondye!

Zozye 23:3

Zot menm, zot in war tou sa ki SENYER, zot Bondye in fer avek tou sa bann nasyon akoz zot. SENYER, zot Bondye ki'n konbat pour zot.

Ziz 15:15

I ti war lanmaswar en bourik ankor fre; i ti avans son lanmen e pran sa lanmaswar. I ti touy 1,000 zonm avek.

Ziz 3:31

Apre Ehoud, ti vin Sanmgar, garson Anat. I ti bat 600 zonm Filisten avek son sagay. Li osi, i ti delivre Izrael.

1 Samyel 14:6

Zonatan ti dir son porter zarm, “Vini! Annou al lot kote dan kan bann Filisten, sa bann zonm ki pa'n sirkonsi. Petet SENYER ava ed nou. Annefe, menm si i annan en kantite nou, sa pa pou anpes SENYER donn son laviktwar.”