Zozye 22:27 - Labib An Kreol Seselwa

²⁷ me pour servi temwen ant nou ek zot, e ant nou bann desandan. Par sa, zot ava konnen ki nou osi, nou pe servi SENYER, par nou bann sakrifis konplet, lezot sakrifis, bann sakrifis lape. Konmsa, demen, zot bann zanfan pa pou dir avek nou bann zanfan ki zot napa okenn par avek SENYER.

Zozye 22:27 ပူးပေါင်းရင်းမြစ်များ

Zenez 31:48

Laban ti dir, “Sa ta ros i en temwen ant ou ek mwan ozordi.” Pour sa rezon i ti ganny apele Galeed.

Zenez 31:52

Sa ta ros i en temwen e sa pilye sakre i en temwen ki mon pa pou depas li pour vin kot ou, e ni ou, ou pa pou depas sa pilye pour vin fer mwan ditor.

Psonm 16:5

SENYER! Ou menm mon soutyen pour tou sa ki mon bezwen. Mon lavi i dan ou lanmen.

Ezai 19:19

Sa zour, pou annan en lotel pour SENYER dan milye pei Lezip e en kolonn pour SENYER lo son frontyer.

Deterononm 12:11

Alor, zot ava anmenn kot SENYER, zot Bondye dan sa landrwa ki i ava'n swazir pour manifeste prezans son non, tou sa ki mon'n dir zot: Zot bann sakrifis konplet, zot bann sakrifis lape, zot bann ladim, zot bann donasyon, tou bann lofrann volonter ki zot ava ofer anver SENYER.

Zozye 22:10

Kan zot ti ariv dan rezyon pre avek larivyer Zourden, ki dan pei Kanaan, bann Ribenit, bann Gadit ek demi tribi Manase ti konstri en gran lotel obor larivyer.

Zozye 22:26

Alor, nou ti dir antre nou: Annou konmans konstri en lotel, pa pour ofer sakrifis konplet ek lezot sakrifis,

Zozye 22:28

Alor, nou ti dir antre nou: Si zot dir sa avek nou, oubyen avek nou bann desandan, nou ava reponn: Get sa model lotel SENYER ki nou zanset ti konstri, pa pou ofer bann sakrifis konplet, ni pour lezot sakrifis, me pour ki i en temwen ant nou ek zot.

Zozye 22:34

Bann Ribenit ek bann Gadit ti donn en non sa lotel: Temwen, akoz zot ti dir, “I en temwen ant nou, SENYER i nou Bondye!”

Zozye 24:27

Zozye ti dir lepep antye, “Sa ros ava en temwen kont nou, akoz in antann tou bann parol ki SENYER ti partaz avek nou; i pou vin en temwen kont zot, dan ka ki zot trai zot Bondye.”

1 Samyel 7:12

Alor, Samyel ti pran en ros ki i ti plas ant Mispa ek Senn. I ti apel sa landrwa Eben-Ezer an dizan, “Ziska la, SENYER in sekour nou.”