Zozye 22:18 - Labib An Kreol Seselwa

¹⁸ La ozordi, zot in revolte kont SENYER! Si ozordi zot revolte kont SENYER, demen, son lakoler pou tonm lo lakominote Izrael antye.

Zozye 22:18 ပူးပေါင်းရင်းမြစ်များ

2 Samyel 24:1

SENYER ti pran lakoler kont Izrael. I ti pous David pour fer zot ditor. I ti dir li: Al fer resansman Izrael ek Zida.

1 Rwa 9:6

Me si ou detourn ou e ou pa swiv mwan; si, ni ou, ni ou bann zanfan pa gard mon komannman ek mon bann lalwa ki mon plas devan ou, me ou al swiv lezot bondye e ador zot,

2 Rwa 17:21

Kan i ti'n separ Izrael avek rwayonm David, pep Izrael ti fer Zeroboanm, garson Nebat, vin zot lerwa. Zeroboanm ti detourn avek SENYER e fer Izrael komet en gran pese.

1 Kronik 21:1

Satan ti deside pour atak Izrael; i ti pous David pour fer resansman pep Izrael.

1 Kronik 21:14

Alor, SENYER ti anvoy en lepidemi lo Izrael e 70,000 zonm parmi pep Izrael, ti mor.

2 Kronik 25:27

Depi letan ki Amasya ti abandonn SENYER, serten dimoun ti mont en konplo kont li dan Zerizalenm. I ti sove pour al Lakis, kot zot ti swiv li e touy li.

2 Kronik 34:33

Zozyas ti fer disparet tou bann pratik degoutan ki ti sorti dan tou bann pei e dan teritwar Izrael. I ti fer tou bann zabitan Izrael retournen pour servi SENYER, zot Bondye. Pandan tou lavi Zozyas, pep Izrael ti servi SENYER, Bondye zot zanset.

Levitik 10:6

Apre, Moiz ti dir Aaron ek son de garson, Eleazar ek Itamar, “Pa delarg zot seve; pa desir zot lenz, pour ki zot pa mor e atir lakoler SENYER lo pep Izrael antye. Plito, les zot bann frer Izraelit plere lo sa bann ki SENYER in detri par dife.

Nonm 16:22

Moiz ek Aaron ti tonm ater la fas ater. Zot ti dir, “Mon Bondye! Ou sa Bondye ki donn lavi tou kreatir! Akoz pour pese en sel dimoun, ou met ou ankoler anver kominote antye?”

Nonm 32:15

Si zot refize obei li, i pou kontinyen les Izrael dan dezer e zot pou responsab lanmor tou sa pep.”

Deterononm 7:4

Sa i ava detourn ou bann zanfan kont mwan pour al servi lezot bondye. Alor, lakoler SENYER ava anflanmen kont zot; i ava detri zot imedyatman.

Zozye 22:15

Zot ti al dan pei bann Ribenit, bann Gadit, ek demi tribi Manase dan pei Galaad. La sa ki zot ti dir,

Zozye 22:16

“La sa ki tou lakominote SENYER i dir: Ki sa traizon ki zot in komet kont Bondye Izrael? Zot in tourn ledo avek SENYER e zot in konstri en lotel ozordi? Ozordi, zot in revolte kont SENYER.

Zozye 22:20

Ler Akan, garson Zera, ti komet en fot grav konsernan bann piyaz lager ki ti devre ganny detri, eski tou pep Izrael pa ti sibir lakoler SENYER? Pa zis li tousel ki ti mor pour son fot.”

Zozye 7:1

Bann Izraelit ti komet en pese grav konsernan bann lobze ki SENYER ti'n defann pran: Akan, garson Karmi, garson Zabdi, garson Zera, ki sorti dan tribi Zida ti'n pran serten sa bann lobze ki ti devre ganny detri. Alor, SENYER ti ankoler kont pep Izrael.

Zozye 7:11

Izrael in fer pese; zot in kas mon lalyans ki mon ti'n fer avek zot. Zot in pran serten lobze ki ti devre ganny detri; zot in vole e kasyet sa bann lobze vole parmi zot bann posesyon.

Zozye 7:21

Mon ti war parmi bann piyaz lager, en manto sorti Sinear, de kilo larzan ek en lengo lor ki ti pez en demi kilo, mon ti anvi; alor, mon'n pran. Mon'n anter dan mon latant; larzan i dan fon.”

1 Samyel 12:14

Si zot respekte SENYER, si zot servi li, si zot ekout li e pa revolte kont bann komannman SENYER, alor zot, avek lerwa ki pe renny lo zot, pou swiv SENYER zot Bondye.

1 Samyel 12:20

Samyel ti dir lepep, “Pa bezwen per. Menm si zot in fer tou sa bann pese, kontinyen swiv SENYER e servi li avek tou zot leker.