Zozye 21:44 - Labib An Kreol Seselwa

⁴⁴ SENYER ti garanti zot lape lo tou bann frontyer, parey i ti'n promet zot bann zanset. SENYER ti'n livre tou zot bann lennmi dan zot lanmen; personn pa ti kapab reziste zot.

Zozye 21:44 ပူးပေါင်းရင်းမြစ်များ

2 Kronik 13:16

Bann gerye Izraelit ti sove pour esey sape, me Bondye ti livre zot dan lanmen bann gerye Zida.

Egzod 23:31

Mon pou etabli zot teritwar depi lanmer Rouz, ziska lanmer Mediterane e depi dezer, ziska larivyer Efrat. Mon pou delivre bann zabitan sa pei dan ou lanmen e ou ava fer zot sove devan ou.

Egzod 33:14

SENYER ti dir, “Mwan menm ki pou kondwir ou e mon pou donn ou mon repo.”

Ezai 63:14

Zot ti parey en troupo ki desann dan vale; lespri SENYER ti donn zot repo. Konmsa ki ou'n kondwir ou pep, pour ou ganny en gran renonmen.

Deterononm 2:36

Depi Aroer ki lo bor larivyer Arnon, ansanm avek sa lavil ki lo sa larivyer li menm, ziska Galaad, pa ti annan okenn sitadel tro o pour nou. SENYER, nou Bondye ti donn nou tou.

Deterononm 21:10

Ler ou al lager kont ou bann lenn-mi e SENYER, ou Bondye i livre zot dan ou lanmen e ou fer zot prizonnyen,

Ebre 4:9

Sa i vedir ki i annan ankor en repo pour pep Bondye. Sa i setyenm zour.

Zozye 1:13

“Rapel sa ki Moiz, serviter SENYER, ti dir zot ler i ti deklare: SENYER, zot Bondye i donn zot en landrwa repo; i donn zot sa pei.

Zozye 1:15

ziska ki SENYER in donn zot osi repo, e ki zot osi, zot ava'n pran posesyon sa pei ki SENYER in donn zot. Apre, zot ava retournen e pran posesyon pei sitye dan Les larivyer Zourden e ki Moiz, serviter SENYER, ti donn zot.”

Zozye 1:5

Personn pa pou tenir devan ou, tou dilon ou lavi. Mon pou avek ou, parey mon ti avek Moiz. Mon pou touzour avek ou. Mon pa pou abandonn ou.

Zozye 11:12

Zozye ti kaptir tou bann lavil ek zot bann lerwa; I ti masakre zot bann lerwa e detri tou, parey Moiz, serviter SENYER ti'n ordonnen.

Zozye 11:23

Alor, Zozye ti pran tou sa pei, parey SENYER ti'n ordonn Moiz. Zozye ti donn bann Izraelit sa pei, e diviz li an porsyon, par tribi. Alor pei ti trankil, san lager.

Zozye 11:8

SENYER ti livre zot dan lanmen bann Izraelit ki ti atak zot e pourswiv zot ziska gran lavil Sidon, ziska Misrefot-Maim, e ziska vale Mispe dan Les. I ti bat zot san les okenn sirvivan.

Zozye 2:24

Zot ti dir Zozye, “Nou asire ki SENYER in donn nou sa pei. Tou bann zabitan pe tranble devan nou.”

Zozye 22:4

Ozordi, SENYER, zot Bondye in met zot bann konpatriyot dan sekirite, parey i ti'n promet zot. Aprezan, retourn dan zot latant, dan zot pei ki Moiz, serviter SENYER, in donn zot an partaz, dan Les avek larivyer Zourden.

Zozye 22:9

Alor, bann Ribenit avek bann Gadit ensi ki demi tribi Manase ti retourn kot zot. Zot ti kit lezot Izraelit Silo, dan pei Kanaan, e zot ti al dan pei Galaad, rezyon ki zot ti'n resevwar koman zot par, parey SENYER ti'n ordonnen par lentermedyer Moiz.

Zozye 23:1

Lontan apre, SENYER ti'n akord pep Izrael lape kont zot bann lennmi otour zot, Zozye ti'n vye; i ti'n ganny en bon laz.