Zozye 2:19 - Labib An Kreol Seselwa

¹⁹ Si enn parmi zot i sorti deor sa lakaz e al lo semen, i pou responsab son prop lanmor e nou, nou ava kit. Me, si okenn dimoun ki dan ou lakaz i ganny atake, alor nou, nou ava responsab.

Zozye 2:19 ပူးပေါင်းရင်းမြစ်များ

2 Samyel 1:16

David ti dir li, “Ou responsab ou prop lanmor; par ou prop labous, ou'n akiz ou ler ou ti dir: Mwan ki'n touy lerwa ki SENYER in swazir.”

2 Samyel 4:11

Ki pli gran rekonpans mon pou donn sa bann move dimoun ki'n touy en inosan dan son prop lakaz lo son lili, pa mon pou bezwen fer zot peye e debaras later avek zot?”

1 Rwa 2:32

SENYER ava fer li anmenn responsabilite son akt kriminel. San ki mon papa David ti konnen, i ti atak e touy de zonm, meyer ki li: Abner, garson Ner, komandan larme Izrael, ek Amasa, garson Yeter, komandan larme Zida.

Egzod 12:13

Sa disan ava en siny lo bann lakaz pou montre kot zot ete. Ler mon pou war sa disan, mon pou pas par lao zot e sa fleo pa pou detri zot kan mon pou pini Lezip.

Egzod 12:22

Pran en brans izop, tranp li dan disan ki dan en bol e frot li lo lento e lo de poto laport son lakaz. Personn pa devre sorti dan son lakaz ziska bomaten.

Egzod 12:23

SENYER pou pase pour touy bann Ezipsyen. Kan i ava war sa disan lo lento e lo poto laport, SENYER pou sot sa lakaz; i pa pou les sa fleo antre kot zot.

Levitik 20:11

Si en zonm i dormi avek fanm son papa, i'n dezonor son papa; tou le de ava ganny touye. Zot ava responsab zot lanmor.

Levitik 20:9

Sa enn ki ensilte son papa oubyen son manman, ava ganny touye akoz i'n dezonor son papa oubyen son manman. Alor, i ava responsab son prop lanmor.

Matye 24:17

Sa enn ki lo twa son lakaz, pa desann pour pran son zafer ki dan lakaz.

Akt de Zapot 18:6

Me akoz bann Zwif ti opoz li e ensilte li, i ti sekwe lapousyer son lenz kont zot. I ti dir zot, “Si zot pa ganny sove, i ava par zot prop lafot. Mwan, mon pa responsab. Apartir ozordi mon pou al ver bann non-Zwif.”

Akt de Zapot 20:26

Pour sa rezon, mon dir zot ozordi, si okenn parmi zot i arive perdi, mon pa responsab.

Akt de Zapot 27:31

Pol ti dir avek sa zofisye larme ek bann solda, “Si sa bann maren pa reste abor, personn parmi zot pa pou annan en sans sove.”

Filipyen 3:9

e vin konpletman ini avek li. Pa lobeisans Lalwa ki rann mwan zis, me lafwa dan Kris. Bondye ki rann mwan zis e i rann zis sa enn ki krwar dan li.

Ebre 10:29

Alor, mazinen ki pou arive, avek sa enn ki mepriz Garson Bondye, ki konsider disan lalyans Bondye ki'n pirifye li, koman en keksoz san valer, e ki ensilte Lespri ki donn lagras! Pinisyon ki i merite pou sertennman pli sever.

Zozye 2:12

Aprezan ki mon'n tret zot avek lwayote, fer serman avek mwan devan SENYER, ki zot pou tret mon fanmir avek bonte. Donn mwan en siny pour ki mon ava kapab fer zot konfyans.

Zozye 2:14

Sa bann zonm ti dir li, “Nou ava donn nou lavi pour ou, a kondisyon ki ou pa rakont personn sa ki nou'n vin fer isi. Alor, kan SENYER ava donn nou sa pei, nou ava tret ou avek bonte ek lwayote.”

Zozye 2:20

Me si ou rakont sa ki nou'n vin fer, alor nou pa pou oblize tenir sa serman ki ou'n fer nou fer.”