Zozye 18:1 - Labib An Kreol Seselwa

¹ Apre, lakominote Izraelit antye ti rasanble Silo, kot zot ti dres Latant Rankont. Zot ti pe kontrol pei antye.

Zozye 18:1 ပူးပေါင်းရင်းမြစ်များ

2 Samyel 7:6

Mon pa'n reste dan en lakaz depi zour ki mon ti fer pep Izrael sorti dan Lezip ziska ozordi, me mon'n deplas mwan touzour anba en latant.

1 Rwa 14:2

Zeroboanm ti dir son fanm, “Leve, degiz ou, pour ki personn pa rekonnet ki ou fanm Zeroboanm, e mont Silo. Ahiya, sa profet ki ti dir mwan ki mon pou vin lerwa lo sa pep, i reste laba.

1 Rwa 14:4

Fanm Zeroboanm ti fer sa ki son mari ti'n dir li: I ti leve, al Silo e antre kot Ahiya. Ahiya pa ti war kler; son lizye ti nepli bon akoz lavyeyes.

1 Rwa 2:27

Alor, Salomon ti pous Abiatar dan son fonksyon pret SENYER. Sa ti realizasyon parol ki SENYER ti prononse kont lafanmir Eli, Silo.

Nehemi 9:24

Alor, zot bann desandan ti antre e pran posesyon sa pei. Ou ti livre dan zot lanmen bann Kananeen, zabitan sa pei, avek zot bann lerwa, pour tret zot mannyer zot ti anvi.

Psonm 78:60

I ti abandonn son demer Silo, landrwa kot i ti reste parmi bann imen.

Psonm 78:66

I ti atak son bann lennmi ki ti pe sove. I ti fer zot tonm dan laont pour touzour.

Zeremi 26:6

alor, mon pour detri sa tanp parey mon ti fer kraz sa enn ki Silo e fer Zerizalenm vin en malediksyon pour tou bann nasyon ki lo later.

Zeremi 26:9

Akfer ou profetize lo non SENYER, konmkwa sa tanp pou fini parey sa enn Silo e ki Zerizalenm pou ganny detri e pa pou reste okenn zabitan? Tou dimoun ti rasanble otour Zeremi dan tanp SENYER.

Zeremi 41:5

80 zonm ti arive sorti Sikenm, Silo ek Samari. Zot ti'n raz zot labarb, zot lenz ti desire e zot ti'n sizle zot lekor. Zot ti'n vin avek bann lofrann vezetal ek lansan pour ofer dan tanp SENYER.

Nonm 32:22

si zot reste laba ziska ki SENYER in sas tou bann lennmi, alor, zot ava lib devan SENYER ek Izrael pour promes ki zot in fer. Alor, SENYER ava rekonnet ki tou sa teritwar lo kote Les larivyer Zourden i pour zot.

Akt de Zapot 7:45

Sa Latant ti ganny transmet avek nou bann zanset ki ti vin apre. Plitar, zot ti anmenn li avek zot, kan avek Zozye, zot ti pran pei bann nasyon ki Bondye ti fer disparet devan zot. Sa Latant ti reste ziska lepok David,

Zozye 18:2

Parmi pep Izrael, ti reste set tribi ki pa ti ankor ganny zot par later.

Zozye 18:8

Alor, bann zonm ti ale. Zozye ti dir sa bann ki ti pe al eksplor pei, “Ale! Fer letour pei e anmenn en bon deskripsyon kot mwan. Apre, mon ava tir osor pour determin zot par, isi Silo, dan prezans SENYER.”

Zozye 19:51

Sa i bann teritwar ki pret Eleazar ek Zozye, garson Noun ek bann sef fanmir tribi Izraelit, ti tir osor devan SENYER, dan lavil Silo, devan lantre Latant Rankont. Konmsa ki zot ti fini partaz pei.

Zozye 21:2

Ler zot ti Silo, dan pei Kanaan, zot ti dir, “SENYER in ordonnen par lentermedyer Moiz, ki nou ganny bann lavil pour nou reste ek bann laplenn zerb pour nou bann troupo zannimo.”

Zozye 22:12

Osito ki lezot Izraelit ti aprann sa nouvel, tou lakominote Izrael ti rasanble Silo pour al atak zot.

Zozye 22:19

Alor, si zot teritwar i enpir, travers dan pei ki propriyete SENYER, la kot sanktyer SENYER in ganny etabli, e vin propriyeter parmi nou. Me pa revolte kont SENYER, pa revolte kont nou osi, pour konstri en lot lotel akote lotel SENYER, nou Bondye.

Zozye 22:9

Alor, bann Ribenit avek bann Gadit ensi ki demi tribi Manase ti retourn kot zot. Zot ti kit lezot Izraelit Silo, dan pei Kanaan, e zot ti al dan pei Galaad, rezyon ki zot ti'n resevwar koman zot par, parey SENYER ti'n ordonnen par lentermedyer Moiz.

Ziz 18:31

Zot ti enstal pour zot menm zidol ki Mise ti'n fer. Sa zidol ti reste osi lontan ki sanktyer ti Silo.

Ziz 21:12

Parmi bann zabitan Yabes dan Galaad, zot ti dekouver 400 zenn fiy vyerz ki pa ti'n zanmen ganny relasyon seksyel avek en zonm. Zot ti ganny anmenn dan kan Silo, dan Kanaan.

Ziz 21:19

Alor zot ti dir, “Toulezan, i annan en lafet an loner SENYER dan Silo, ki sitye Nor avek Betel, Les avek semen ki mont Betel e Sid avek Lebona.”

1 Samyel 1:24

Apre ki i ti'n sevre li, i ti anmenn li dan tanp Silo. I ti pran osi avek li en pti toro 3 an, en sak lafarin ek en sak ranpli avek diven.

1 Samyel 1:3

Toulezan, sa Elkana ti kit son lavil e mont dan tanp Silo pour al adore e ofer sakrifis SENYER liniver. Sa ti tanp kot de garson Eli, Hofni ek Fineas ti pret devan SENYER.