Zozye 14:4 - Labib An Kreol Seselwa

⁴ Bann desandan Zozef ti form de tribi: Manase ek Efraim. Bann Levit pa ti ganny okenn par dan pei, me selman bann lavil pour zot reste, ek bann landrwa alantour, pour zot troupo ek zot bann byen.

Zozye 14:4 ပူးပေါင်းရင်းမြစ်များ

Zenez 41:51

Zozef ti apel son premye garson Manase. I ti dir: Bondye in fer mwan oubliy tou mon soufrans ek separasyon avek mon fanmir.

Zenez 41:52

I ti apel son dezyenm garson, Efraim. I ti dir: Bondye in fer mwan ganny zanfan dan pei mon soufrans.

Zenez 46:20

Dan pei Lezip, Zozef ti ganny Manase ek Efraim, ki Asnat, fiy Poti-Fera pret On ti gannyen.

Zenez 48:1

Apre sa, Zozef ti ganny dir, “Ou papa i malad.” Alor i ti pran son de garson, Manase ek Efraim e al kot son papa, Zakob.

Zenez 48:5

Zakob ti azoute, “Ou de garson ki ti ne Lezip avan ki mon ti ariv kot ou, Efraim ek Manase, pou vin pour mwan, parey Riben ek Simeon.

Zenez 48:6

Tou zanfan ki ou pou gannyen apre zot, ava vin pour ou e zot ava resevwar atraver non zot frer en par dan patrimwann.

2 Kronik 30:1

Ezekyas ti anvoy mesaz kot Izrael antye ek Zida, e i ti ekri let pour envit Efraim ek Manase dan tanp SENYER dan Zerizalenm, pour selebre Pak an loner SENYER, Bondye Izrael.

Nonm 26:28

Desandans tribi Zozef: Ti annan de garson: Manase ek Efraim.

Zozye 16:4

Bann desandan Zozef, Manase ek Efraim ti ganny sa teritwar.