Zozye 14:11 - Labib An Kreol Seselwa

¹¹ Pourtan, mon ankor osi for ki zour Moiz ti anvoy mwan. Mon annan menm lafors ozordi, ki mon ti annan dan konba, oubyen pour fer tou lezot aktivite.

Zozye 14:11 ပူးပေါင်းရင်းမြစ်များ

Psonm 103:5

I ranpli ou avek son benediksyon menm dan lavyeyes; i fer ou reste zenn parey leg.

Psonm 90:10

Nou lavi i dir zis pour 70 an, parfwa 80 an pour bann ki pli for; me nou konn zis traka ek lapenn; zot pas vit e nou anvole.

Ezai 40:31

Me sa bann ki met zot konfyans dan SENYER ava reganny zot lafors; zot ava anvole parey en leg; zot ava taye, me zanmen fatige; zot ava marse san rente.

Deterononm 31:2

i ti azoute: Aprezan, mon annan 120 an. Mon nepli kapab diriz zot mon tousel e SENYER in dir mwan: Ou pa pou travers larivyer Zourden.

Deterononm 33:25

Ou annan bann baro an fer e an bronz. I ava an sekirite tou son lavi.

Deterononm 34:7

Moiz ti annan 120 an kan i ti mor. Son lizye ti ankor bon e i ti ankor for e son lafors pa ti'n diminyen.

Zozye 14:10

Aprezan, SENYER in gard mwan vivan, dapre son promes. I annan 45 an, depi ki SENYER ti pronons sa parol avek Moiz, pandan ki Izrael ti pe marse dan dezer. Ozordi, mon annan 85 an.