Zozye 13:6 - Labib An Kreol Seselwa

⁶ tou bann zabitan dan montanny, depi Liban ziska Misrefot-Maim, tou bann Sidonit. Mon pou sas tou sa bann pep anmezir ki pep Izrael pou vin dir mwan. Partaz pei zis par tiraz osor, avek Izrael, parey mon'n ordonn ou.

Zozye 13:6 ပူးပေါင်းရင်းမြစ်များ

Psonm 80:8

Ou'n pran en plan rezen Lezip. Ou'n sas son bann zabitan e ou'n replant li.

Nonm 33:54

Zot ava partaz pei par tiraz osor, dapre sak klan. Partaz later dapre grander sak tribi. En gran morso later pour sa ki pli gran, en pli pti morso pour sa ki pli pti. Fer partaz dapre rezilta resansman.

Zozye 1:6

Reste for e pran kouraz, akoz ou ki pou fer sa pep pran posesyon sa pei ki mon'n promet pour donn zot zanset.

Zozye 11:12

Zozye ti kaptir tou bann lavil ek zot bann lerwa; I ti masakre zot bann lerwa e detri tou, parey Moiz, serviter SENYER ti'n ordonnen.

Zozye 11:8

SENYER ti livre zot dan lanmen bann Izraelit ki ti atak zot e pourswiv zot ziska gran lavil Sidon, ziska Misrefot-Maim, e ziska vale Mispe dan Les. I ti bat zot san les okenn sirvivan.

Zozye 13:7

Aprezan alor, diviz sa pei avek sa nef tribi ek demi tribi Manase.”

Zozye 23:13

zot ava war ki SENYER, zot Bondye, pa pou kontinyen sas sa bann nasyon devan zot. Zot ava vin en latrap, en pyez, en roten ki pou fwet zot lo zot ledo, e bann pikan dan zot lizye, ziska ki zot ava disparet lo sa bon later ki SENYER, zot Bondye in donn zot.

Zozye 23:4

Gete! Mon'n donn zot par tiraz osor koman par pour sak tribi, teritwar bann nasyon ki reste depi larivyer Zourden, ek tou bann nasyon ki mon'n detri ziska lanmer Mediterane, dan Was.

Zozye 23:5

SENYER, zot Bondye pou sas lwen sa bann pep devan zot, e zot ava pran zot pei, parey SENYER, zot Bondye ti'n dir zot.