Zozye 11:22 - Labib An Kreol Seselwa

²² Ti nepli annan okenn zean dan pei Izrael, sof dan Gaza, dan Gat e dan Asdod.

Zozye 11:22 ပူးပေါင်းရင်းမြစ်များ

1 Rwa 2:39

Me anviron 3 an plitar, de parmi bann lesklav Simei ti sove e al kot Akis, garson Maaka, lerwa Gat. Simei ti tande ki son de lesklav ti Gat.

1 Kronik 18:1

Apre, David ti bat bann Filisten e fer zot soumet avek li. I ti pran lavil Gat ek son bann vilaz, dan lanmen bann Filisten.

1 Kronik 8:13

Beria ek Sema ki ti sef fanmir parmi bann zabitan Ayalonn ki ti fer taye bann zabitan Gat.

2 Kronik 26:6

Ozyas ti al lager kont bann Filisten, detri bann miray lavil Gat, Yabne ek Asdod. I ti konstri bann lavil dan Asdod e dan teritwar Filisten.

Ezai 20:1

Dan lannen ki Sargon, lerwa Asiri ti anvoy son komandan an sef kot Asdod, e fer lager kont sa lavil e kaptir li.

Akt de Zapot 8:40

Kanta a Filip, i ti ariv dan en landrwa ki apel Asdod. I ti al dan bann lavil, e partou, i ti anons Bonn Nouvel, ziska ki i ti ariv Sezare.

Deterononm 2:23

Bann Avit ki ti'n viv dan bann kanpman pre avek Gaza, ti ganny detri par bann Kaftorit, ki ti sorti Kaftor, e etabli zot dan zot plas.

Deterononm 9:2

Zot en pep zean ki for; desandan bann Anakit ki ou konnen. Annefe, ou'n antann dir lo zot: Lekel ki kapab tenir devan bann Anakit?

Zozye 10:41

Zozye ti bat zot depi Kades Barnea ziska Gaza, depi rezyon Gosenn ziska Gabaon.

Zozye 15:14

Kaleb ti sas sa trwa desandan bann Anakit ki ti reste la: Sesai, Ahimann, Talmai.

Zozye 15:46

depi Ekronn dan Was, tou bann lavil pre Asdod avek bann vilaz.

Zozye 15:47

Asdod, bann lokalite avek bann vilaz; Gaza avek bann lokalite avek bann vilaz, ziska larivyer Lezip, e ziska lakot Mediterane.

Ziz 1:18

Bann zonm Zida ti osi kaptir lavil Gaza avek tou son teritwar: Gaza, Askelonn, Ekronn, sakenn avek son teritwar.

Ziz 3:3

Sa senk sef bann Filisten, tou bann Kananeen, bann Sidonit, bann Hivit ki ti pe reste dan rezyon montanny Liban, depi montanny Baal-Hermon ziska Lebo-Hamat.

1 Samyel 17:4

En sanpyon ti sorti dan kan Filisten e avanse. I ti apel Golyat e i ti sorti Gat. I ti mezir plis ki 2.80 met.

1 Samyel 5:1

Bann Filisten ti'n sezi Kof lalyans Bondye; zot ti'n sorti Eben-Ezer avek e anmenn li Asdod.