Zozye 11:12 - Labib An Kreol Seselwa

¹² Zozye ti kaptir tou bann lavil ek zot bann lerwa; I ti masakre zot bann lerwa e detri tou, parey Moiz, serviter SENYER ti'n ordonnen.

Zozye 11:12 ပူးပေါင်းရင်းမြစ်များ

Deterononm 7:2

SENYER, zot Bondye ava livre zot anba zot pouvwar e donn ou laviktwar lo zot. Alor, ou ava detri zot konpletman. Pa fer okenn lalyans avek zot e pa pran okenn pitye pour zot.

Deterononm 9:3

Ozordi, rekonnet ki SENYER, ou Bondye i sa enn ki pe travers larivyer Zourden devan ou parey en dife ki bril tou. I pou detri zot e imilye zot devan ou. Konmsa, ou ava kapab pran tou sa ki zot annan e detri zot vitman, parey SENYER ti promet ou.

Zozye 10:20

Ler Zozye avek bann Izraelit ti'n fini bat bann Amorit, bann ki ti'n kapab sape ti al refizye dan bann lavil fortifye.

Zozye 10:28

Sa menm zour, Zozye ti kaptir lavil Makeda e masakre tou bann zabitan avek son lerwa. I ti detri zot tou, ensi ki tou bann et vivan ki ti annan. I pa ti kit personn vivan. I ti tret lerwa Makeda parey i ti'n tret lerwa Zeriko.

Zozye 10:30

SENYER ti livre sa lavil osi avek son lerwa dan lanmen bann Izraelit, ki ti masakre tou bann zabitan e tou bann et vivan ki ti annan. I pa ti les okenn sirvivan. I ti tret son lerwa parey i ti tret lerwa Zeriko.

Zozye 10:32

SENYER ti livre Lakis dan lanmen bann Izraelit. Zot ti kaptir li son dezyenm zour batay e masakre tou bann zabitan ek tou bann et vivan, parey zot ti fer Libna.

Zozye 10:35

Zot ti kaptir li son menm zour e masakre tou bann zabitan ek tou bann et vivan ki ti annan. Sa zour, i pa ti les okenn sirvivan, parey i ti fer Lakis.

Zozye 10:37

Zot ti pran sa lavil e masakre son bann zabitan, son lerwa, tou lezot lavil ki ti depann lo li e tou bann et vivan dan lavil, parey i ti'n fer Eglonn. I pa ti les okenn sirvivan.

Zozye 11:13

Me bann Izraelit pa ti bril bann lavil ki sitye lo montanny, eksepte Asor, ki Zozye ti brile.

Zozye 11:15

Sa ki SENYER ti'n ordonn Moiz son serviter, Moiz ti ordonn Zozye. Zozye ti fer li. I pa ti negliz nanryen ki SENYER ti'n ordonn Moiz.

Zozye 13:6

tou bann zabitan dan montanny, depi Liban ziska Misrefot-Maim, tou bann Sidonit. Mon pou sas tou sa bann pep anmezir ki pep Izrael pou vin dir mwan. Partaz pei zis par tiraz osor, avek Izrael, parey mon'n ordonn ou.

Zozye 21:44

SENYER ti garanti zot lape lo tou bann frontyer, parey i ti'n promet zot bann zanset. SENYER ti'n livre tou zot bann lennmi dan zot lanmen; personn pa ti kapab reziste zot.

Zozye 8:31

parey Moiz, serviter SENYER, ti'n ordonn bann Izraelit, parey in ganny ekri dan Liv Lalwa Moiz: En lotel fer avek ros brit ki pa'n ganny taye avek okenn zouti anfer. Lo sa lotel, zot ti ofer bann sakrifis konplet ek sakrifis lape.

Zozye 8:8

Apre ki zot ava'n pran lavil, met dife, bril li, parey SENYER ti ordonnen. Gete! Sa i en lord ki mon donn zot.

Zozye 9:24

Zot ti reponn Zozye, “Nou ti'n aprann ki SENYER, ou Bondye in ordonn son serviter Moiz pour donn zot tou sa pei e ki zot pou touy tou bann zabitan sa pei. Nou ti per zot. Se pour sa rezon ki nou ti azir dan sa fason.