Zozye 10:6 - Labib An Kreol Seselwa

⁶ Bann zabitan Gabaon ti anvoy sa mesaz kot Zozye dan kan Gilgal: Pa abandonn ou bann serviter; vin vit, vin sekour nou. Tou bann lerwa Amorit ki reste dan rezyon montanny in zwenn ansanm kont nou.

Zozye 10:6 ပူးပေါင်းရင်းမြစ်များ

2 Rwa 4:24

Alor, i ti sel son bourik, e dir avek son serviter, “Anmenn bourik; pa aret ditou lo semen, amwen ki mon dir ou.”

Psonm 125:2

Parey Zerizalenm i ganny antoure par bann montanny, SENYER i antour son pep depi ozordi e pour touzour.

Ezai 33:22

SENYER i nou ziz; SENYER i nou sef; SENYER i nou lerwa; li menm ki pou sov nou.

Nonm 13:29

Bann Amalesit i reste dan rezyon Negev dan Sid; bann Hitit, bann Zebizit e bann Amorit, zot reste dan montanny; bann Kananeen, zot reste obor lanmer e dan rezyon Zourden.

Levanzil dapre Lik 1:39

En pe letan apre, Mari ti deswit pran semen dan direksyon en lavil sitye dan montanny Zide.

Deterononm 1:15

Alor, mon ti pran zot bann sef tribi, bann zonm saz, eksperyanse e enstal zot koman zot sef: Sef 1,000, sef 100, sef 50, sef 10, ek bann zofisye ki pou ansarz sak tribi.

Zozye 10:5

Sa senk lerwa Amorit: Lerwa Zerizalenm, lerwa Hebron, lerwa Yarmout, lerwa Lakis ek lerwa Eglonn, ti zwenn ansanm pour al konfront lennmi avek tou zot latroup. Zot ti anserkle Gabaon e atak li.

Zozye 10:7

Alor, Zozye ti kit Gilgal avek tou son larme ek son bann vayan gerye.

Zozye 21:11

Zot ti resevwar Kiryat-Arba, lavil papa Anak, setadir Hebron ki sitye dan rezyon montanny Zida, ansanm avek bann laplenn otour.

Zozye 5:10

Pep Izrael ti kanpe Gilgal, e la, dan laplenn dezer Zeriko, zot ti selebre Pak aswar, katorzyenm zour sa mwan.

Zozye 9:15

Zozye ti fer lape e fer en trete avek zot konmkwa i pou gard zot vivan. Bann responsab lakominote ti pret serman.

Zozye 9:6

Zot ti al war Zozye dan kan Gilgal. Zot ti dir li ensi ki bann Izraelit, “Nou sorti dan en pei lwen. Aprezan, fer en lalyans avek nou.”

Zozye 9:8

Zot ti dir Zozye, “Nou ou bann serviter.” Zozye ti demann zot, “Lekel zot? Kote zot sorti?”