Zozye 10:16 - Labib An Kreol Seselwa

¹⁶ Sa senk lerwa ti sove e ti al kasyet dan kavern Makeda.

Zozye 10:16 ပူးပေါင်းရင်းမြစ်များ

Psonm 68:12

Bann lerwa ek zot larme pe sove! Zot pe sove! Bann fanm ki'n reste dan kan pe partaz bann depouy lager.

Psonm 68:13

Lezel pizon i kouver avek larzan e son bann plim i kouler lor pal.

Amos 9:2

Si zot al kasyet parmi bann dimoun mor, mon pou al sers zot. Si zot mont ziska dan lesyel, mon pou fer zot desann.

Mise 7:17

Zot pou manz lapousyer parey serpan, ek lezot reptil. An tranblan, zot pou sorti dan zot fortres pour al ver SENYER, nou Bondye. Zot pou dan lafreyer, zot pou per ou.

Zozye 10:15

Apre, Zozye ek tou bann Izraelit ti retourn dan kan Gilgal.

Zozye 10:17

Zozye ti ganny sa rapor: Sa senk lerwa in ganny dekouver pe kasyet dan kavern Makeda.

Zozye 10:5

Sa senk lerwa Amorit: Lerwa Zerizalenm, lerwa Hebron, lerwa Yarmout, lerwa Lakis ek lerwa Eglonn, ti zwenn ansanm pour al konfront lennmi avek tou zot latroup. Zot ti anserkle Gabaon e atak li.

Revelasyon 6:15

Alor, bann lerwa later, bann gran dimoun enportan, bann sef militer, bann ris, bann ki annan pouvwar, e tou dimoun, lesklav ek zonm lib, zot tou, zot ti al kasyet dan kavern ek bann kap ros dan montanny.

Ziz 6:2

Bann Madyanit ti fer Izrael santi zot pouvwar. Akoz zot, pep Izrael ti al reste dan bann krevas dan montanny, bann lagrot e dan bann presipis.

1 Samyel 13:6

Kan Bann zonm Izrael ti war ki zot ti dan difikilte akoz lepep ti'n ganny kwense, zot ti al kasyet dan bann kavern, dan bann trou, anba ros, dan souteren e dan bann sitern.

1 Samyel 24:3

I ti ariv kot bann park mouton ek kabri ki ti obor semen e kot ti annan en kavern. Sail ti antre pour fer son bezwen. David ek son bann zonm ti dan fon sa kavern.

1 Samyel 24:8

Apre, David ti sorti dan kavern e kriy deryer Sail, “Mon senyer, lerwa!” Sail ti vir deryer e war David; David ti bese ziska ater, devan li.