Zonas 2:6 - Labib An Kreol Seselwa

⁶ Mon ti desann kot montanny i pran son rasin, dan profonder lemonn lanmor kot laport ti ferm lo mwan pour touzour. Me ou, SENYER, mon Bondye, ou'n tir mwan vivan dan profonder lanmor.

Zonas 2:6 ပူးပေါင်းရင်းမြစ်များ

Liv Zob 33:24

I ava pran pitye pour li, e i dir Bondye: Pa les li desann dan latonm; mon'n trouv sa enn ki pou pey ranson pour li!

Liv Zob 33:28

Bondye in sov mwan akoz mon ti pe al fini dan latonm, aprezan mon revwar lalimyer.

Psonm 104:6

I servi losean pour kouver later parey en lenz; delo ti monte e kouver latet bann montanny.

Psonm 104:8

Zot ti mont par lao bann montanny e desann dan bann vale, dan landrwa ki ou ti'n fikse pour zot.

Psonm 116:3

Lanmor ti'n fini anpay mwan; langwas lemonn lanmor ti'n sezi mwan. Lafreyer ek ladetres ti'n sezi mwan.

Psonm 143:7

SENYER! Reponn mwan vit. Mon lespri i trouble. Pa detourn ou vizaz avek mwan, sinon mon pou parey sa bann ki desann dan lemonn lanmor.

Psonm 16:10

Ou pa pou abandonn mwan dan lemonn lanmor. Ou pa pou les ou zanmi fidel fini dan lafos.

Psonm 18:5

Lasenn lemonn lanmor ti'n anmay mwan. Mon ti'n fini tonm dan son latrap.

Psonm 30:3

SENYER! Ou'n tir mwan dan lemonn lanmor. Ler mon ti pe tonm dan lafos, ou'n redonn mwan lavi.

Psonm 30:9

Ki lentere ou annan dan mon lanmor, ler mon desann dan lafos? Eski dimoun mor i kapab loue ou? Eski zot kapab rakont ou fidelite?

Psonm 55:23

Me ou, Mon Bondye! Ou ava fer sa bann malfeter desann dan lemonn lanmor. Sa bann kriminel, sa bann tret pa pou viv lanmwatye zot lavi. Me mwan, mon kont lo ou.

Psonm 65:6

Par ou lafors, ou'n plas bann montanny. Ou ranpli avek pwisans.

Psonm 69:2

Mon pe anfons dan labou, mon napa en landrwa solid pour mwan poz mon lipye. Mon pe anfons dan kre e kouran pe anmenn mwan.

Ezai 38:10

Mon ti dir dan mwan menm: Mon apenn lanmwatye mon lavi e deza mon bezwen ale. Mon'n ganny kondannen pour pas leres mon lavi devan lemonn lanmor.

Ezai 38:17

Mon lanmertim ti sirman pour mon prop boner ki mon ti dan latristes. Dan ou lanmour pour mwan, ou'n anpes mwan tonm dan lafos destriksyon; ou'n zet mon bann pese lwen deryer ou.

Ezai 40:12

Lekel ki'n deza mezir delo dan son lanmen e ki'n fikse lesyel avek son plak lanmen? Lekel ki'n fer antre tou lapousyer later dan en mezir? Lekel ki'n deza pez bann montanny ek kolin lo en balans?

Ezekyel 26:20

Mon pou fer ou desann dan lemonn lanmor avek bann ki'n ale depi lontan. Mon pou fer ou reste dan profonder later. Parey bann rin lantikite, ou pou reste avek sa ki dan lemonn lanmor; ou pou nepli annan okenn zabitan e mon pou donn later bann vivan ou labote.

Ezekyel 31:14

Konmsa, bann pye dibwa obor delo, pou nepli vin gran, okenn pye dibwa pa pou kapab pous par lao lezot touf zarbis. Okenn pye dibwa ki pous obor delo pa pou kapab vant son grander par lao lezot. Akoz zot tou, zot pe mor, zot pe al dan profonder later parmi bann imen, ansanm avek bann ki desann dan latonm.

Habakouk 3:10

Bann montanny i war ou, zot tranble avek lafreyer. Lapli i tonm avek lafors; losean i ronfle. I anvoy son laroul anler.

Habakouk 3:6

Kan i arete, later i tranble. I get bann nasyon, zot tranble. Bann montanny ansyen i fann an de; bann kolin ek bann santye ki la depi lontan, zot afese; zot ki otrefwa ti son semen.

Matye 16:18

Mwan, mon deklare ki ou Pyer, e lo sa ros mon pou konstri mon Legliz, e pwisans lanmor pa pou ranport laviktwar kont li.

Deterononm 32:22

Annefe, en dife in ganny alimen par mon lakoler ki pe brile ziska dan fon lemonn lanmor. I devor later ek tou sa ki i prodwir. I bril ziska fondasyon bann montanny.