Ziz 7:4 - Labib An Kreol Seselwa

⁴ SENYER ti dir Zedeon, “Lepep i ankor tro nonbre. Fer zot desann obor delo kot mon ava teste zot dan ou plas. Sa enn avek ki mon pou dir: Al avek ou, ava ale avek ou; tou zonm avek ki mon pou dir: Pa al avek ou, pa pou ale.”

Ziz 7:4 ပူးပေါင်းရင်းမြစ်များ

Zenez 22:1

Apre, Bondye ti teste Abrahanm. I ti dir li, “Abrahanm!” Abrahanm ti reponn, “Wi, la mon la.”

Liv Zob 23:10

Pourtan, i konnen ki semen mon pran. Ler in teste mwan, mon pou sorti osi pir ki lor.

Psonm 33:16

En lerwa pa ganny sove akoz i annan en larme pwisan. En solda pa ganny delivre par grander son lafors.

Psonm 66:10

Mon Bondye! Ou'n teste nou. Ou'n pirifye nou parey larzan i ganny pirifye.

Psonm 7:9

Bondye ki zis! Ou ki egzamin sa ki pase dan mon lespri e dan mon leker, fer fini mesanste bann malfeter. Ankouraz sa bann ki fer dibyen.

Ziz 7:5

Alor, Zedeon ti fer lepep desann obor delo. SENYER ti dir li, “Sa enn ki pou bwar delo avek son lalang parey en lisyen, oubyen ki azenou pour bwar, ou ava met li apar.”

1 Samyel 14:6

Zonatan ti dir son porter zarm, “Vini! Annou al lot kote dan kan bann Filisten, sa bann zonm ki pa'n sirkonsi. Petet SENYER ava ed nou. Annefe, menm si i annan en kantite nou, sa pa pou anpes SENYER donn son laviktwar.”

1 Samyel 16:7

Me SENYER ti dir Samyel, “Pa get son laparans ni son grander, akoz mon'n rezet li. SENYER pa war parey zonm i war. Zonm i get laparans eksteryer, me SENYER i get dan leker.”